Daniel 2:4 - NTSHOB NSI

⁴ Ba Kaldéa tshob mfen mum ntshob Aram ndù: A bwô ndù mfen tswe matmat! Tshob njem z'o yen nà ghafa' tsho, bag nsi tote ntun mi wù.

Daniel 2:4 Iomraidhean Croise

Neto'te 31:47

Laban yab lén se ndù Jegar-Shahaduta, Yakob yab lén se ndù Galed.

Neto'te 41:8

Njù làn, zenu Faraon tshu', a ghù bo tsiaṅ njoṅ tse ghangàm fa boa njoṅ tse ghazenu fa. Faraon soṅ njem ts'a lo njen nà, sàm mèn ke ku'ni netote ntun mi yi.

1 Fenfen 1:25

Ndonni a swe' nèn nzwite ba nyàmna', ba mfô, tse bo tshote là boa mbwe yàme; a tsiaṅ njoṅ bon mfen tse bandum fa, tàndà ntsho bo Abiatar ngale'te Nsi. Bo tshwèt njù mbèn nke nu, nke ntshu'te ntshob ndù: Mfen Adoniya te ku i num nenàfi.

1 Fenfen 1:31

Bat-Shéba vù nsi kabkab mbwe mfen, ntshob ndù: A bwô ndù mfen àm David te ku i num nenàfi matmat.

2 Fenfen 18:26

Eliakim nshum Hilkija, Shebna bo Yoash tshob Rabshaké ndù: Lo' ntshob Aram ntshob nu yi ghafa' tsho, nummbe bag be nju' i. Kà tshob bag ntshob Yuda, num ntoṅ ngô z'a be tù kàb là.

Esdra 4:7

Num ze ngelaṅ Artasastia, Bislam, Mitredat, Tabéel, boa tshé' shun tshob kite ṅwa'ni Artasastia mfen Persia. Bo kite yen ṅwa'ni là ntùm ntshob Aram mbèn nkit'a num ze mat nekite Aram.

Néhémi 2:3

me bùnte mfen ndù: mfen tswe matmat! M'a' be ke nyamte se àm à ndùke ndùse tusô se ntufi tà tshàm be bwe sate, nzendà tse bèn nkù mbwôg fa l'à?

Esaya 36:11

Eliakim, Shebna bo Yash tshob Rabshaké ndù: Tshob ghafa' tsho à ntùm ntshob Aram, nummbe bag num nju'u. Kà tshob bag à ntùm ntshob Yuda, num ntoṅ ngô z'a be tù kàbngô là.

Esaya 44:25

Me lo biagte keki ba ghatshob ntshob Nsi tse tatte, ntshob ghangàm ndù bo b'a kagni. Me lo ghù ghazenu bènte tuntun, me ghù yub nesiaṅte kaṅ ntù' bà.

Daniel 1:4

a bwô ndù tshen bonnshum ni be ke lo' num wut yub, mbwô num se yube; a bwô ndù bo ghù fen num njoṅ zenu fa, nzi'te ju, mbe ghazenu, nku'ni netsin mum ndà mfen; tswite yub ṅwa'ni bo ntshob Kaldéa.

Daniel 2:7

Bo bùnte mbatte yoṅ bàa, ntshob ndù: A bwô ndù mfen soṅ ghafa' tse njem, bag nsi tote ntun mi yi.

Daniel 3:9

Bo tshob mfen Nébukanetsar ndù: A bwô mfen tswe matmat.

Daniel 4:19

Ndùlala nu tshùa Daniel ze lén se be Beltasar là, nkwatenu mi kag bwôg num i. Mfen tshob yi ndù: A ke' bwô ndù njem bo ntote tun mi kag bwôg num o. Beltasar bùnte ntshob ndù: Tshùaben àm, a bwô ndù yen njem nà lôt'a ben tse bo be mban o là, ntote tun mi lôte ghakeban tsho.

Daniel 4:7

Ghangame, ghaka, ba Kaldéa mba ghalèn nsa se' mbwe àm, me soṅ yub yen njem nà, là bo ke soṅ àm ntote tun mi.

Daniel 4:9

Beltasar, wù z'o be mfen ghangam nà, me lèn ndù o ghù ywèt ba nsi tse nelàn num o, ndèn ndù sàm mesin ke' be tshùa o. Tshù njem ze me zi li, soṅ àm ntote tun mi.

Daniel 5:10

A tshùa num ntshob mfen bo mi ben tse tse ndùbndùb, màmfen tsho ntùm ndà jùa, ntshob ndù: A bwô ndù mfen tswe matmat! Kà nkwatenu mu kag fétwut num o. Kà ntshù mu kaṅ.

Daniel 5:8

Njoṅ tse ghazenu mfen fa tsho ndà; là ke ku'ni nesiaṅ yen ju nekite là, ke bèn nku'ni nefà ntote tun mi mfen.

Daniel 6:21

Mfen be ghebte mbaṅ tàm, ntsiaṅ Daniel ntùm nze nenywine. A tshob Daniel ndù: Daniel ngafa' Nsi z'a be ntùn, Nsi o z'o be mfa' yi num njoṅ yu kagtùn fa là tshu' o bu ba ngwayit ké?

Daniel 6:6

Tshen ben ni tshob ndù: Be be ke fon sàm nu nelo' ngom yen Daniel li yi, kà tag nda' netshùa be njam ntshù' ze Nsi, kà mfon nu nelo' ngom i yi.

Daniel 6:7

Ndùlala tshen ghatô boa tshen tàmànjô li kù nde nèn mbwe mfen, ntshob yi ndù: Mfen Darius tswe matmat!

Matio 21:9

Bwoṅ benntùn tse bo be mbwe mba tse bo be njam nà kua' ntshob ndù: Hôsanna Mén David, mbotni be mèn z'a tshwèt nse' num lén Tshùaben nà. Hôsanna tà mfe tù.

1 Samuél 10:24

Samuél tshob ngô fa ndù: Bin yen mèn ze Tshùaben tsho' à? Sàm mèn ke ntùm ngô z'a fut'é là. Ngô fa bu' ngoṅ ntshob ndù: Mfen te ku i num nenàfi!