Daniel 3:4 - NTSHOB NSI

⁴ Ngayob njo tshag nz'é tù ntshob ndù: Ntumntum, ngôngô, benntùn tse bo tum ntùm njoṅ ntshob fa là, tshù ju ze bo bètte ndù bin ghù li!

Daniel 3:4 Iomraidhean Croise

Esta 8:9

Bo tsiaṅ tse ghakite mfen be num yen ngelaṅ nà; a na' mb'a mum lé'njù ntshob tat ṅam mbàa mum ṅwù tat z'a b'a ṅwù Sivan là. Bo kite ṅwa'ni ba Yuda, fenfen boa ngomna mba fenfen ntaṅ ngô mfen ntshob sammbàa bon bàa nkù mi a to' India nèn nkum Etiopia là. Bo kit'à kua' mba Mardokai na' nda'te bo là. Bo kite mba zit taṅ ngô lo à num mat mb'a ke nkite yi là, nkite mba zit ngô lo ntùm mi ntshobe, nkite ba Yuda num yub mat nekite bo mub ntshobe.

Esaya 40:9

Ko' num mbat z'a nèn tù neshu là, num netswi nkùn mebwô Sion; tshag nz'o tù neta, num netswi nkùn mebwô Yérusalém. Tshag nz'o tù kà bwôg. Tshob ntusô Yuda ndù tshù Nsi yub li.

Esaya 58:1

Kua' kà ntô mu ta'a, kà ghom wul o; fà nz'o tù mba ze neta nta là; tshob mfànnu yàm nzwit mèn yi, tshob nukebwô tunndà Yakob yi.

Daniel 3:10

Tu wul o me mfen, lo fà ntshù' ntshob ndù mba zit mèn no z'a nsi ju' nze nta, medub, mandô, mfùag, kem, ndô boa njoṅ nzenze tshu nebu' sa yi là, a vù nsi ngamte neto gol.

Daniel 3:3

Ndùlala kambwe'e, kam taṅla', kamkame, ghalé' tshunkàb, ghatsho'te, ba ntoṅnku, fenfen nte' mba ba tàmànjô mum njoṅ ntaṅngô fa, tse'te mum lé'njù jùa neghamte neto ze mfen Nébukanetsar te tù là.

Daniel 3:7

A ndùlala, ndùse njoṅ ngô fa nsi ju' nze nta, mandô, loṅ nse'e, medub, loṅ nsa, boa njoṅ nzenze tshu nebu' sa yi fa là, njoṅ ntumntum fa, ngôngô, benntùn tse bo tum ntùm njoṅ ntshob fa là, vù nsi kabkab, ngamte neto gol ze mfen Nébukanetsar te tù là.

Daniel 4:1

Mfen Nébukanetsar tshob njoṅ nzwit benntùn fa, njoṅ ngôngô fa mba njoṅ benntùn fa mum njoṅ ntshob fa tse bo be ntswe num njoṅ nsitsha' fa là ndù: A bwô ndù fite be bin kua' yàm yàme.

Daniel 4:14

A kua' nze neta ntshob ndù: Bin keb tù, bin tshu'te nkaṅ mi, bin nyi'te mfu mi, bin sate ntàm mi. A bwô ndù nyàm tum bam bwe nkù, bon nsaṅ tum mum nkaṅ mi nkù.

Daniel 6:25

Mfen tshob bo lo' benntùn tse bo bote Daniel là nèn ma' yub tàm ba ngwayit, bo, bon tshob mba zwi tshobe; bo yoṅ mbe kum nsi tàm ndù ba ngwayit ghom yube, mbe'te mvôg mube.

ṄWA'NI OSÉ 5:11

Bo fètte Efraim, a bagte nu ndaṅndaṅ, nummb'a bagte ju banban kà nke ntsiaṅte;

Mika 6:16

O be nzin num ntenu Omri, mba ntùm ngùninu tunndà Akab, nke nzin à ntùm ntag mube; a ndùlala me nsi ghù bo sat'o, ghù ba la' tsho tù' ju tshabte. Bin nsi ket tuswe yàm nzwit mèn.

Apokalipse 5:9

bo yob kwi nswe ntshob ndù: o ku'ni nekwé ṅwa'ni, mbétte sitam tse, nummbe bo lo se tô o, o tshùa njam lem tsho, ntshu' benntùn ntùm njoṅ tunndà fa, njoṅ ntshob fa, njoṅ ngô fa, njoṅ nzwit fa, mfà yub Nsi,