1 Samuél 9:7 - NTSHOB NSI

⁷ Saulo tshob ngafa' i ndù: Be yôg nke nèn la' mèn Nsi mba be nsi yab à ke yi à? Tshù, be ke' bèn ngù sàm jujù mbàm, ke ghù lèn nda' netsho mfà mèn Nsi. Ke ze be ghù à?

1 Samuél 9:7 Iomraidhean Croise

1 Fenfen 13:7

Mfen tshob mèn Nsi ndù: Se' bag wù nèn ndà, o jù ju, me nsi bèn fà mba nda' wù.

1 Fenfen 14:3

Lo' bàn ntu' gham, ndo' ba tage, bo ta' ntu' ṅwa'a, nèn ntsho ndà i. A nsi soṅ o mb'a be num mén nà.

2 Fenfen 4:42

Mo' mèn fe Baal-Shalisha nse'e. A lo' bàn mbwe tshu nse' mfà mèn Nsi, bàn nsa ntu' ṅam mbàa boa ko' ngefet nswe ntùm bàm i. Elisa tshob ndù: Fà tshen ben nà bo jù.

2 Fenfen 5:15

Naaman bèn mbaṅ mèn Nsi boa njoṅ ben tse fa. Ndùs'a kum nà, a tsin mbwe i ntshob ndù: Me lèn ndonni ndù Nsi ke' be mo' dù' num nsitsha'a, mb'a b'a nda' Israél. Ndonni a bwô ndù o kwé nda' ze ngafa' o fà wù là, me le't'o neshu.

2 Fenfen 5:5

Mfen Siria tshob ndù: Nèn Samaria, m'a' tum ṅwa'ni mfen Israél. Naaman nèn, mbe nèn ndo' silba talaṅto gham, gol ndô nkàb ntsha' ntôge, boa nzwe nebate nzwe yi gham.

2 Fenfen 8:8

Mfen tshob Hazaél ndù: Lo nsi ndo' nda' nèn bin mèn Nsi bumte. Ghù a bètte Tshùaben mbe ze me nsi lo num yen ngokèt li là.

2 Fenfen 8:9

Hazaél nèn mbwe Elisa, mbe nèn ndo' njoṅ tshu ntùn fa ts'a be Damas là. A be njoṅ ju ze be kamél ṅam nkuà ket là. Ndùs'a kum bwe là, a nèn mbwe Elisa ntshob yi ndù: A nshum o Ben-Hadad bèn ntum àm ndù me se' mbètt'o mbe z'a nsi lo num ngokèl i là.

Ezékia 13:19

Bin be ntam mbèt mvèn àm mbaṅ yàm nzwit mèn, num nu bu kena bo mbe' bàn. Bin be nzwi ntù ts'a lo mb'a ke kwù là, ngù ntù ts'a lo mb'a kwù là yôg. Ntshùa ndùlala nke ntatte yàm nzwit mèn z'a be nju' tatte là.

Ghasa'kame 6:18

Gédéon tshob Tshùaben ndù: Kà lo nsen ni tà nkum ndùse me bèn mbaṅ o là; a bwô me lo' yàm ju bwôntù nse' yi mbwe o. Tshùaben tshob ndù: M'a' tswe nsen ni tà nkum ndùs'o bèn nà.