Daniel 7:5 - NTSHOB NSI

⁵ Mbatte nyàm bàa fute mbù tshwèt, ntsin tù bag ntshù'. A lo ghù nkitnsa ntshu i ntat netèt nsô mi, bo nke ntshob yi ndù: Lo nsi mfèt mbàb yàme.

Daniel 7:5 Iomraidhean Croise

2 Fenfen 2:24

A kaṅ wul i ndôte yub ndo' lén Tshùaben nso ndon yi tu bo. Ndùlala nzwimàntô bàa tum ntùm fèn mfagte ben ntshob bàa ṅam nkuà netèt bon nà.

Tànkùt 17:12

Mebwô b'a nebumte bin mbù tshwèt z'a bi bon tse là, ntshùa ta' nkagni.

Esaya 56:9

Njoṅ zin fa, bin ba nyàm tshwèt, bin se' fèle, bin njoṅ nyàm fa tse bin be ntswe fèn nà.

Daniel 11:2

Ndonni m'a' soṅ o nunenùne. Fenfen tat nsi be Persia. Mbatte kuà nsi ghù tshunkàb tshùa tsemo'o. Ndùs'a nsi tshùa njam tshunkàb tse tù' mèn neta là, a nsi lo' njoṅ i fa lo yi nsi num nufen Javan.

Daniel 2:39

Yu nufen nsi be tôge, mo' nufen mbatte bàa lo nsi; l'a ke nsi kote yu nufen; nufen mbatte tat nsi lo nsi sa' njoṅ njù nsitsha' fa. A b'a tùn fôgtab.

Daniel 5:28

Parsin, bo ghabte nufen o, mfà mo' bag i Media, mfà mo' Persia.

Daniel 7:4

Mbwe nyàm fute ngwayit; ngù mbàb ghammàtat; me nke ndôte tà nkum ndùse bo tsho' mbàb mi là; bo tsho' i nsi, a tsin tù num nku mi mba mènntùn nà, bo fà ntù mènntùn yi.

Daniel 7:6

Yen nà be tôge, me nke ndôte, njen mo' nyàm, a fute nzwimàntô, ndù a ghù mbàb nkuà num mvèn i mba saṅ nà; yen nyàm nà lo ghù tu tse kuà, ndù bo fà netô yi.

ṄWA'NI OSÉ 13:8

Me nsi kam yub mba mbù tshwèt ze bo ghom bon tse là. Me nsi sé'te ndàntù yub; me nsi fagte yub mba nzwi ngwayit là; ba nyàm tshwèt nsi sé'te yub mfémfé.

Apokalipse 13:2

Nyàm ze me yen nà fute nzwimàntô, nku mi be mba mi tshàmnje' là, ntshu i be mba ze ngwayit là. Ngamnyu fà neta yi, ko'fen se mba ngù' i yi.