1 Samuél 22:2 - NTSHOB NSI

² Njoṅ tse bo ke njen nge' là, tse bo ghù njo tu bo là, tse ntù yub na' mbe ke ke ntshùa là so wut num i, a tù' yub mfen. Bo tamte mbe mbaṅ i nguan benntùn nkù kuà.

1 Samuél 22:2 Iomraidhean Croise

2 Samuél 17:8

Hushai tshob ndù: O lèn mba tàan boa ben tse num nta num ntsho là. O lèn ndù bo ke ntshùag à mba mbù tshwèt ze bo ghom bon tse là. Tàan b'a ngama' ntsho, a be a ke zi dù' ntshù' boa ngô.

2 Samuél 5:2

A lo be mba tà mbwembwe, ndùse Saulo be mfen be là, o na' mbèn nke ntshagte Israél mbèn ndo' i mbèn yi njam. Tshùaben lo tshob wù ndù o nsi béb ze nzwit mèn Israél, be mfen ba Israél.

2 Fenfen 20:5

Bèn njam mbaṅ Ezékia mfen yàm nzwit mèn ntshob yi ndù me Tshùaben Nsi tàab David ju' le'te z'a le't'àm yi là, mbèn njen ntsenyà mi a fètte là. Ndùlala me nsi yat'é, a be kum lé'njù tat a ko' nèn ndà Tshùaben.

2 Fenfen 4:1

Mo' mènnzwi netèt zwi nshumnshum ba ghatshob ntshob Nsi tum bo tsiaṅ Elisa, a tshob yi ndù: Ngafa' o, ndu àm kwù, o ne ndène, ngafa' o lo ke mbwôg Tshùaben. Tshù nganjo se' nelo' bon tshàm tse bàa mba kuan tse là.

Tànkùt 31:6

Bin fà neta ndu' mèn z'a tù' nekwù là mfà ndu' mèn z'a ghù zwe ntù i là.

Matio 11:12

Fe num tse lé'njù Yohané nganyu' benntùn ntse tà nse' nkum ndonni, bo tshwèt nkagtùn netsho ntùm nufen kamànyam ntùm neta, ben neta tshwèt ntsho bwe tùn.

Matio 11:28

Bin se' me njoṅ zin fa tse bin bole, mbèn nket lèt là, tu wul àm m'a' fà fite bin.

Héber 2:10

Yi ze njoṅ tshu fa fe à yi, ze njoṅ tshu fa b'a num i là, lo kô nesoṅte bon yàm ntùm nkuni, njen ndù a bwô mfen yôg sob bwô miagte, ndùlala a yen nge' kà mbwô miagte.

Ghasa'kame 11:3

Yéfté kù fèt tse nèn ngùanesà, nke ntswe ntùm ngô Tob. Ba kelo' ngù ju yi kùmte mbaṅ Yéfté, boa bo nke ntsha' dù'.

Ghasa'kame 18:25

Bon Dan bùnte ndù: Kà bèn nga' ntshu o mbwe bag, ntag ndùlala mb'a be ghayantù tsho' ngwù num o nsen nà o bi yôg so, bo se tunndà o.

1 Samuél 1:10

A le'te Tshùaben, ndù zwe dun ntù i, mfètte ntsenyà yàme.

1 Samuél 22:3

David lo nsen nà nèn Mitspa z'a be Moab là. A tshob mfen Moab ndù: Netsho'o, bam ndù tàa bo màa tswe la' o tà nkum ndùse Nsi a' soṅ mba me ghù là.

1 Samuél 23:13

Ndùlala David lo nsi boa ben tse nguan ntu nkù ntôge; bo tum Keila nkù nèn dù' bo ku'ni nenèn nà. Saulo be ju' mbe David tum Keila nkù, ntsine, ke bèn nebwe i.

1 Samuél 25:13

Ndùlala, a tshob ben tse ndù: Mba zit mèn no lo' ze ṅwi! Mba zit mèn no ghù ndùlala, mba kua' David; bo lo njab njam i, nguan benntùn ntu kuà. Ben ntu nkù bàa tù' mbaṅ tshu.

1 Samuél 30:6

David b'a ntùm sobni ndùb, nummbe ngô lo ke ntshob mbe bo a' tamte David ndoṅ. Njoṅ yub fa lo b'a ntùm zwentù, mba we lo be ndùlal'a num nshum tse boa ngonngon tse. Là David tshùb fènntù, njé'te num Tshùaben Nsi i.

1 Samuél 9:16

A tshag mbe ndamnjù num yen nyam ni, me tum mo' mènntùn wù, a tum à ntùm ngô Benjamin. O nsi yo' i, ghù mfen yàm nzwit mèn Israél yi. A nsi tshu' yàm nzwit bu ba Filistia; nummbe me te lag num yàm nzwit mèn, nkua' mi ko' ntam toṅ àm.