Daniel 7:9 - NTSHOB NSI

⁹ Me nke ndôte ndùse bo ke nte ndiaṅkwa là. Mbwe mèn mum ntswe'njù mi tswe nsi mbwe njwèn mèn. Nzwe i fôg mba nywinmbaṅ nà, nyiaṅtu tse làn mba ndeb là. Diaṅkwa se be mba ngwat mbwôg là, nku mi be mba mbwôg z'a tshwèt nkù nge' là.

Daniel 7:9 Iomraidhean Croise

1 Fenfen 22:19

Ndùlala Mika tshob ndù: Ju' ntshob Tshùaben li! Me lo yen Tshùaben ndù a tswe num diaṅkwa se ntshu ntsho mfe kamànyam tsinte mbaṅ i bu zwim bo bu kwéb.

2 Kronika 18:18

Ndùlala Mika tshob ndù: Bin ju' ntshob Tshùaben ni! Me lo yen Tshùaben ndù a tswe num diaṅkwa se ntshu ntsho mfe kamànyam tsinte mbaṅ i bu zwim bo bu kwéb.

Yobkwi 45:8

O be nkô nunetsine, nke mban tshùag. A ndùlala, o Nsi, Nsi o lo yo' mfèt tsiaṅte netèt shun tsho.

Yobkwi 90:2

Ba mbat lo be be, o lo be nabte tsha' mba njù, ndù o yà be Nsi fe ngu'ngu'.

Yobkwi 93:2

O lo te ko'fen so nsi fe neto'te. A b'a be wù bèn nke mbe Nsi.

Esaya 6:1

A lo be ngu'njù ze mfen Ozias kwù là, me yen Tshùaben ndù a tswe num diaṅkwa s'a nèn tù neshu là, ntôg kum se dun ntùm ndà Nsi.

Esaya 9:6

Nufen se nsi b'a ze ndùb, fite ke ndù i be num diaṅkwa tà njam i David bo nufen se. Tshùaben nsi te nufen se bèn tomt'é njam nu ndaṅndaṅ bo nunetsine, ndonni kà nèn miagte A b'a ju ze nkôni Tshùaben tàndà ntsho nsi ghù là.

Yérémia 49:38

Tshùaben tshob ndù: Me nsi te diaṅkwa sàm Elam, biagte mfen boa kamkame.

Ezékia 1:26

Mo' ju lo be num ghub ju z'a be num tu bo là, ntswe mba loṅ fôgtab (safir) là, ndù a fute diaṅkwa; mo' se tum num diaṅkwa là ndù a fute ze ta' mènntùn; yen se là na' mb'a mfe tu diaṅkwa ke b'a kua' num bwe.

Daniel 7:13

Me nke ndôte mum njem tèttswe', tshù, njen mèn a nke nse' num ndot mba Mén mèn nà. A nèn nkum mbaṅ mbwe mèn mum ntswe'njù mi, bo lo' i nèn yi mbwe i.

Daniel 7:22

tà nkum ndùse mbwe mèn mum ntswe'njù mi se' mfà mba' ben nelàn tse bo be tse Nsi z'a tà mfe tù là. Yen ngelaṅ nà ben nelàn kwé nufen ntùm mbu mube.

Mika 5:2

A ndùlala, Nsi nsi ghua' yube, tà nkum ndùse mènnzwi z'a bwô ndù a bwe nsi bwe, tshé' fèt tse bèn njam ntamte num bon Israél là.

Habakuk 1:12

A ke b'a wù bèn mbe Tshùaben, Nsi àm mba yàm Nsi Nelàn fe tà ndùke lo, fe mbwembwe ké? Be bag ke kwù! Ô Tshùaben! O yab yen nzwit mèn n'a ndù a tsho'te tsho ntsha. Ô gholoṅ sàm! O tènt'é à ndù a yab nge' num yu tu.

Matio 17:2

wul i kaṅ mbwe bo, se i ziag mba lagnyam nà, nzwe tse tù' fôgtab mba nka' là

Matio 28:3

nke ṅwa'ṅwa' mba lagnyam, nzwe i nke mfôg mba mbem nà.

Marko 9:3

Nzwe tse tù' ṅwa'ṅwa' fôgtab, ze sàm ngasôg nzwe ntùm njù li ke' ku' neghù a fôg mba tse là.

Mfa' Ghantum 2:30

Là, a na' mb'a ngatshob ntshob Nsi, ndèn ndù Nsi lo ka' yi, ntshob nsaṅlaṅ bwe ndù mo' mèn ntùm nzwil i nsi tswe num diaṅfen se,

Mfa' Ghantum 2:33

Ngelaṅ ze bu Nsi ze zwim bù' i là, a kwé Ywèt Nelàn ze Tà na' nka' là, naṅ i, mba bin tshwèt njen mbèn nju' là.

Filipi 3:9

mbe num i, nkwé nunetsine, ke b'a yàm nunetsin z'a fe à ntshù' là, là nunetsin z'a fe à bamntù Kristô là, nunetsin z'a fe à Nsi, ze bamntù be mfà là;

1 Timôtio 6:16

yi z'a ghù nebe ke kwù tù' i là, yi z'a be ntswe ntùm nka' ze be mèn ke ghebte mbaṅ bwe là, yi ze sàm mènntùn ke' to' yen i, ke ku'ni neyen i là, a yi nsi bèn la'te lé'njù Tshùaben num ko' ze ngelaṅ. Ghamte mba neta be yi ngu'ngu'. Amén.

1 Yohané 1:5

Tshô ze bag na' nju' yi, ze bag tshwèt nsoṅ zin nà, b'a ndù Nsi b'a nka', njam ke' be num i.

Apokalipse 1:14

Tu i mba nyiaṅtu tse fôg mba nyiaṅ njùmbwe fôgtab là, mba nywinmbaṅ nà, miag mi be mba ngwatmbwôg là;

Apokalipse 19:18

ndù bin fèt mbàb wut fenfen, mbàb wut tàndà ntsho, mbàb wut ben neta, mbàb wut nyàmdiaṅe, mba ze ben tse bo tswe num bo là, mbàb wut njoṅ bonla' fa mba ze kuan, mbàb wut bônke' mba ze dùbdùb.

Apokalipse 20:4

Me yen nko'fen, benntùn tswe num bwe, bo fà netsho'te ntsha bo; me yen ben bo wat tu tshob num nu kwénta Yésu, num nu ntshob Nsi là, ben tse bo na' mbe ke ghamte nyàm ke neto i lo, ke bèn nkwé lèn num nkonse yub mba num bu yub là: Bo bèn mbe ntùn, ntô boa Kristô num ngu' ntsha' mbùm.

Apokalipse 4:2

Be ndùse, me be ntùm Ywèle. Tshù, mo' ko'fen lo be mfe kamànyam, mèn tswe num sen ko'fen nà.