1 Samuél 5:4 - NTSHOB NSI

⁴ Njù làn bo be lo nsi, mbèn njen Dagon ndù a vù nsi num tsha'a, mbwe Koṅ Kàn Tshùaben. Tu Dagon boa mbu mi lo tsho' ngwùte nsi nzendà tun nkù'ndà, nda' mbwoṅ wul i bèn ntù'.

1 Samuél 5:4 Iomraidhean Croise

Esaya 27:9

Tshù mba me nsi bwete mfànnu nzwit Israél li, mbèn njen lèn tàm se nelagte nukebwô i nsi yàm ni: A nyute ndoṅ tômbwôg a mba bo be nyute nke' mbem nà. Tse neto Astarté boa bebun lagnyam ke nsi bèn be tù;

Esaya 40:20

Mèn ze bwoṅ to' i nefà yàm nà, be ndiag z'a ntshwèn z'a ke' be bagte ndende là. Yen nà be mbe tôg a diag ngafa' z'a ku'ni là, a kom neto yi z'a ke' ku'ni nevù nsi là.

Yérémia 10:11

Bin nsi tshob bo ndù: Tshen nsi là tse bo ke' bèn nabte kamànyam bo tsha' là nsi mi nsitsha'a, tun bam kamànyam.

Yérémia 10:14

Mba zit mèn no be ntshùa njam ze nesiaṅte ntù' tshen. Mba zit ngave lo tuswe be nko i num neto i z'a kom nà. Nummbe tshen neto là b'a tse tatte, mbe ndù zwiag ke' be num bo.

Yérémia 10:15

Bo b'a tshu banban, mb'a fa' tatte. Bo nsi bite fa ndùse keb ntsha nsi te nsi là.

Yérémia 50:2

Bin tswi yen nkùn ni netèt ngôngô; bin tshag yen nkùn nà! Bin te ta' keki tù; bin soṅ yen nkùn nà! Kà bin lem sàm ju num bwe; bin tshob ndù: Tshù Babilon nà ze bo lo' i là. Bebun Bel vù ntùm tuswe, bebun Merodak là ze ngakeban be't'é là; tuswe ghom tshen neto tse là fa; bo be'te tshen neto là fa,

Daniel 11:8

A nsi lo' nsi tshobe, neto tshob tse tùn mba tshu tshob tse nkàb bo gol nèn yi mba ntsha' ntsho là mà Egipto. A nsi tsin nesà mbaṅ mfen tu num tsemo' ngu'njù.

Mika 1:7

Me nsi be'te njoṅ tse neto nekom fa mfémfé, ton njoṅ tshu fa ts'a ghù mum nukebwô là ntùm mbwôge. Me nsi tsham njoṅ tse neto fa ts'a lo' nkàbfa' kat njun yi là. Tshen neto là nsi tù' nkàbfa' kat.

1 Samuél 6:5

Bin nabte ba mfuni neloṅ boa ba neto tshetku tse bo tshwèt nsate ngô là, mfà ghamte Nsi Israél; be mo' ndù a tsin nelo' bu i ndab zin yi, nsi zin mba ngô zine.