Daniel 6:3 - NTSHOB NSI

³ Ghatô yub be ntu tat, Daniel be netèt tshen ben tat là; tshen tàmànjô li b'a neke nsoṅ yub tshu ts'a be ntôg là, mba ndù kà mfen ju' ngùtni num sàm ju.

Daniel 6:3 Iomraidhean Croise

Esdra 4:22

Bin bam nà newag yen nu là, mbwôg ndù kà bin ntàn yàm ze njam fenfen.

Néhémi 7:2

Me yab mfèl àm Hanani ndù a ke ndôte Yérusalém, njab Hanania tàndà ntsho ntùm tusô Yérusalém, nummb'a na' mb'a nkum mèn, nke mbwôg Nsi.

Esta 10:3

Nummbe mfen Asuérus lo ke ntôg Mardokai ze Yuda bèn nse'. Fèt tse ba Yuda lo ke nkô i, nke ndo' i mebwô. A nke ndiag nu mebwô num ze ngô, nke ntshob nu ntùn num fu' ze nzwit mèn.

Tànkùt 17:27

Mèn z'a be mfi' ntshob mi là b'a ngasiaṅte. Mèn z'a be ntswe ndù kam nà be ngazete.

Tànkùt 22:29

O to' yen nkum ngafa' tshwèt fa' ké? A nsi b'a num fa' fenfen ke b'a mbaṅ lamte benntùn.

Nzenu 2:13

Tshù me yen ndù, bo num njù bin zenu ntshùa bin yùm, be ndaṅndaṅ mba bo num njù bin làne ntshùa njam nà.

Daniel 5:12

nummbe bo lo fon ywèt zenu ndùb, ywèt nesiaṅte mbe tse nkwate num Daniel ze mfen tswi lén se Beltasar là. A lo ghù zenu nelo' mbagte njem yi, nelo' ntote nkùt yi mba nelo' nsiaṅte nu yi num tshu ts'a ta là. A bwô ndù bo nèn ntsiaṅ i.

Daniel 5:14

Me ju' ndù o ghù ywèt ba nsi num o, ndù bo be mfon nelàne, nesiaṅte mba zenu z'a tshùate là ju o.

Daniel 5:7

Mfen kua' neta, ngù bo tsiaṅ ghaka, ba Kaldéa boa ghalèn nsa. Mfen tshob ghazenu tse bo be Babilon nà ndù: Mba we lo z'a siaṅ yen ju nekite li, ntote tun i me là, mba bo nsi ma' nzwe ndob num i, taṅ ntshèn gol tô i, me fà mbatte dù' tat yi mum yàm nufen.

Daniel 9:23

Ndùs'o na' nto' nele'te Nsi là, mo' ta' ntshob tum, me se' soṅ o à yi. Nummbe Nsi kô o. Kù' ntoṅ num ntshob là mebwô mbèn nju' njem n'a bwô.