1 Samuél 7:3 - NTSHOB NSI

³ Samuél tshob njoṅ ngô Israél fa ndù: A be ze bin kô nebèn njam ntèt Tshùaben njoṅ ntù zin fa là, bin sô nsi gh Samuél tshob njoṅ ngô Israél fa ndù: A be ze bin kô nebèn njam ntèt Tshùaben njoṅ ntù zin fa là, bin sô nsi gh Samuél tshob njoṅ ngô Israél fa ndù: A be ze bin kô nebèn njam ntèt Tshùaben njoṅ ntù zin fa là, bin sô nsi ghùn netèt bin boa ba Astarté. A be ze bin so wut num Tshùaben njoṅ ntù zin fa, nke mfa' nda' yi tù' i là, mb'a nsi tshu' zin mbu ba Filistia.

1 Samuél 7:3 Iomraidhean Croise

Neto'te 35:2

Yakob tshob tunndà i boa njoṅ benntùn fa tse bo à bo be là ndù: Bin sô nsi ghùn ts'a be netèt bin nà, bin lànte wut tsine, mbate nzwe tsine.

1 Fenfen 11:33

Yen nà b'a nummb'a ghua' Tshùaben, ngwù nsi mbwe Astarté, nsi ba Sidon, Kemosh, nsi Moab, Milkom, nsi bon Ammon, mba nummb'a ke' zin num tse manze, ke ghù nu ndaṅndaṅ num miag mi, ke ze ntshù' mi boa ntag mi mba David, tà Salomon na' nke ngù là.

1 Fenfen 8:48

A be ze bo bèn njam njoṅ ngô ntù yub fa ntèl o, ntèl o mum njoṅ zwiag sob fa ntùm ngô ze bo be kuan bwe, a be ze bo le't'o, nkaṅ se yub nke ndôte, nke ndôte ngô z'o na' mfà tà tshobe, nke ndôte tusô s'o na' ntsho'o, bo ba' ze me kut num lén so là,

2 Fenfen 17:39

Là, a bwô ndù bin bwôg Tshùaben Nsi zin; a nsi tshu' zin num njoṅ ghakeban tsin fa.

2 Fenfen 23:15

A sate mba tômbwôg s'a be Bétél là, nsate mbwe' ze Yéroboam nshum Nebat kule, Israél tshùa bwe ngù nukebwô là; a ton mbwe' k'a tù' à bwembwôge, nton mba neto.

1 Kronika 22:19

Ndonni a bwô bin yab ntù zin bo zwiag sin neke ndiag Tshùaben Nsi zin. Bin lo nsi nkut dù' nelàn Tshùaben Nsi, ndo' Koṅ Kàn boa tshundà tse bo yab Nsi là, nèn ntete ntùm ba' ze bo nsi kut num lén Tshùaben nà.

1 Kronika 28:9

Wù nshum àm Salomon, lèn Nsi tàan nke mfa' yi ntùm nenùne, ntùm ntù ntshù', nummbe Tshùaben num ntswe' ntun num ntù benntùn fa, nke ntswe' ntun mba num ntàmtenu ywèle. A be z'o diag i là, mb'a nsi la'te wul i wù; là, a be z'o wag i là, mb'a nsi ghua' o matmat.

2 Kronika 19:3

Là, o ghù bon tshu ntùn num bwe ts'o ghù là. Nummb'o lo biagte ba neto ntùm ngô, mbèn njab ntù o neke ndiag Nsi.

2 Kronika 20:33

Nda' ndù ba mbwe' ke mi ntùm ngô; ngô lo ke yoṅ nsô ntù i num Nsi tà tse kua' mebwô.

2 Kronika 30:19

nelagte njoṅ benntùn fa tse bo yab ntù bo nediag Nsi, Tshùaben, Nsi tà tshob là, mba mba bo ke' ze ntshù' nelànte wut nelàn nà.

Tànkùt 16:1

Ntàmtenu mi ntù ke ngù là ke ndôt'a mènntùn; là mbùn ntshob mi ntshu ke mfà là nke mfe Tshùaben.

Esaya 55:7

A bwô ndù ngatshùagntù kag manze z'a tshùb là, ngafànnu ghua' nkwatenu mi; a bwô ndù a bèn njam ntèt Tshùaben, a nsi ko ndèn mi. A bèn njam ntèt Nsi be z'a ke' be bot nelagte mfà be là.

Yérémia 24:7

Me nsi fà ntù z'a ku'ni neghù ndù bo lèn àm, ndèn ndù me b'a Tshùaben nà. Bo nsi be yàm nzwit mèn, tu wul àm be Nsi yub, nummbe bo nsi bèn njam se' tèl àm njoṅ ntù yub fa.

Yérémia 36:3

Ndùse tunndà Yuda nsi ju' nukebwô ze me kwate neghù yi là, mb'a be mo' ndù mba zit mèn no kag ze manze kebwô z'a tshùb là; mb'a b'a tshùa ndùlala me lagte mfànnu mub bo nukebwô yub.

Yérémia 4:1

Tshùaben tshob ndù: Israél, a be z'o bèn njam ntèl àm, a be z'o bèn ntèl àm, ma' mfa' mu mi a bag nga' mbu njam nà, mb'o ke nsi bèn be tshakendà.

Ezékia 14:6

A ndùlala tshob tunndà Israél ndù: Tshù mba Tshùaben Nsi tshob li: Bin bèn nse'e, bin lo njam njoṅ neto tsin fa, bin tsho' lag num njoṅ bagkèt tshu tsin fa!

Ezékia 18:31

Bin ghua' njoṅ mfànnu min fa tse bin tshùa njam bwe ngù nukebwô là. Bin ghù ntù nswe bo ywèt nswe. Tunndà Israél, numke bin kô nekwù à?

ṄWA'NI OSÉ 14:1

Bo nsi naṅ ntsha tu Samaria, nummb'a bù' tu i nsi num Nsi i. Bo nsi watte yub ṅwi. Bo nsi zwite bon tshobe. Bon nsi keb mbam zwi tshob tse bo be jùm nà ṅwi.

Matio 15:8

Yen nzwit mènntùn ni ke ngamt'àm à nkub ntshu, là ntù tshob be tà ngùanesà mbaṅ àm.

Matio 4:10

Yésu tshob yi ndù: Satan, lo njam àm, nène! Nummbe bo lo kite ndù: O nsi ke vù nsi, ghamte Tshùaben Nsi o, ke fa' fa' be nda' yi tù' i.

Matio 6:24

Sàm mèn ke' ku'ni nefa' tà bàa; nummbe a' ke mbàn mo', nke nkô mo', ke neke ndat wul i num mo', nke ngwag mo' newag lo. Be bin ke ku'ni nefa' Nsi bo nkàb.

Lukas 4:8

Yésu bùnte ntshob yi ndù: Bo lo kite ndù: O nsi ke vù nsi ghamte Tshùaben Nsi o, ke fa' be nda' yi tù' i.

Yohané 4:24

Nsi b'a Ywèle, a bwô ndù ben tse bo ke ngamt'é là ke ngamt'é ntùm Ywèt mba nenùne.

Nebwôgte 10:20

Israél, o nsi ke bwôg Tshùaben Nsi o, ke fa' yi, so wut num i, ke lo' lén se kàn mfe yi.

Nebwôgte 13:4

mb'a ke' bwô ndù o ju' ntshob yen ngatshob ntshob Nsi là ke yen nzinjem nà lo; nummbe mba Tshùaben Nsi zin bèn nke ndaṅte zine, neyen a be ze bin num nkô i ngô ntù zin fa, njoṅ zwiag sin fa là.

Nebwôgte 4:29

A bwe là z'o nsi diag mba Tshùaben Nsi o ke yen i, a be z'o diag mba njoṅ ntù o fa bo zwiag so fa là.

Nebwôgte 6:13

O nsi bwôg Tshùaben Nsi o, ke fa' yi, ke lo' lén se kàn mfe yi.

Yoshua 13:31

Ta' tshé' kam Galad, Ashtarot bo Edrei, ntusô nufen Og mi a Basan nà, be ze ju nshumnshum Makir, nshum Manasé, bo fà ta' kam bon Makir, ndaṅndaṅ mba tshob tunndà be là.

Yoshua 24:14

Ndonni a bwô ndù bin bwôg Tshùaben, mfa' yi ke tshù njam, njoṅ ngô ntù zin fa. Bin sô njoṅ nsi fa tse tà tsin na' nke mfa' bo mo' yoṅ ta'ntse, mba Egipto là. Bin ke mfa' Tshùaben.

Yoshua 24:23

Yoshua tshob bo ndù: Ndonni a bwô ndù bin sô nsi ba tum tse bo netèt bin nà, mfà ntù tsin Tshùaben Nsi Israél.

Ghasa'kame 10:16

Bo sô nsi ba tum ts'a be netèt bo là, mfa' Tshùaben, yen nu là kwag ntù Tshùaben num nge' Israél.

Ghasa'kame 10:6

Bon Israél bèn ngù nu z'a bag là num miag Tshùaben. Bo fa' Baal boa Astarté ts'a be nsi ba Siria, ba Sidon, ba Moab, nsi bon Ammon, nsi ba Filistia là, ngua' Tshùaben ke bèn nefa' yi.

Ghasa'kame 2:11

Bon Israél ghù ju z'a ke' bwô là num miag Tshùaben, nke mfa' ba nsi Baal.

Ghasa'kame 2:13

Bo ghua' Tshùaben ntù' ke ngamt'a Baal boa Astarté.

1 Samuél 31:10

Bo yab tshu ntshùag Saulo ntùm ndà Astarté tshobe, ntaṅ fe i num nkummba' Bét-Shan.