1 Samuél 7:9 - NTSHOB NSI

⁹ Samuél lo' mén njùmbwe num bùn, nton i Tshùaben fà num jule'te. A tsiaṅ Tshùaben num Israél, Tshùaben ju' le't'é.

1 Samuél 7:9 Iomraidhean Croise

Yérémia 15:1

Ndùlala Tshùaben tshob me ndù: A be ze be Mosé bo Samuél se' mbwe àm nà, mba ntù àm ke nsi bèn yab num yen nzwit mèn nà. Ta' yub num miag màm bo nène.

Yobkwi 99:6

Mosé mba Aron lo be netèt ghale'te Nsi. Samuél lo be netèt ben tse bo be ntsiaṅ lén se là. Bo lo ke ntsiaṅ lén Tshùaben; a ju' bo.

Yobkwi 50:15

Tsiaṅ àm mum lé'njù nge'; me nsi yôg o, o ke ngamt'àm.

1 Samuél 7:17

Yen nà be tôg a bèn Rama dù' ze ba' i be là, ntsho'te Israél bwe, nkut ta' tômbwôg Tshùaben bwe.

Yakobo 5:16

Bin ke mbam nukebwô tsin bin bin; nke nde'te Nsi num tu bin, bin bin, ndù bin yate, nummbe le'te Nsi mèn netsin ntùm ngelaṅ i ku'ni neghù nu yàme.

1 Samuél 16:2

Samuél tshob ndù: M'a' nèn a ndùke? Saulo ju' mb'a nsi zwi àm. Tshùaben tshob ndù: O nsi lo' metshab mfô nèn yi, ke tshob ndù: Me se' fà a ta' jule'te Tshùaben.

1 Samuél 10:8

A bwô ndù o bwôg swe' nèn mà Guilgal; m'a' swe' ntèl o bwe, nton ba nyàm bwe Nsi, mbèn mfà tshule'te tse nefà me bam nema' mbu. O nsi béb lé'njù sammbàa, tà kum ndùse me nsi se' mbaṅ o, tshob ju z'o nsi ghù là wù là.

1 Samuél 9:12

Bo bùnte ntshob ndù: Ṅ, a b'a mbwe o; là nèn ndende nummb'a se' tusô sènni. A nsi fà jule'te mbwe' sènni num tu ngô.

Ghasa'kame 6:28

Ndùse benntùn bam num miaglo nkebnjù là, bo yen ndù bo sate tômbwôge, mbe'te neto z'a be mbaṅ bwe là, nton mbatte fot mfô num tômbwôg nswe.

Ghasa'kame 6:26

Yen nà nsi be tôg o bom tômbwôg Tshùaben Nsi o mfe num ntshùa sen ghô li. O nsi lo' mbatte fot mfô lo' tshwèn neto z'o lo mbe'te là ton i yi mba jule'te là.

Lévitiko 22:27

A bwô ndù nyàmna', mén njùmbwe ke mén mbwe lo tswe mbaṅ màab lé'njù sammbàa ndùse bo bwe i là; a be z'a kum mbatte lé'njù fom nà, mb'a be bo ton i Tshùaben num jule'te.

Nebwôgte 9:26

Me le'te Tshùaben ntshob ndù: Tshùaben, kà biagte yu nzwit mèn, ntsi' mu, z'o tshùa njam yu nezi ntshu' i, ntshùa njam bu o ze neta nsô i Egipto là.

1 Samuél 2:35

M'a' tsho' ta' ngale'te Nsi ze nenùne. A nsi ghù à ju ze ntù àm kô là, ghù à mba ntù àm kô là. Me nsi fà nzwit mèn yi yàme, z'a nsi ke fa' mbwe mfen me nsi yo' là.

1 Samuél 12:17

Ndonni ke b'a ndù netsho' ngefet ké? M'a' tsiaṅ lén Tshùaben, a tum mfambaṅ bo mbaṅ. Ndùlala, a bwô bin lèn ndù bin fàn à nu mbwe Tshùaben, mba bin bètt'é ta' mfen nà.