1 Samuél 5:8 - NTSHOB NSI

⁸ Ndùlala bo tum bo diag njoṅ fenfen ba Filistia fa, bo tshob bo ndù: Bag a' ghù a ndùke Koṅ Kàn Nsi Israél à? Fenfen bùnte ndù: A bwô neket nèn yi Gat. Bo ket Koṅ Kàn Nsi Israél nèn yi bwe.

1 Samuél 5:8 Iomraidhean Croise

Sakaria 12:3

Mum sen lé'njù là me nsi lo' Yérusalém ghù loṅ nelèt yi num njoṅ ntumntum fa; njoṅ benntùn bo nsi bù' i nsi là nsi fotte wut tshob bwe; njoṅ ngôngô fa nsi tse'te lo nsi num i.

Amos 6:2

Bin tshùa Kélné njene, bin nèn tà nkum mà Hamat ze ndùb, nswe' nèn mà Gat ju ba Filistia njene: Bin kwate ndù bin be mebwô ntshùa tshen nufen nà ké? Tshob tsha' yàm, nzi ntshùa tsin ké?

1 Samuél 17:4

Mo' mandum tum mbàn ba Filistia nse' netèt ntshu ntsho bàa. Lén se na' mb'a Goliat. A na' mb'a ze Gat. Goliat sag nèn tù nguan mbu ntat.

1 Samuél 5:11

Bo bètte fenfen ba Filistia fa bumte, bo tshob bo ndù: Bin ba' Koṅ Kàn Nsi Israél njam, a bèn num ze dù'. A ke' bwô a biagte yag bag à ngô fa. Mo' bwôg, kà ntù' b'a ze vùkob lo be ntùm ngô, nummbe bu Nsi lo lab ngô kua' kebwô neshu.

1 Samuél 5:7

Ba Asdod be yen ndùlala ntshob ndù: A ke' bwô ndù Koṅ Kàn Nsi Israél tswe netèt bag; nummb'a lab yag bu i, ndab mba Dagon nsi yag.

1 Samuél 29:6

Akish tsiaṅ David ntshob yi ndù: Tshùaben b'a ntùn! O b'a mèn ndaṅndaṅ, mbe ndù me num nkô o, neyen mba bag wù tshwèt nèn nke mbèn ntùm mbàn nà; nummbe me ke' fon sàm kebwô num o fe lé'njù s'o kum mbaṅ àm nà tà nse' nkum sènni; nda' ndù nu tsho ke' bwô tshàm fenfen.

Yoshua 13:3

neto' Shishor ntse mi a be nswe' mbwe Egipto là nkum ndùnsi Ekron nze tu. Yen bag là b'a dù' bo be ndo' i mba ngô Kanaan, ndù fenfen Filistia tàn be netèt bwe là. Tshen fenfen nà b'a ze Gaza, ze Asdod, ze Askalon, ze Gat, ze Ekron mba ze ba Hévia.

Yoshua 15:11

Ndùnsi lo ke ntôg nsen nà nèn ntshùa num bag Ekron z'a ntèn nà, nèn tà nkum Shikron, ntshùa num mbat Baala, nèn ntôg tà Yabnéel nèn nkum dibantse.

1 Samuél 6:2

Tshen ba Filistia li tsiaṅ ghale'te boa ghangàm ntshob bo ndù: Be nsi ghù Koṅ Kàn Tshùaben à ndùke? Bin soṅ yag mba be nsi bèn ba' i num ze dù' là.

1 Samuél 17:52

Ba Israél boa ba Yuda yab njam bo, mbu' ngoṅ, nta' ba Filistia nèn nkum tômbo'o, tà nèn nkum ntshu mbu' Ekron. Ba Filistia tse bo kette mfaṅ ndùbndùb là vùte nsi, nkwùte num manze Shaaraim tà nèn nkum Gat, tà nèn nkum Ekron.

1 Kronika 7:21

Zabad nshum i; Shutélak nshum i; Ezer bo Eléad. Ben tse bo bwe yub ntùm ngô là bo zwite yube, nummbe bo lo swe' nse' lo' bwoṅ nyàm tshobe.