Daniel 5:4 - NTSHOB NSI

⁴ Bo nu ndu', nyàmte ba nsi gol, tse nkàb, tse tùn meba, tse tùne, tse tù mba tse ndoṅ.

Daniel 5:4 Iomraidhean Croise

1 Fenfen 1:49

Bwôg ghom njoṅ ben Adoniya fa ts'a tsiaṅ yub là; bo lote nsi, mba we lo nèn ze bag.

Esaya 42:17

Bo nsi bèn tuntun, tuswe ko yube. Me tshob à ben tse bo num njab ntù num neto tse bo kome, nke ntshob neto ts'a b'a tse tùn ndù: Bin b'a tshag nsi là.

Esaya 42:8

Me b'a Tshùaben, tshù lén sàm nà. Me ke nsi fà yàm ghamte mo' mèn, ke fà yàm nku'ni ba neto.

Daniel 1:8

Daniel jù' ntù i ndù a ke sagte wul i tse jujù mfen bo ndu' mi a ke nu là. Ndùlala a labte ngakwé mbwe netèt ba njabmfenkun ndù kà nànt'é, ndù a sagte wul i.

Daniel 4:37

Ndonni me Nébukanetsar, me tshwèt nyàmte, nke ndabte, nke ngamte mfen kamànyam. Njoṅ mfa' mi fa mba njoṅ tse manze fa b'a netsine. A ghù nekôg ben tse bo be nzin mum ko'tewut là ma' nsi.

Daniel 5:23

O lo nsi num Tshùaben kamànyam. O lo ghù bo lo' ntu' ts'a be ntùm ndà i là nse' yi mbwe o, wù, ben tsho tse ndùbndùb, zwi tsho boa màndà tsho, bin à bo nu ndu' ntùm bwe, ba nsi tùn nkàb, tse gol, tse tùn fôgtab, tse tùne, tse ntù mba tse ndoṅ, tse bo ke' be yen ke be ju', ke bèn ndèn sàm ju là, o lo nyàmte yube. Là mbe se' mba Nsi z'a mem zwiag so bu i, njoṅ tsho manze fa b'a mum mbu mi là, o ke ghamt'é tsho.

Daniel 5:3

Ndùlala bo lo' ba ntu' gol tse bo lo' Ndà Nsi mà Yérusalém nà; mfen, ben tse tse ndùbndùb, zwi tse mba màndà tse lo' nu ndu' yi.

Daniel 5:5

Be ndùse, ntu mbu bu ta' mènntùn ṅwag num kumba' ba' mfen, mbwe dù' ndambo, nkite ju num kumba'. Mfen yen yen bu mènntùn nà z'a ke nkite ju là.

Amos 6:7

A ndùlala, bo nsi lo' yub nèn yi ndà kuan, te yub mbwe kuan; nze zwi nsi mi ntshu tshen ghafèt tshu là.

Habakuk 2:19

Nge' tu mèn z'a be ntshob ntshwèn ndù lo tù, nke ntshob loṅ s'a ke' be tshob là ndù bam num miaglo là! A ghù netswite mo' nu ké? Tshù, bo lo' gol mba nkàb nabt'é yi, là, lèn zwiag ke num i.

Mfa' Ghantum 17:29

Mba be b'a nzwit Nsi là, a ke' bwô be bam ndù Nsi be ndaṅndaṅ à mba gol, silba ke loṅ se mènntùn be ndo' zenu i bo ve nabte yi là.