Daniel 11:2 - NTSHOB NSI

² Ndonni m'a' soṅ o nunenùne. Fenfen tat nsi be Persia. Mbatte kuà nsi ghù tshunkàb tshùa tsemo'o. Ndùs'a nsi tshùa njam tshunkàb tse tù' mèn neta là, a nsi lo' njoṅ i fa lo yi nsi num nufen Javan.

Daniel 11:2 Iomraidhean Croise

Esdra 4:24

Ndùlala bo tsin fa' num Ndà Nsi Yérusalém, fa' tsin ndùlala tà nkum num mbatte ngu'njù bàa mba Darius mfen Persia be num fen nà.

Esdra 4:7

Num ze ngelaṅ Artasastia, Bislam, Mitredat, Tabéel, boa tshé' shun tshob kite ṅwa'ni Artasastia mfen Persia. Bo kite yen ṅwa'ni là ntùm ntshob Aram mbèn nkit'a num ze mat nekite Aram.

Esta 1:1

Yen nà na' mb'a num ze ngelaṅ Asuérus, yen Asuérus là z'a na' nke ntô nelo India nèn nkum Etiopia là. A na' ke ntô ntaṅ ngô ntshob sammbàa bon bàa nkù.

Tànkùt 22:21

A na' mb'a ndù me tswit'o tshu nenùne, ntshob nenùne, ndùlala ndù o lo' ntshob nenùn mbùnte yi mèn z'a tshwèt ntum o là.

Daniel 10:1

A lo be num mbatte ngu'njù tat mba Kirus be mfen Persia là, mo' ntshob se' Daniel ze bo ke ntsiaṅ i Beltasar là mum njem ndù: Men ntshob li mi a b'a mi nenùn nà ke ntshob nu mfà à num nge'. A kù' ntoṅ num men ntshob là, zenu se' yi num yen njem nà.

Daniel 11:25

A nsi tshùb tu ntshu ntsho ndùb, lo' ze neta bo ze ngù' lo yi nsi num mfen tun ntèn. Mfen tun ntèn nsi lo nsi num ntsho boa ntshu ntsho ndùb mba ze neta; l'a ke nsi ghù mo' sàm ju, nummbe bo a nabte nkwate kebwô num i.

Daniel 7:5

Mbatte nyàm bàa fute mbù tshwèt, ntsin tù bag ntshù'. A lo ghù nkitnsa ntshu i ntat netèt nsô mi, bo nke ntshob yi ndù: Lo nsi mfèt mbàb yàme.

Daniel 8:21

Fot mbwe nyiaṅnyiaṅ b'a mfen Javan, ndô ndùb z'a be netèt miag mi là b'a mbwe mfen.

Daniel 8:26

Njoṅ ba mfetnjù boa ba nkebnjù tse bo tshob là b'a nenùne. Lem yen njem nà num yu tu, nummb'a ke ntshob nu mfà à num ngelaṅ ts'a sag là.

Daniel 8:4

Me yen komnjù lo' ndô mi ntsham bag mbinyam yi, ntsham bag tu yi, ntsham bag ntèn yi. Sàm nyàm mba ntshù' ke bù' tu nsi mbwe i, sàm ju ke bèn nku'ni netum ntshu i. A lo ke ngù a mb'a kô là, nke nta ts'a neta.

Amos 3:7

Nummbe Tshùaben Nsi ke' be ghù sàm ju ke be ndù a te bu num ghafa' tse, ba ghatshob ntshob Nsi.

Yohané 10:35

Ṅ, Nsi tshob ndù ben ts'a tshob ntshob mi bo là b'a ba nsi, (be mèn ke ku'ni nebagte ṅwa'ni Nsi);

Apokalipse 21:5

Mèn z'a tswe num ko'fen nà tshob ndù: Tshù, me ghù njoṅ tshu fa tù' tse nswe. A tshob ndù: Kite, nummbe men ntshob li b'a nenùne, mbe ndaṅndaṅ.