Daniel 2:5 - NTSHOB NSI

⁵ Mfen bùnte ntshob ba Kaldéa ndù: Tu wul àm jù' yen nu li ntùm ntù àm ndù bin be ke tote ntun njem me, mba bo nsi tshu'te zin nkamnkam, bèn sate min mba' fa.

Daniel 2:5 Iomraidhean Croise

2 Fenfen 10:27

Bo tèn bebun Baal ma' nsi, ntèn ba' Baal ma' nsi; bo lo' ngù tô nenà yi, ndù dù' i ke' tà nse' nkum sènni.

Esdra 6:11

Tshù nu z'a nsi tsho mèn z'a fànte men ntshù' là li: Bo nsi tsho' saṅ num ba' ng'é, te tù taṅ i num bwe, bèn lo' ba' i ghù fèt nenà yi.

Yobkwi 50:22

Bin tse bin be ndagte Nsi là, bin zete, mbwôg ndù a be ze me sé'te zin nà, sàm mèn ke ku'ni nekwé zine.

Yobkwi 58:7

O Nsi, be'te nsô ntshu bo, Tshùaben tsho' ngag ntshu bon ngwayit.

Daniel 2:12

Mfen ya ntù, nja ntù num yen nu là neshu. A tshob ndù bo zwite njoṅ ghazenu fa mum ngô Babilon.

Daniel 3:29

Ndonni tshù ntshù' mi me fà li: Mba zit nzwit mèn no, mba zit ngô lo, mba mit ntshob lo z'a tshob kebwô num lén Nsi Sadrak, Mésak mba Abed-Négo là, mba bo a' kebt'é nkamnkam, mbiagte ze tunndà kà tù' à bwembwôge, nummbe mo' nsi z'a ku'ni netshu' mèn ndùlili là ke bwe.

Daniel 4:9

Beltasar, wù z'o be mfen ghangam nà, me lèn ndù o ghù ywèt ba nsi tse nelàn num o, ndèn ndù sàm mesin ke' be tshùa o. Tshù njem ze me zi li, soṅ àm ntote tun mi.

Nebwôgte 13:16

mb'o nsi lo' ntshùag ṅwi zwite ben bo be ntùm sen tusô là là yi, tam ntshù' num mba ke lo z'a ntùm bwe là, bèn lo' ṅwi zwite nyàm yi fa.

Yoshua 6:26

Ndùlala Yoshua kàn mfe ntshob ndù: Ndon be tu mèn mbwe Tshùaben nà, a be ze ng'é kagtùn nebèn nkut yen Yériko li là. A be ndùlala mb'a' lo' tuswe i ma' tun ba' yi, ndo' kebatnjab i nte nzendà tse yi.

1 Samuél 15:33

Samuél tshob ndù: Ndaṅndaṅ mba ṅwi ghù bènnzwi tù' mà ke mén nà, mba màan nsi bi ta' nshum i netèt bènnzwi. Samuél tshu'te Agag ṅwi nkamnkam mbwe Tshùaben Guilgal.