Daniel 1:4 - NTSHOB NSI

⁴ a bwô ndù tshen bonnshum ni be ke lo' num wut yub, mbwô num se yube; a bwô ndù bo ghù fen num njoṅ zenu fa, nzi'te ju, mbe ghazenu, nku'ni netsin mum ndà mfen; tswite yub ṅwa'ni bo ntshob Kaldéa.

Daniel 1:4 Iomraidhean Croise

Neto'te 41:46

Yosèf lo be nèn mbwe Faraon mfen Egipto ndù a ghù ngu'njù ṅam ntat; ndùs'a lo mbwe Faraon nà, a katte ntùm njoṅ ngô Egipto fa.

2 Samuél 14:25

Mo' mènntùn lo ke be ntùm ngô Israél ze lén se ju'ni, a bèn mbwô mba Absalom nà. Nelo tun ku i nèn nkum num tèt tu i sàm lo' lo ke be bwe.

Tànkùt 22:29

O to' yen nkum ngafa' tshwèt fa' ké? A nsi b'a num fa' fenfen ke b'a mbaṅ lamte benntùn.

Nzenu 7:19

Zenu num ndo' nzenu ngù mèn neta yi ntshùa ghatô ngô gham (10) ntùm ta' taṅla'.

Esaya 36:11

Eliakim, Shebna bo Yash tshob Rabshaké ndù: Tshob ghafa' tsho à ntùm ntshob Aram, nummbe bag num nju'u. Kà tshob bag à ntùm ntshob Yuda, num ntoṅ ngô z'a be tù kàbngô là.

Yérémia 5:15

Tshùaben tshob ndù: Tunndà Israél, m'a' ghù mo' ngô fe tà ngùanesà nse' num o; a b'a kua' neta ngô, mb'a mo' ta' njwèn ngô. A b'a ngô ndù o ke' lèn ntshob mi, ke be ju' ntshob mi.

Daniel 2:10

Ba Kaldéa tsin mbwe mfen mbùnte ntshob ndù: Sàm mèn ke num nsitsha' z'a ku'ni neghù mfen lèn ju z'a tshwèt mbètte là. A ndùlala sàm mfen, ze ndùb mba ze neta, ke' to' bètte lèn yen ju là ngangame, ngaka ke ze Kaldéa lo.

Daniel 2:2

Mfen ghù bo tsiaṅ ghangame, ghaka, ghasôgntse, mba ba Kaldéa ndù bo se' ntote njem ts'a yen nà a ju'u. Bo se' ntsinte mbwe mfen.

Daniel 3:8

A tshùa ndùlala tsemo' ba Kaldéa nèn mbaṅ mfen mbote ba Israél yi.

Daniel 4:7

Ghangame, ghaka, ba Kaldéa mba ghalèn nsa se' mbwe àm, me soṅ yub yen njem nà, là bo ke soṅ àm ntote tun mi.

Daniel 5:11

Mo' mandum num ntùm ngô o ndù a ghù ywèt ba nsi nelàn num i. A lo be num ze ngelaṅ tàan mo' lèn nelàne, mo' lèn nesiaṅte bo mo' lèn zenu be num i ndaṅndaṅ mba zenu ba nsi là. Mfen Nébukanetsar, tàan, lo yab i nkam netèt ghaka, ghalèn nsa, ba Kaldéa, ghangame,

Daniel 5:7

Mfen kua' neta, ngù bo tsiaṅ ghaka, ba Kaldéa boa ghalèn nsa. Mfen tshob ghazenu tse bo be Babilon nà ndù: Mba we lo z'a siaṅ yen ju nekite li, ntote tun i me là, mba bo nsi ma' nzwe ndob num i, taṅ ntshèn gol tô i, me fà mbatte dù' tat yi mum yàm nufen.

Daniel 9:1

A lo be num mbwe ngu'njù Darius, ze Media, nshum Asuérus z'a na' nsa' bag ngô Kaldéa là,

Sakaria 2:4

Me bètte ndù: Bo se' ghù à ke? A tshob me ndù: A ndô tse bo na' nsate Yuda kà sàm mèn ke bèn nebù' tu i nsi là; tshen tàlàm nà se' nekag à bwôg, mba nelab ndô ngôngô tse bo bù' ndô mub tù mum ngô Yuda, num nebiagte ba la' tse là.

Mfa' Ghantum 7:20

Num yen ngelaṅ nà, bo bwe Mosé; a lo bwô num miag Nsi. Bo lo ze i maṅwù tat ntùm ndà tàab.

Mfa' Ghantum 7:22

Mosé zi'te njoṅ zenu ba Egipto fa; a na' mb'a neta mèn num ntshobe, mba mfa' mi.

Efésô 5:27

ndù a tsin mbwe i ke ṅu'u, ke be ndù a ṅu'te ke bèn ngù sàm mo' ju z'a fute yen ni là, là ndù a be nelàne, ke lo'.

Ghasa'kame 8:18

Gédéon bètte Zébak bo Tsalmunna ndù: Tshen ben tse bin na' nzwite yub Tabor là na' nke ntshù à ndùke? Bo bùnte ndù: Bo na' nke ntshù a mba wù là, mba zit lo ghù ntshù mén mfen.