Daniel 4:9 - NTSHOB NSI

⁹ Beltasar, wù z'o be mfen ghangam nà, me lèn ndù o ghù ywèt ba nsi tse nelàn num o, ndèn ndù sàm mesin ke' be tshùa o. Tshù njem ze me zi li, soṅ àm ntote tun mi.

Daniel 4:9 Iomraidhean Croise

Neto'te 41:38

Faraon tshob ghafa' tse ndù: Be be fon mo' mènntùn ze ywèt Nsi be num i mba yen mèn ni là ké?

Esaya 33:18

Ntù o nsi kwimte bwôg z'a be mbwe là, o ke mbètte ndù: Mèn z'a na' nke ntam ntshub là yà, mèn z'a na' nke nkwé là yà? Mèn z'a ke ntsha' dù' nebéb dù' yi là yà?

Esaya 54:14

Nunetsin nsi tswe'te ntù o. A bwô ndù o biagte bwôg, nummb'o ke tshwèt ntshàm mo' ju. Biagte yu bwôg nummb'a ke nsi ghebte mbaṅ o.

Ezékia 17:23

Me nsi ywil i num mo' mbat Israél z'a sag là; a nsi bèt nkaṅe, yam ntàme. A nsi tù' sédra s'a (gham) zi neshu là. Njoṅ nzenze nsaṅ fa nsi fite bam bwe, njoṅ nsaṅ fa mi a ghù mbàb là nsi fite bam netshaṅ nkaṅ mi.

Ezékia 28:3

Mo' ndù o ze nu ntshùa Daniel. Mo' tsham ke bwe z'a lem num miag mu là.

Daniel 1:20

A lo ke mbe num njoṅ nu fa z'a bètte zenu bo nesiaṅte, nu ze mfen bètte yub là, a yen ndù bo ghù zenu ntshùa njoṅ ghangam fa boa njoṅ ghaka fa tse bo be mum ze ngô là yoṅ tse gham.

Daniel 2:47

Mfen tshob Daniel ndù: Kua' nenùne, Nsi zin b'a Nsi ba nsi, mbe Tshùaben fenfen, mbe ngala'te ba mesin, nummb'o ku'ni kà nda'te yen mesin ni.

Daniel 2:48

Ndùlala mfen bù'te Daniel, mfà nda' yàm yi boa tse tshunkàb. A lo' Daniel ngù ngomna taṅngô Babilon yi, mbèn ndo' i ngù nkam ndùb yi netèt njoṅ ghazenu fa mà Babilon.

Daniel 4:18

Tshù njem ze tu wul àm mfen Nébukanetsar yen nà. Tu wul o Beltasar fà ntote tun mi me. Nummbe njoṅ ghazenu fa mum yàm nufen ke' ku'ni netot'é me. Tu wul o ku'ni, nummb'o ghù ywèt ba nsi nelàn num o.

Daniel 4:5

Me lo zi mo' njem a kag bwôg num àm; nkwate mi a ke ngùtni àm num kunndà sàm bo tshùalo tse me ke njen nà lo ma' fétwut num àm.

Daniel 4:8

A be miagte, Daniel ze lén se be Beltasar, mum lén nsi àm, se' mbwe àm, ndù a ghù ywèt ba nsi tse nelàne. Yen ngelaṅ nà me soṅ i njem.

Daniel 5:11

Mo' mandum num ntùm ngô o ndù a ghù ywèt ba nsi nelàn num i. A lo be num ze ngelaṅ tàan mo' lèn nelàne, mo' lèn nesiaṅte bo mo' lèn zenu be num i ndaṅndaṅ mba zenu ba nsi là. Mfen Nébukanetsar, tàan, lo yab i nkam netèt ghaka, ghalèn nsa, ba Kaldéa, ghangame,

1 Samuél 4:8

Be b'a ghayennge'! We z'a nsi tshu' be mum mbu tshen neta nsi l'à? A tshen nsi là na' mbèn ndo' nzenze nge' ntsho ba Egipto yi num kônkwa.