Daniel 4:3 - NTSHOB NSI

³ Mi' tse nsa ghu' neshu! Mi' tse nu netshàm ta neshu! Ze nufen b'a nufen z'a tswe matmat là, ze netô tswe tse ngu'ngu'.

Daniel 4:3 Iomraidhean Croise

ṄWA'NI YOB 25:2

ngù' bo bwôg b'a ntùm mbu Nsi. A num ngù fite be ntùm dù'ntswe tse ts'a tà tù là.

Yobkwi 104:24

Tshùaben, mi' mfa' mu yàm neshu, o lo lo' zenu mfa' njoṅ i fa yi; mfa' mu dun num njoṅ nsitsha' fa.

Yobkwi 105:27

Bo ghù tshu netshàm netèt bo mb'a tshob bo là, mba ba nsà mum ngô Kam.

Yobkwi 145:13

Nufen so b'a s'a tswe ngu'ngu' là. Yu neta netô bèn ntswe matmat. Tshùaben num ndo' bwôntù i, ngù njoṅ nka'ni mi fa bumte.

Yobkwi 66:7

A be ntshùa njam ngù' i ntô njù matmat. Miag mi be nte num ngôngô. A ke bwô ndù ghatatu bù' tu yub nsi.

Yobkwi 72:18

Ghamte be Tshùaben Nsi, Nsi Israél z'a be ngù nu nekuni nda' tù' i là!

Yobkwi 77:19

Fambaṅ nke ntsham ntùm zim, mbeba'mbaṅ nke nké' njoṅ njù fa. Tsha' vètte, nyi'te.

Yobkwi 86:10

Nummb'o b'a mèn ndùb, nke ngù tshu netshàme; nda' tu wul o tù' o bèn mbe Nsi.

Yobkwi 92:5

O Tshùaben, o be ngù me nke ntsiaṅte njam mfa' mu! Me nke ndo' ṅwate njob kwi num fa' mbu mu.

Esaya 25:1

Wù Tshùaben, o b'a Nsi àm. Me nsi nyàmt'o, me nsi ghamte lén so. Nummb'o ghù tshu ts'a bwô neshu là. Nu ts'o na' ntàmte tà fe ndùke lo là bumte kua' ndaṅndaṅ.

Esaya 28:29

Mba yen ni fe à be Tshùaben tàndà ntsho; ntag mi b'a mi nenyàmte, zenu i bèn mb'a ze ndùb.

Esaya 9:7

Tshùaben tshob ta' ntshob num Yakob, mbe ndù men ntshob là nsi vù num Israél.

Yérémia 10:10

Là, Tshùaben b'a Nsi kua' nenùne. A b'a Nsi z'a tswe ntùn nà, mbe mfen z'a tswe matmat là. Yantù i be ngù tsha' nyi'te. Ngôngô ke' be fènte tshùagntù i.

Daniel 2:2

Mfen ghù bo tsiaṅ ghangame, ghaka, ghasôgntse, mba ba Kaldéa ndù bo se' ntote njem ts'a yen nà a ju'u. Bo se' ntsinte mbwe mfen.

Daniel 2:44

Nsi nsi tsho' mo' nufen num ze ngelaṅ tshen fenfen nà, ze mo' ju ke nsi sat'é là; mo' nzwit mèn mba ntshù' ke nsi tô i. Tu wul i nsi be'te, biagte tshen nufen nà, tswe tse kua' matmat.

Daniel 4:17

Yen ntshù' li ghalôte dù' bèn ntshobe; yen nu li benntùn bèn nabte, ndùlala ndù mba zit mènntùn lo lèn ndù a b'a Nsi z'a be tà mfe tù là bèn nke ntô njoṅ nufen benntùn fa. A num mfà fen mba we lo ze nu tse bwô i là, nke mbù'te fenyu' mèn z'a be netèt benntùn nà.

Daniel 7:14

Bo fà netô yi, mfà nkuni yi, mfà nufen yi. Njoṅ nzwit benntùn fa mum ntshob nzenze nke mfa' yi. Ze netô b'a netô yen nà z'a ke nsi mi, ndù a tswe matmat là. Sàm ju ke nsi bagte nufen se.

Daniel 7:27

Nesa'a, netô, bo ze nezi njoṅ nufen fa ts'a tun bam kamànyam nà, nsi tù' à ze nzwit ben nelàn tse bo be tse Nsi z'a mfe tù là. Ze nesa' b'a nesa' z'a tswe matmat là; njoṅ ghatô fa nsi fa' yi bèn ju' ntshu i.

Roma 11:33

Wé! Mi' fu' zenu mba ze nelèn Nsi ghu' neshu! Be mèn ke tswe' ntun ze nekeb ntsha Nsi, be mèn ke yen manze tse.

Nebwôgte 4:34

Mo' nsi bwe ndù a to' se' lo' mo' nzwit mèn netèt mo' nzwit mèn njam laṅte, ba keki, ba nsà boa ntsho nele'e, ze bu i ta, nyit, njam ba nu netshàm boa fétwut là ké? Tshùaben Nsi zin lo ghù njoṅ tshen tshu là fa num miag min Egipto.

1 Timôtio 1:17

Ghamte mba nkuni ngu'ngu' be mfen njoṅ njù fa, Nsi z'a ke' be kwù, ze bo ke' be yen i, z'a be nda' tù' i là. Amén.

Héber 1:8

là ntshob num Mén ndù: Nsi, ko'fen so b'a ngu'ngu', mba ndù: Kôg nunetsin b'a kôg nufen se;

Héber 2:4

Nsi tshùa njam Ywèt Nelàn ts'a fi'i, mb'a kô là, nkwé nta mube.

1 Pétro 4:11

A be ze mèn tshwèt ntshob là, a tshob ntshob Nsi; a be ze mèn tshwèt mfa' là, a fa' ntùm neta ze Nsi fà yi là, ndùlala ndù Nsi be neghamte ntùm njoṅ tshu fa njam Yésu Kristô, ze ghamte mba neta be yi ngu'ngu' là. Amén.

Apokalipse 11:15

Mbatte Angél sammbàa tô nta: Ba nze ndùbndùb tshob mfe kamànyam ndù: Nufen njù tù' se Tshùaben be mba Kristô i, a nsi be mfen num ngu'ngu'.