1 Samuél 4:4 - NTSHOB NSI

⁴ Ngô tum benntùn Silo bo nèn nket Koṅ Kàn Tshùaben tàndà ntsho z'a tswe netèt ba kérubim nà. Tse nshum Eli bàa Ofni bo Finéas lo be bwe, boa Koṅ kàn Tshùaben Nsi.

1 Samuél 4:4 Iomraidhean Croise

2 Samuél 15:24

Mba Tsadok lo be bwe boa njoṅ ben Lévi fa ndù bo ket Koṅ Kàn Nsi; bo te Koṅ Kàn Nsi mbaṅ Abiatar, mbéb ndù njoṅ benntùn fa miagte netum tusô.

2 Samuél 6:2

David boa ngô tse bo be mbaṅ i là tam nze nèn Baala-Yuda, nket Koṅ Nsi bwe nko' nse' yi. Bo lo ke ntsin mbwe Koṅ ntsiaṅ Tshùaben tàndà ntsho z'a be ntswe netèt ba Kérubim, mfe num Koṅ nà.

2 Fenfen 19:15

nde't'é ntshob yi ndù: Tshùaben Nsi Israél, wù z'o tswe num ba kérubim nà! A b'a wù bèn mbe Nsi njoṅ nufen fa ts'a num nsitsha' l'a. A b'a wù bèn nabte kamànyam bo tsha'a.

Yobkwi 80:1

Ntshagte yobkwi. Num loṅe. Yobkwi Asaf. Yobkwi.

Yobkwi 80:2

(Pisito) ngabéb Israél, kù' ntoṅ nju'u. Wù z'o be ntshagte Yosèf mba bwoṅ nyàm nà, ṅwag ntùm nkuni mu, wù z'o tswe num ba kérubim nà.

Yobkwi 99:1

Tshùaben tshwèt nsa' njù, benntùn nke mvètte; a tswe num ba kérubim, tsha' nke nyi'te.

Esaya 37:16

Tshùaben tàndà ntsho, Nsi Israél, wù z'o tswe num ba kérubim nà! A wù tù' wù bèn mbe Nsi njoṅ nufen fa num nsitsha'a, a b'a wù bèn nabte kamànyam bo tsha'a.

Malashi 1:9

Be ndaṅndaṅ bin nèn ndabte Nsi, ndù a ko ndèn be! Mba bin na' ndo' mbu min ngù ndùlili là, be a lo' zin mebwô ké? Tshùaben tàndà ntsho bèn mbètte.

Nesiaṅe 4:15

Ngelaṅ ze Aron boa nshumnshum tse nsi miagte nekabte dù' nelàne boa njoṅ tshu fa' fa num dù' nelàn nà, nshumnshum Kehat nsi se'e, ngelaṅ ze bo nsi lo ne nèn nà, num nekele, nda' ndù bo ke nsi kwag tshu nelàne, mbwôg ndù kà bo kwù. Tshù mfa' nshumnshum Kehat là, fa' ze bo na' mbètte ndù bo ke mfa' num neket ndà mbumte là.

Nesiaṅe 4:5

ngelaṅ ne nène, netum ntùm mbàn. Aron boa bon tse nsi se' bote nzwe, ndo' nkabte Koṅ kwénta yi.

Nesiaṅe 7:89

Ngelaṅ ze Mosé na' ntsho ndà mbumte netshob nu bo Tshùaben nà, a ju' nze mèn ntshob tù, dù' nebiagte nukebwô, tu Koṅ ntshù', netèt ba kérubin bàa. A nke ntshob nu yi.

1 Samuél 1:24

Ndùs'a tsho' mén bùn nà, a lo' i nko' nèn bo yi, ndo' fot mfô s'a ghù ngu'njù tat là, ta' kesoṅ mbab bàn, ta' ntu' ndu'. A lo' mén nèn yi ndà Tshùaben Silo. Mén na' nke' à kua' metshab i.

1 Samuél 14:3

Akiya nshum Akitub, mfèt Ikabod nshum Finéas, nshum Eli, ngafà tshule'te Tshùaben Silo, lo ket kum nesag se bo num nket ngelaṅ fa' là. Ngô lo ke lèn ndù Yonatan tum nène.

1 Samuél 2:22

Eli lo ywèn kua' neshu. A nke nju' mba tse nshum tshwèt ngù num ba Israél là, nke nju' mba bo ke ndo' bènnzwi tse bo ke mfa' nzendà ntàb mbumte là.