Daniel 3:7 - NTSHOB NSI

⁷ A ndùlala, ndùse njoṅ ngô fa nsi ju' nze nta, mandô, loṅ nse'e, medub, loṅ nsa, boa njoṅ nzenze tshu nebu' sa yi fa là, njoṅ ntumntum fa, ngôngô, benntùn tse bo tum ntùm njoṅ ntshob fa là, vù nsi kabkab, ngamte neto gol ze mfen Nébukanetsar te tù là.

Daniel 3:7 Iomraidhean Croise

Yérémia 51:7

Babilon na' mbe ntùm mbu Tshùaben à mba ntu' gol là. Yen ntu' là lo ke ngù nsitsha' bum ndu'. Ngôngô lo nu ndu' mi. A ndùlala ze ngôngô tù' mbabun nà.

Daniel 2:46

Ndùlala mfen Nébukanetsar vù nsi kabkab, te ntunkekwi' mi nsi mbwe Daniel, ntshob ndù bo fà nda' yi bo labinda.

Daniel 3:10

Tu wul o me mfen, lo fà ntshù' ntshob ndù mba zit mèn no z'a nsi ju' nze nta, medub, mandô, mfùag, kem, ndô boa njoṅ nzenze tshu nebu' sa yi là, a vù nsi ngamte neto gol.

Daniel 3:4

Ngayob njo tshag nz'é tù ntshob ndù: Ntumntum, ngôngô, benntùn tse bo tum ntùm njoṅ ntshob fa là, tshù ju ze bo bètte ndù bin ghù li!

Daniel 3:5

Ndùse bin nsi ju' nze nta, mandô, loṅ nse'e, medub, loṅ nsa, ndô boa njoṅ nzenze tshu nebu' sa yi là, bin vù nsi kabkab ngamte neto gol ze mfen Nébukanetsar te tù là.

Daniel 3:6

Mba we lo z'a ke nsi vù nsi kabkab, ghamte neto gol là, bo nsi ma' i ntùm ndà mbwôg z'a tshwèt nkù neta là be ndùse.

Daniel 3:8

A tshùa ndùlala tsemo' ba Kaldéa nèn mbaṅ mfen mbote ba Israél yi.

Mfa' Ghantum 14:16

Ntùm zwiaṅ njù ts'a tôg là, Nsi lo faṅ ghakelèn Nsi nke nzin ntùm manze tse ntù tshob kô là,

1 Yohané 5:19

Bag à bin lèn ndù be fe à Nsi, ndèn ndù njoṅ njù fa nô ntùm nukebwô.

Apokalipse 12:9

bo ma' Ngamnyu ndùb nsi, yi njwèn nyu, ze bo ke ntsiaṅ i Diable, Satan, ngatatte njoṅ njù fa là, bo ma' i num nsitsha'a, ma' i bwe boa Angél tse.

Apokalipse 13:14

a tshùa njam tshu netshàm tse bo fà ngù' yi ndù a ghù mbwe nyàm nà, ntatte ba ntùm njù, ntshob ba ntùm njù ndù bo nabte neto nyàm z'a ghù mfaṅ ṅwi, mbe ntùn nà.

Apokalipse 13:3

Me yen mo' tu i ndù a tsil à vù vù, keko' tu i là yate. Njoṅ njù fa nke ntshàm njam njam.

Apokalipse 13:8

Njoṅ ba ntùm njù fa nsi ghamt'é, ben tse bo ke' kite lén sob fe ngelaṅ nenabte njù, ntùm ṅwa'ni yôg mén njùmbwe ze bo na' nse tô i là.

Apokalipse 17:8

Nyàm z'o yen nà lo be, a ke' bèn mbe; a nsi tum ntùm ghem njam nsi, nèn ntùm nebi, ba ntùm njù tse bo ke' kite ndèn mub ntùm ṅwa'ni yôg fe ngelaṅ nenabte njù là, nsi be yen nyàm tshàme, nummbe a lo be, a ke' bèn mbe, mbe ndù a ke nsi bèn be.

Apokalipse 19:20

Bo ghom nyàm bo ngatshob ntshob Nsi i ze tatte z'a ke ngù tshu netshàm mbwe i, ntshùa njam tshen tshu netshàm nà, ntatte ben tse bo kwé nyàm, ngamte neto i là. Bo ma' njoṅ yub fa ntùm lagmbwôg zin z'a ke nkù là.