Daniel 3:1 - NTSHOB NSI

¹ Mfen Nébukanetsar ghù bo nabte neto gol ze ntse i nenèn tù be mfi' ṅam ntat, bam se be mfi' tat là. A te i mà tômbo' Dura, ntùm taṅngô Babilon.

Daniel 3:1 Iomraidhean Croise

1 Fenfen 12:28

Ndùse mfen na' ngù yen nkwate li ntù i là, a lo' gol nabte mfô yi bàa, ntshob ngô ndù: Bin gho' nèn Yérusalém neshu; Israél, tshù Nsi o z'a na' nsô o ntùm ngô Egipto li.

Esta 1:1

Yen nà na' mb'a num ze ngelaṅ Asuérus, yen Asuérus là z'a na' nke ntô nelo India nèn nkum Etiopia là. A na' ke ntô ntaṅ ngô ntshob sammbàa bon bàa nkù.

Yobkwi 135:15

Ba nsi neto ba tum bo lo' à nkàb mba gol nabte yi. Tshen neto là b'a fa' mbu benntùn.

Netume 20:23

A ndùlala be bin ke lo' àm mba nsi ze bo lo' à silba nabt'é yi là, ke ze gol lo. Kà bin nabte lèn tshen nsi là.

Netume 32:31

Mosé bèn mbaṅ Tshùaben ntshob ndù: Tshù là! Yen nzwit mèn ni ghù mà gha' nukebwô. Bo nabte nsi gol.

Esaya 2:20

A nsi be num sen lé'njù là, benntùn ghua' neto silba boa neto gol tshob tse bo nabte neke ngamte là, ba tshetku boa ba neleme.

Esaya 30:22

Bin nsi yen silba ze bo lo' njo' neto tsin yi là, yen gol tse bo ma' num bo là. O nsi sate mfé tse mba tshu ts'a sagte là tshob ndù: Bin lo nsen ni.

Esaya 46:6

Tshù benntùn nà bo tshwèt nsô gol bàm bo, nke mfi' silba num kilô là; bo be ndo' ta' ngana ntùne, ndù a se' nabte ta' nsi bo, ze bo nsi vù mbwe i, ghamt'é là;

Yérémia 10:9

Bo tshwèt ndo' nkub silba Tarsis nse' yi, nke ndo' gol z'a fe Ufaz là nse' yi. Ngafa' bo bu ngave lo' yub mfa' fa' yi. Tse nzwe tshen nsi là b'a nto'nto' nenàfi bo meba. Njoṅ i fa b'a fa' kum ghave.

Yérémia 16:20

Be mènntùn nabte ba nsi ké? là mb'a ke b'a ba nsi.

Daniel 2:48

Ndùlala mfen bù'te Daniel, mfà nda' yàm yi boa tse tshunkàb. A lo' Daniel ngù ngomna taṅngô Babilon yi, mbèn ndo' i ngù nkam ndùb yi netèt njoṅ ghazenu fa mà Babilon.

Daniel 2:49

Daniel bètte mfen ndù a lo' Sadrak, Mésak mba Abed-Négo, ngù kam taṅla' yi mum taṅngô Babilon; Daniel lo ke mbe z'a ntshundà mfen.

Daniel 3:14

Nébukanetsar tshob bo ndù: Sadrak, Mésak mba Abed-Négo, a b'a nenùn ndù bin ke' be fa' tshàm nsi, ke bèn ngamte tsin neto gol ze me te tù là ké?

Daniel 3:30

Yen nà be tôge, mfen ghù numebwô Sadrak, Mésak mba Abed-Négo mum bag ngô Babilon.

Daniel 5:23

O lo nsi num Tshùaben kamànyam. O lo ghù bo lo' ntu' ts'a be ntùm ndà i là nse' yi mbwe o, wù, ben tsho tse ndùbndùb, zwi tsho boa màndà tsho, bin à bo nu ndu' ntùm bwe, ba nsi tùn nkàb, tse gol, tse tùn fôgtab, tse tùne, tse ntù mba tse ndoṅ, tse bo ke' be yen ke be ju', ke bèn ndèn sàm ju là, o lo nyàmte yube. Là mbe se' mba Nsi z'a mem zwiag so bu i, njoṅ tsho manze fa b'a mum mbu mi là, o ke ghamt'é tsho.

Daniel 5:4

Bo nu ndu', nyàmte ba nsi gol, tse nkàb, tse tùn meba, tse tùne, tse tù mba tse ndoṅ.

ṄWA'NI OSÉ 2:8

A ndùlala m'a' te njô num manz'o, nkut kàb bwe, ndù k'o bèn njen manze tsho.

ṄWA'NI OSÉ 8:4

Bo lo ghom fenfen ts'a tô yub là ke bètt'àm, nte kamkam me ke lèn. Bo lo' nkàb yub mba gol yub nabte nsi neto yi tse me nsi biagte yub là.

Habakuk 2:19

Nge' tu mèn z'a be ntshob ntshwèn ndù lo tù, nke ntshob loṅ s'a ke' be tshob là ndù bam num miaglo là! A ghù netswite mo' nu ké? Tshù, bo lo' gol mba nkàb nabt'é yi, là, lèn zwiag ke num i.

Mfa' Ghantum 17:29

Mba be b'a nzwit Nsi là, a ke' bwô be bam ndù Nsi be ndaṅndaṅ à mba gol, silba ke loṅ se mènntùn be ndo' zenu i bo ve nabte yi là.

Mfa' Ghantum 19:26

Bin yen ndù ke b'a nda' Efésô, là ntùm ngô Asia fa, Paulo tshwèt ntswite, mbèn nke mbagte tu benntùn ntshob ndù: Ba nsi tse benntùn nabte mbu mub là ke' b'a ba nsi.

Nebwôgte 7:25

Bin nsi ton mfuni tshu nekome, tse nsi tshob ntùm mbwôge. Kà te lag ghe'te num silba ke gol lo tse tshen tshu nekom nà ghù num bo là, mbwôg ndù kà tshen tshu là tù' ywi' wù; nummbe tshen tshu nekom nà b'a tshùaya'nu num miag Tshùaben Nsi o me Israél.

Apokalipse 9:20

Là benntùn tse bo tù'ù, tse tshen nge' là na' mbe ke zwite yub là, lo ke kaṅ ntù tshob mum mfa' mbu mube, ndù bo gha neghamte ywètkebwô, neto, gol, neto silba, neto tùne, neto loṅ, mba neto tù, tse bo ke' ku'ni neyene, neju'u, mba nezin nà;