1 Samuél 8:3 - NTSHOB NSI

³ Là bo ke zin à num manze tà yub; bo sô wut tshob bwe, ndiag netù' ghankàb, nke nkwé ba nda', ntshùa ndùlala mfam nu ndaṅndaṅ.

1 Samuél 8:3 Iomraidhean Croise

2 Samuél 15:4

Absalom bèn ntshob ndù: We lo' àm ghù ngasa'kam yi ntùm ngô à? Mba mba we lo z'a nsi ghù ntsha, kà bote là, mba m'a' ghù nunetsin yi a be z'a se' njen àm nà.

Yobkwi 15:5

A ke' be fo nkàb njab bin bwe, ke bam ju banban ze be a ghùtni mbu' là. Mèn z'a be nzin ndùlala là, ke nsi vù nsi.

Yobkwi 26:10

Tshen ben nà ghù mbu nezwi benntùn, nda' dun ntùm bu yub ze zwim.

Netume 18:21

Yen nà mbe tôge, o lôte ntùm ngô, ntsho' kum benntùn bwe, tse bo be mbwôg Nsi, tse ngô lèn yube, tse be mèn ke fùte yub là, nte yub mum ngô, mo' ke nsa' ben ntsha' mbùm, mo' sa' ben nkù, mo' sa' ben ṅam ntàn, mo' sa' ben gham.

Netume 23:6

Kà fétte mbwoṅ ndùs'a loṅ kam nà.

Netume 23:8

Kà bam nekwé nda', nummbe nda' be mbiag miag ben tse bo be njen mebwô là, mbe' nku ze nu mèn netsine.

Nzenu 2:19

Kà nsi se' b'a nzenu ke nkagni lo, we z'a lèn à? A nsi se' tô njoṅ mfa' màm fa mi me na' ndo' zenu mfa' yi là, mba ndùlala, njoṅ i fa b'a banban tun bam kamànyam.

Esaya 1:23

Fenfen tsho b'a ghatatu, mbe shun ba tshô. Njoṅ yub fa num nkô ju banban, nke nkwé nda' neshu. Bo ke' be ghù nu ndaṅndaṅ ménntse, ke bam ndù bo tshob ze nu mfôg mènnzwi mbwe bo.

Esaya 33:15

Mèn z'a be nzin à ntùm nunetsine, nu ndaṅndaṅ, nke ngwag bin lamte, ke be kwé nda' fùte, nke mem ntoṅ mi ndù k'a ju' nkwate nefètte lem, nke mem miag mi ndù k'a yen nukebwô là,

Mika 3:11

Tse fenfen ke ntsho't'a num nu ntse, tse ghale'te ke ntswit'a num ntsho'fa'. Tse ghatshob ntshob Nsi ke ntshob nu ndamnjù a num nu nkàb; nke mfa'te njé'te num Tshùaben ntshob ndù: Tshùaben ke b'a netèt bag ké? Nge' ke nsi yab mbu num bag.

Nebwôgte 16:19

A ke' bwô nete ku tu nunetsine, ke ke mfi' benntùn; kà ke nkwé nda', nummbe nda' num nkag fù miag ghazenu, nke nte ku tu ben netsine.

1 Timôtio 3:3

ke be mbum ndu', ke be nzwezwe', là, a be ngabwôntù, ke be ngazwentù, k'a kô nkàb,

1 Timôtio 6:10

Nummbe nga njoṅ nukebwô fa b'a nkôni nkàb ze tsemo' ben kô, nkag manze bamntù, nso mfaṅ ntùm ntù tshob là.

1 Samuél 12:2

Tshù mfen z'a ghù ntô zin ndonni li. Mba me là, me ywèn kà mfôge, tshàm nshum b'a netèt bin; me lo be tu netèt bin fe ndùse me be ménnshum nà tà nse' nkum sènni.

1 Samuél 2:35

M'a' tsho' ta' ngale'te Nsi ze nenùne. A nsi ghù à ju ze ntù àm kô là, ghù à mba ntù àm kô là. Me nsi fà nzwit mèn yi yàme, z'a nsi ke fa' mbwe mfen me nsi yo' là.