Daniel 5:2 - NTSHOB NSI

² Ndùse Baltazar zwi'te ndu' là, a tshob bo lo' ba ntu' gol, tse nkàb, tse tàab Nébukanetsar na' ndo' Ndà Nsi Yérusalém nà, ndù mfen, ben tse tse ndùbndùb, zwi tse mba màndà tse lo' nu ndu' yi.

Daniel 5:2 Iomraidhean Croise

2 Samuél 9:7

David tshob yi ndù: Kà bwôg, nummbe me kô neghù mebwô wù num lén Yonatan tàan. Me nsi ba' njoṅ tsha' tàan Saulo wù fa, o bèn nke njù à num téblé sàm.

2 Fenfen 24:13

A sô njoṅ tshunkàb ndà Tshùaben boa tshunkàb ndà mfen fa; a tsit njoṅ tshundà gol fa tse Salomon mfen Israél na' njabte ntùm ndà Tshùaben nà, a ghù à ndaṅndaṅ mba Tshùaben na' ntshob là.

2 Fenfen 25:15

Tà ghabéb dù' bèn ndo' mba ntu' neton labinda yi bo ntu' tse bo lo' gol bo silba nabte yi là.

2 Kronika 11:20

A bèn nso Maaka ngon Absalom njam Mahalat. Maaka bwe Abiya, Attai, Ziza bo Shelomit yi.

2 Kronika 15:16

Mfen Asa kwé mba lén màbwengub màab Maaka, nummb'a lo ghù ta' neto num lén Astarté. Asa be'te ze neto, ntsham i t'a tù' a bwe tse, a nèn nton ntùm fub s'a Kédron nà.

2 Kronika 36:10

Tamngu' be tôg mfen ghù bo lo' i nèn yi Babilon boa tshundà ndà Tshùaben tse tanjoṅ. A lo' Sédékia mfèt Yoyakin ngom fen yi Yuda mba Yérusalém.

2 Kronika 36:18

Nébukanetsar lo' njoṅ tshundà ndà Nsi fa, tse ndùb boa tse nke' nèn yi Babilon, ndo' tshunkàb ndà Tshùaben, tse ndà mfen boa tse ndà fenfen tse.

Esdra 5:14

Mfen Kirus sô mba tshunkàb gol bo silba tse Nébukanetsar na' nket Ndà Nsi Yérusalém nèn njab ntùm ndà ze nsi Babilon nà, mfà Sheshbatsar ndo' i ngù ngomna yi ntshob ndù:

Yérémia 27:7

Njoṅ tshen ngô là fa nsi tù' kuan tse, mba tse nshum i, mba tse nshum nshum i, tà nkum ndùse ze ngô ze nsi tù' nkuan ngôngô yàme, boa fenfen ndùbndùb là.

Yérémia 50:35

Tshùaben tshob ndù: Ṅwi lo nsi num ba Kaldéa, num ba Babilon, num kamkam tse boa tse ghazenu.

Yérémia 52:19

Tà ghabéb dù' bèn ndo' nkab, nkab neton labinda yi, ba ntu', ba ntsi bwembwôge, tshu neghette ndambo bwe, nkob boa nkefaṅe. Bo lo' à gol bo silba nabte tshen tshu li yi.

Daniel 1:2

Tshùaben swèn Yoyakim, mfen Yuda mba mo' bag tshu Ndà Nsi mum mbu Nébukanetsar; a lo' tshen tshu là nèn yi mum ngô Shinear, ntùm ndà ze nsi, njab tshen tshu là mum ndà tshunkàb ze nsi.

Daniel 5:11

Mo' mandum num ntùm ngô o ndù a ghù ywèt ba nsi nelàn num i. A lo be num ze ngelaṅ tàan mo' lèn nelàne, mo' lèn nesiaṅte bo mo' lèn zenu be num i ndaṅndaṅ mba zenu ba nsi là. Mfen Nébukanetsar, tàan, lo yab i nkam netèt ghaka, ghalèn nsa, ba Kaldéa, ghangame,

Daniel 5:13

Bo lo' Daniel nèn yi mbwe mfen, mfen tshob Daniel ndù: O b'a Daniel mo' mèn netèt kuan ntsho Yuda, tse mfen, tàa na' ndo' mfe yi mà Yuda là ké?

Daniel 5:18

Mfen la'a, Nsi z'a tà mfe tù là lo fà fen tàan Nébukanetsar, mfà nezi, ghamte mba nkuni yi,

Daniel 5:23

O lo nsi num Tshùaben kamànyam. O lo ghù bo lo' ntu' ts'a be ntùm ndà i là nse' yi mbwe o, wù, ben tsho tse ndùbndùb, zwi tsho boa màndà tsho, bin à bo nu ndu' ntùm bwe, ba nsi tùn nkàb, tse gol, tse tùn fôgtab, tse tùne, tse ntù mba tse ndoṅ, tse bo ke' be yen ke be ju', ke bèn ndèn sàm ju là, o lo nyàmte yube. Là mbe se' mba Nsi z'a mem zwiag so bu i, njoṅ tsho manze fa b'a mum mbu mi là, o ke ghamt'é tsho.

Daniel 5:3

Ndùlala bo lo' ba ntu' gol tse bo lo' Ndà Nsi mà Yérusalém nà; mfen, ben tse tse ndùbndùb, zwi tse mba màndà tse lo' nu ndu' yi.

Daniel 5:30

Bo zwi Baltazar, mfen Kaldéa be yen tèttswe' là.

Daniel 5:4

Bo nu ndu', nyàmte ba nsi gol, tse nkàb, tse tùn meba, tse tùne, tse tù mba tse ndoṅ.

Nesiaṅe 7:79

Ze ju nefà na' mb'a: Ta' ka silba, nke nket ndô nkàb 130, ta' ka silba num nesôg ju, nke nket ndô nkàb 70, num ndô nkàb dù'nsi, ndù bo tshwibte mbab bàn mfèt naṅ bwe mbàa fa a dun,