2 Tshùaben swèn Yoyakim, mfen Yuda mba mo' bag tshu Ndà Nsi mum mbu Nébukanetsar; a lo' tshen tshu là nèn yi mum ngô Shinear, ntùm ndà ze nsi, njab tshen tshu là mum ndà tshunkàb ze nsi.
Yoyakim lo be jù fen ndù a ghù ngu'njù ntshob tàn ṅam mbàa. A tô num ngu'njù ntshob ntshù' gham, nke ntswe Yérusalém. A ghù ju z'a ke' bwô là num miag Tshùaben Nsi i.
Num yen ngelaṅ nà, Tshùaben nsi bèn nyit bu i, tshu' tshé' ben tse bo sate nèn Asiria bo Egipto, Patros bo Etiopia, Elam, Shinear, mba Hamat, mba ngô tètntse ts'a be num dibantse là.
We z'a bam bo lag ntsha' Yakob à, we z'a bam bo lag ntsha' Israél à? A ke' b'a Tshùaben ké? Bo lo ghù nukebwô num i. Be lo ke kô nezin num manze tse, ke kô neju' ntshù' mi.
Yoyakim nshum Yosias mfen Yuda tswe num fen ngu'njù kuà kà Nébukanetsar mfen Babilon njù ze fen. Num yen ngelaṅ nà Tshùaben tshob nu Yérémia mfà num ba Yuda.
Me kaṅ wul àm, ntshob ghale'te mba ngô ndù: Kà bin ju' ntshob ba ghatshob ntshob Nsi tse bo tshwèt ntshob ndù: Tshù, a tù' mén nda'nda' bo ket tshundà ndà Tshùaben Babilon mbèn yi njam nà. A b'a tatte là ze bo tshwèt ntshob là.
Ndùse Nébukanetsar mfen Babilon na' nko' nkam yen ngô li là, bag lo tshob ndù: Be nène, be tum nèn Yérusalém, ngùanesà mbaṅ ntshu ntsho ba Kaldéa bo ze Siria. Tshù ju z'a ghù kà bag mb'a Yérusalém nà.
Bin tswi yen nkùn ni netèt ngôngô; bin tshag yen nkùn nà! Bin te ta' keki tù; bin soṅ yen nkùn nà! Kà bin lem sàm ju num bwe; bin tshob ndù: Tshù Babilon nà ze bo lo' i là. Bebun Bel vù ntùm tuswe, bebun Merodak là ze ngakeban be't'é là; tuswe ghom tshen neto tse là fa; bo be'te tshen neto là fa,
A ndù ke kà ta' mèn nke njab njam ben ntsha' mbùm, ben bàa nke njab njam ben ntsha' gham kà bo kù à? A' tswe mbe ndù Tshùaben z'a be gholoṅ sob là swèn yube, mbe ndù Tshùaben kag yube.
Ndùlala, ntù Tshùaben ya num Israél, a faṅ yub mum mbu ba zwi ndo' ntsha', bo ket tshu tshobe a bèn nswèn yub ghakeban tse bo diaṅ yub mbum nà. Bon Israél ke bèn ndèn mba be bo ghù kà ntum mbu ghakeban tshob là.