Daniel 7:1 - NTSHOB NSI

¹ A lo be mbwe ngu'njù fen Baltazar, mfen Babilon, Daniel yen njem, nzi njem, ndùs'a ke nzi num kunndà se là. Ndùlala a kite njem, nsoṅ njoṅ tshu fa ts'a be ntùm bwe là.

Daniel 7:1 Iomraidhean Croise

Neto'te 15:1

Tshen nu li lo be tshùa, Tshùaben tshob Abram mum njem ndù: Kà bwôg me Abram! Me b'a yu tshètntsho, nda' o nsi b'a ze ndùb.

Neto'te 46:2

Nsi tshob Israél mum njem tèttswe' ndù: Yakob! Yakob! A bùnte ndù: Tshù me li!

ṄWA'NI YOB 4:13

A na' mb'a num ngelaṅ ze ba njem be nzwiaṅte nkwate là, num ngelaṅ ze benntùn num nko miaglo là.

Esaya 30:8

Tshùaben tshob Esaya ndù: Ndonni, nèn mbwe bo, nkite yen nu là num tafèt, nkua' ntshob tshen tshu là bo; kite njoṅ i fa ntùm ta' bu' ṅwa'ni, ndùlala ndù tshen tshu là ghô mba num ngelaṅ z'a nsi se' là, ngô ndùlala matmat, nke mbe njoṅ ndù fa.

Esaya 8:1

Tshùaben tshob me ndù: Lo' ta' bag loṅ s'a zi là, nkite ju num bwe, miag mi tumte kua' mebwô, mbe ndù: Bin nànte nelo' dù'! Bin nànte nelo' ntsha'!

Yérémia 23:28

Ngatshob ntshob Nsi z'a yen njem nà nsoṅ à njem z'a yen nà. Là, a bwô ndù mèn z'a ju' ntshob màm nà tshobe, ke sébte, ke bèn nkwi'te. Nga' ju ne mbèn mfe à yà ntùm miag mi à? Miag ju ne mbèn mfe à yà ntùm nga' mi à? Tshùaben bèn ntshobe.

Yérémia 27:7

Njoṅ tshen ngô là fa nsi tù' kuan tse, mba tse nshum i, mba tse nshum nshum i, tà nkum ndùse ze ngô ze nsi tù' nkuan ngôngô yàme, boa fenfen ndùbndùb là.

Yérémia 36:32

Yérémia lo' mo' bu' ṅwa'ni mfà Baruk nshum Nérija, ngakite. Yérémia tshob njoṅ ntshob mbwe ṅwa'ni ze Yoyakim mfen Yuda na' nton nà, Baruk bèn nkite ntùm ṅwa'ni. Bo bèn nkwi'te memo' ntshob mi a fute ntshob mbwe ṅwa'ni là bwe.

Yérémia 36:4

Yérémia tsiaṅ Baruk nshum Nérija; Baruk kite njoṅ ntshob fa mi Tshùaben na' ntshob Yérémia là. Yérémia nke ntshobe, Baruk nke nkite.

Ezékia 1:1

A lo be mbatte ngu'njù ṅam ntat, mum lé'njù tàn mum ṅwù kuà mba me be netèt kuan tse bo be mbaṅ ta'ntse Kebar là, kamànyam gha' nte nge, me yen njem ts'a fe Nsi là.

Ezékia 40:2

A lo' àm ntùm ba njem nèn nte àm num mo' nesà mbale, mo' tusô be bwe, nze mà ntèn ndù bo kut.

Daniel 1:17

Nsi fà nelène, nesiaṅte tshen bonnshum kuà li num njoṅ ṅwa'ni fa bo njoṅ zenu fa. Daniel lo ke ndèn netote ntun njoṅ njem fa.

Daniel 2:1

Ntùm mbatte ngu'njù bàa mba Nébukanetsar be mfen nà, a zi ba njem. Tu i tshu', miaglo keb tu i.

Daniel 2:26

Mfen bùnte ntshob Daniel ze lén se be Beltasar là ndù: O ku'ni nesoṅ àm njem ze me yen nà, mbèn ntote ntun mi me ké?

Daniel 4:13

Me lo ke ndôte njem ts'a se' tu àm num kunndà sàm nà, njen mo' Ngalôte dù', mèn nelàne, a nke nswe' mfe kamànyam.

Daniel 4:5

Me lo zi mo' njem a kag bwôg num àm; nkwate mi a ke ngùtni àm num kunndà sàm bo tshùalo tse me ke njen nà lo ma' fétwut num àm.

Daniel 5:1

Mfen Baltazar ghù mo' jùa ndùb, boa ben tse tse ndùbndùb, ntu ntsha' mbùm. Tu wul i nu ndu' mbwe bo.

Daniel 5:22

Tu wul o Baltazar, nshum i, o ke' bag tu o nsi, mba mb'o lèn njoṅ yen nu là fa là.

Daniel 5:30

Bo zwi Baltazar, mfen Kaldéa be yen tèttswe' là.

Daniel 7:13

Me nke ndôte mum njem tèttswe', tshù, njen mèn a nke nse' num ndot mba Mén mèn nà. A nèn nkum mbaṅ mbwe mèn mum ntswe'njù mi, bo lo' i nèn yi mbwe i.

Daniel 7:15

Me Daniel, ntù àm lo tume, njem tse me yen nà zwiaṅt'àm.

Daniel 7:7

Yen nà be tôge, me nke ndôte mum njem tèttswe', njen mbatte nyàm kuà ndù a kuni, mfét wut mbèn nta ntshùate. A lo ghù nsô ndùbndùb, mi tùne; a nke mfèle, mbe'te, mbèn nyiaṅte ju z'a tù' là nku. A lo ke fute nyàm tse bo bwôg be là; a ghù ndô mi gham.

Daniel 8:1

A lo be kum ngu'njù tat mba mfen Baltazar be num fen nà, me Daniel, me yen mo' njem, njam ze me mbwôgmbwe njen nà.

Amos 3:7

Nummbe Tshùaben Nsi ke' be ghù sàm ju ke be ndù a te bu num ghafa' tse, ba ghatshob ntshob Nsi.

Habakuk 2:2

Tshùaben fà ntshob mi me, ntshob ndù: Kite men ntshob ngatshob ntshob Nsi li, tshebt'é num ntafèt kua' mebwô, ndù bo be siaṅ i a fùage.

Nesiaṅe 12:6

A tshob bo ndù: Bin ju' ntshob màm. A be ze ngatshob ntshob Nsi be netèt bin nà, mba me Tshùaben, bèn nse' ntùm njem ntshob nu yi.

Roma 15:4

Nummbe njoṅ i fa tse bo kite tà fe mbwe là, bo na' nkit'a num netswite be, ndùlala ndù be ghù nenywinte njam nefènte mba njam nefite ntù z'a fe ṅwa'ni Nsi là.

2 Korintô 12:1

A bwô neta' nsoṅe, L'a ke' ywimte. A be ndùlala mba m'a' soṅ njem mba tshu tse Tshùaben la'te me là.

Apokalipse 1:19

Ndùlala, kite tshu ts'o yen nà, tshu ts'a be là, mba tshu ts'a nsi se' mànjam nà.

Apokalipse 10:4

Ngelaṅ mfambaṅ sammbàa tshob là, me nke ndiag nekite, nju' nze fe kamànyam ntshob me ndù: Te sitam num tshu tse mfambaṅ sammbàa tshob là, kà kit'é.