Ndùs'a kum mbaṅ mèn Nsi num mbat là, a tshùb nku mi. Guéhazi kù'te nse' netèn i, là mèn Nsi tshob ndù: Faṅ i là, a b'a ntùm zwentù. Tshùaben ke' tshob yen nu là me, a lemt'àm yi.
Mfen David lo ntsin tù num nku mi ntshob ndù: Fèt tshàm, ngô àm, bin ju' àm! Me lo jù' nekut ba' nete Koṅ Kàn Tshùaben bwe a fite, mba nekut nko' nku Nsi be; ndùlala me nke nabte wut kut yen ba' là.
A lo ghù bo tete ben Lévi ntùm ndà Tshùaben boa ba netsha'a, ndoṅ nse' boa ndoṅe, ndaṅndaṅ mba David, Gad ngayente mfen bo Natan ngatshob ntshob Nsi na' ntshob là; nummbe Tshùaben na' mbèn ntshùa num ntshu ghatshob ntshob Nsi tse mbètte ndùlala.
Mbe se' mba bin nà, neyo' ze bin na' nkwé yi là ghô num bin, a ke' ywimte ndù mèn bèn ntswite zine; là mba neyo' i be ntswite zin njoṅ tshu fa là, neyo' i b'a nenùne, ke b'a tatte, bin ghô num i, mba neyo' i tswite zin nà.
Tshùaben tshob Samuél ndù: Kà lôt'a ntshù mi bo mb'a sag là, nummbe me ke' lo' i. Tshùaben ke' be yen à mba mènntùn num njen ze là; mènntùn ke njen à z'a bwô num miag là, là Tshùaben nke ndôt'a ntù mèn.