Daniel 2:6 - NTSHOB NSI

⁶ Là, a be ze bin tote ntun njem me, me lèn nà, mba me nsi fà nda' nzenze bin, bèn ghù nku'ni tse ndùb bin. A ndùlala, bin tote ntun njem me, me lène.

Daniel 2:6 Iomraidhean Croise

Daniel 2:48

Ndùlala mfen bù'te Daniel, mfà nda' yàm yi boa tse tshunkàb. A lo' Daniel ngù ngomna taṅngô Babilon yi, mbèn ndo' i ngù nkam ndùb yi netèt njoṅ ghazenu fa mà Babilon.

Daniel 5:29

Be ndùse Baltazar tshob bo ma' nzwe ndob num Daniel, ntaṅ ntshèn gol tô i, ntshob ntùm ngô ndù a bèn ngù mbatte dù' tat mum nsa'ngô.

Daniel 5:7

Mfen kua' neta, ngù bo tsiaṅ ghaka, ba Kaldéa boa ghalèn nsa. Mfen tshob ghazenu tse bo be Babilon nà ndù: Mba we lo z'a siaṅ yen ju nekite li, ntote tun i me là, mba bo nsi ma' nzwe ndob num i, taṅ ntshèn gol tô i, me fà mbatte dù' tat yi mum yàm nufen.

Nesiaṅe 22:17

Me nsi fà tshu kam wù yàme. Me nsi ghù mba ke lo z'o bètte me là. Se' là naṅ ndon tu tshen benntùn ni me.

Nesiaṅe 22:37

Balak tshob yi ndù: Me ke' tum benntùn wù yàme ndù bo tsiaṅ o ké? Numke o ke se' à? Me ke' ku'ni neghù njoṅ nu nku'ni fa num o ké?

Nesiaṅe 22:7

Ba kamkam Moab mba tse Madian ket tshu, tse bo tsho fà ngatshob ntshob Nsi là. Bo zin kum ju Balaam, nsoṅ i njoṅ nu fa ze Balak tum yub bwe là.

Nesiaṅe 24:11

Mb'a b'a ndùlala là, nèn la' bin. Me na' ntshob ndù me nsi fà tshu kam wù yàme, Tshùaben ghù o bi tshen tshu là.