Daniel 3:2 - NTSHOB NSI

² Mfen Nébukanetsar ghù bo tsiaṅ kambwe'e, kam taṅla', kamkame, ghalé' tshunkàb, ghatsho'te, ba ntoṅnku, fenfen nte' ba tàmànjô mum njoṅ ntaṅngô fa, ndù bo se' njù jùa, ndo' ngamte neto ze mfen Nébukanetsar te tù là yi.

Daniel 3:2 Iomraidhean Croise

1 Fenfen 12:32

A te ta' jùa ntùm mbatte ṅwù fome, num lé'njù ntshob tàn gham, ntùm ṅwù, ndaṅndaṅ mba jùa se bo ke njù Yuda là; a ton tshule'te num tômbwôge. Tshù ju z'a ghù Bétél ndù bo ke nton tshule'te ba mfô ts'a na' nabte li: A yab ghale'te Nsi ts'a na' nabte yub là num mbwe' ts'a na' nkut là.

Tànkùt 29:12

A be ze ta' mfen kù' ntoṅ num ba tatte là, mba njoṅ ghafa' tse fa nsi be ben kebwô.

Daniel 3:27

Kambwe'e, kam taṅla', kamkame, mba tse ghafà ntag mfen tse'te, njen ndù mbwôg lo ke ghù sàm ju tshen ben nà. Bo yen ndù sàm ntàn nyiaṅtu yub ke' kù, tshe'nku sob ke bagte, mba nda' nsém mbwôg ke lam num bo.

Daniel 3:3

Ndùlala kambwe'e, kam taṅla', kamkame, ghalé' tshunkàb, ghatsho'te, ba ntoṅnku, fenfen nte' mba ba tàmànjô mum njoṅ ntaṅngô fa, tse'te mum lé'njù jùa neghamte neto ze mfen Nébukanetsar te tù là.

Nesiaṅe 25:2

Bo soṅte yube, boa bo nèn nke ngamte ba nsi neto tshobe, njù jujù bwe mbèn ngwù nsi mbwe bo.

Apokalipse 17:2

Fenfen nsitsha' lo kat bo à bo, ba ntùm njù bum ndu' ntùm ndu' kal i.

Ghasa'kame 16:23

Tshù, kamkam Filistia tse'te nke mfà jule'te ze ndùb Dagon nsi yub, mba num netsiaṅte. Bo nke ntshob ndù: nsi be fà ngakeban be Samson mum mbu be.