Daniel 7:7 - NTSHOB NSI

⁷ Yen nà be tôge, me nke ndôte mum njem tèttswe', njen mbatte nyàm kuà ndù a kuni, mfét wut mbèn nta ntshùate. A lo ghù nsô ndùbndùb, mi tùne; a nke mfèle, mbe'te, mbèn nyiaṅte ju z'a tù' là nku. A lo ke fute nyàm tse bo bwôg be là; a ghù ndô mi gham.

Daniel 7:7 Iomraidhean Croise

2 Samuél 22:43

Me num nkute yub mba mbab tsha' là. Me num ntse' yub nku, nyiaṅ yub mba netob mi à be num manze là.

ṄWA'NI YOB 41:14

Neta ke ntswe à ntùm kekol i, bwôg nke nzin à mbwe i.

Ezékia 40:2

A lo' àm ntùm ba njem nèn nte àm num mo' nesà mbale, mo' tusô be bwe, nze mà ntèn ndù bo kut.

Daniel 2:19

Ndùlala Nsi la'te yen mesin nà Daniel mum njem tèttswe', Daniel nyàmte Nsi z'a kamànyam nà.

Daniel 7:13

Me nke ndôte mum njem tèttswe', tshù, njen mèn a nke nse' num ndot mba Mén mèn nà. A nèn nkum mbaṅ mbwe mèn mum ntswe'njù mi, bo lo' i nèn yi mbwe i.

Daniel 7:2

Daniel tshob ndù: Ndùse me ke ndôte mum njem tèttswe' là, tshù, me yen fetmbaṅ fe num bag kamànyam kuà nse' nyi'te dibantse ndùb.

Daniel 8:10

Metsit ndô là ku' tà nèn nkum num ntshu ntsho mfe kamànyam, ngù mo' bag yen ntshu ntsho là boa nsa vùte nsi; a nyiaṅte yub nku.

Daniel 8:22

Ndô z'a be'e, ndô kuà ts'a ko' num ze dù' là, b'a nufen kuà ts'a tum mum ze ngô là. Là bo ke nsi ghù neta mba yi là.

Sakaria 2:1

Tshù, me bù' miag màm nke ndôte, njen ndô kuà mum njem.

Apokalipse 12:3

Mo' mbatte ju netshàm tum mfe kamànyam, tshù, a na' mb'a mo' Ngamnyu ndùb ndù a b'a mba mbwôg là, ngù tu tse sammbàa mba ndô mi gham, ndot fen sammbàa lo be num njoṅ tu tse fa.

Apokalipse 13:1

Tshù, me yen mo' nyàm tum ntùm dibantse ndù a ghù ndô mi gham mba tu sammbàa, ndot fen gham be num ndô mi, ndèn tshabte be num tu tse.

Apokalipse 17:12

Ndô gham mi o yen nà b'a fenfen gham tse bo ke' yoṅ nkwé nufen nà, là bo nsi kwé ngù' fenfen num ta' nyam boa nyàm.

Apokalipse 17:7

Angél tshob me ndù: O tshàm à numke? Me nsi soṅ o tsham mènnzwi mba se nyàm z'a kel i là, nyàm z'a ghù tu sammbàa mba ndô gham nà.

Apokalipse 17:8

Nyàm z'o yen nà lo be, a ke' bèn mbe; a nsi tum ntùm ghem njam nsi, nèn ntùm nebi, ba ntùm njù tse bo ke' kite ndèn mub ntùm ṅwa'ni yôg fe ngelaṅ nenabte njù là, nsi be yen nyàm tshàme, nummbe a lo be, a ke' bèn mbe, mbe ndù a ke nsi bèn be.