Daniel 12:3 - NTSHOB NSI

³ Ghasiaṅte nsi ziag mba kamànyam be mfôg là, ben tse bo na' ntswite nunetsin benntùn yàm ziag mba nsa maṅwù là, matmat.

Daniel 12:3 Iomraidhean Croise

Netume 34:35

Bon Israél lo ke ndôte se Mosé, njen ngub se i nke nziage; ndùlala Mosé nke ma' kam nzwe se i tà nkum ndùs'a tsho mbwe Tshùaben tshobte bo yi là.

Tànkùt 11:30

Tàm tù mèn netsin b'a ta' tù yôg, nzenu nke ndo' z'a be ntù benntùn.

Tànkùt 3:35

Mi ntsi' ghazenu b'a nku'ni, Mi ntsi' kagni be tuswe.

Tànkùt 4:18

Ze manze ben netsin b'a mba nelàn z'a tshwèt nké' là, ndù ze neziag be nèn tà nkum netèt lé'njù.

Nzenu 12:9

Nzenu lo kwi'te nkwate benntùn ntswite yub zenu. A na' ma' mfi', nsiaṅte, ntamte ba tànkùt yàme.

Esaya 53:11

A nsi lôte ntàm mfa' mi, dun tsiaṅte. Mèn netsine, ngafa' àm, nsi ghù benntùn yàm be ben netsine, njam nelèn ze bo lèn i yi là; tu wul i nsi ket mfànnu mube.

Yérémia 23:22

Bo na' mbe nsi kam Tshùaben, mba bo tshob à ntshob màm benntùn, mba bo ghù yàm nzwit mèn kag nzin mi mi kebwô nsi.

Daniel 11:33

Ghasiaṅte ntùm ngô nsi tswite benntùn yàme; bo nsi tiag vù num ṅwi bo lambwôg mum ndà kuan, bo lag ntsha' yub.

Daniel 11:35

Tsemo' ghasiaṅte nsi tiage, ndùlala ndù bo lànte yube, ntswite yube, nse' yub bo fôge, tà nkum miagte ngelaṅ. Nummbe yen nu là nsi b'a kua' num ngelaṅ i ze bo nabte njab là.

Daniel 12:10

Bo nsi lànte ben yàme, se' yub bo fôge, lànte yub mbwôge. Ghatshùagntù nsi ghù nukebwô, sàm mèn netèt bo ke nsi ju'u, là ben tse bo ghù nesiaṅte là nsi ju'u.

Matio 13:43

Là ben netsin nsi ké' mba lagnyam nà ntùm nufen Tà yub. Mèn z'a ghù ntoṅ nà, a ju'.

Matio 19:28

Là Yésu tshob bo ndù: Kua' nenùne, me tshob bin ndù: Ngelaṅ ze nebèn nabte njoṅ tshu fa nsi se'e, Mén mèn tswe num ko'mfen nkuni mi là, bin tse bin na' ntam njam àm nà, bin nsi tswe num ndiaṅfen ntshob bàa gham, ke tsho'te ntsha tunndà ba Israél ntshob bàa gham.

Matio 24:45

A zit ngafa' ze nenùne, mbèn mbe ngazete ze be tàfa' faṅ ba ndà i yi ndù a ke mfà jujù bo ngelaṅ i à?

Yohané 4:36

Mèn z'a num ntsho' tshu là num nkwé ntsho'fa', nke ntse'te ntàm num yôg matmat, ndù mèn z'a ywit là mba mèn z'a tsho' là tamte ntsiaṅte.

Yohané 5:35

Yen mèn nà na' mb'a lambo s'a ke nkù, mbèn nke nké' là; là bin, bin lo kô netsiaṅte num nka' i num metsit ngelaṅ.

Mfa' Ghantum 13:1

Netèt ntse'te benkristô Antiôkia, ghatshob ntshob Nsi mba ghatswite lo be bwe: Barnaba, Simon ze bo num ntsiaṅ i Niger là, Lukiô ze Kiréné, Manahèm ze bo kwiagt'é bo mfen Hèrodé là, mba Saulo.

1 Korintô 3:10

Me lo tshùa num kondèn Nsi z'a be mfà me là, njab tseba' mba nkum ngave là, mo' mèn kut ba' num bwe. Là mba we lo lôte mat z'a tshwèt nkut ba' yi num bwe là.

Efésô 4:11

A b'a yi bèn mfà tsemo' mba ghantum nà, tsemo' mba ghatshob ntshob Nsi là, tsemo' mba ghatshob nkùn mebwô là, tsemo' mba ghabéb mbwe là, tsemo' mba ghatswite là,

Héber 5:12

A lo bwô ndù bin be ghatswite tà fe ndùke lo, là bin tshwèt mbèn nkô ndù bo tswite zin mbwe nu ntùm ntshob Nsi, bin tshwèt mbèn nkô mbùn, ke b'a jujù neta.

2 Pétro 3:15

Bin lo' nefènte Tshùaben be mba yôg là, mba mfèt be ze nkôni Paulo, lo kite yen nà bin ntùm zenu ze bo na' mfà yi là.

Apokalipse 1:20

Tsham nsa sammbàa b'a Angél ntse'te benkristô sammbàa, ndambo sammbàa be ntse'te benkristô sammbàa.

Ghasa'kame 5:31

Tshùaben, a bwô ndù ghakeban tsho bi yub à be ndùlala! Ben tse bo be nkô o là b'a mba lagnyam, ndùs'a be ntum bo njoṅ ze neta fa là. Ngô lo tswe fite ndùse yen nà tôg là ngu'njù ṅam nkuà.