1 Samuél 2:3 - NTSHOB NSI

³ Kà bin bèn ntshob nu ntùm ka'te; kà ko'tewut bèn ntum ntshu bin; nummbe Tshùaben b'a ta' Nsi z'a lèn njoṅ i fa là, a num mfi' njoṅ ngùninu benntùn fa;

1 Samuél 2:3 Iomraidhean Croise

1 Fenfen 8:39

mb'a bwô ndù o tsin mfe kamànyam ntùm dù'ntswe o ndagte mbèn njwimte. Ghù mba we lo mb'a bètte là, mba nzin mi be yi là; tu wul o lèn ntù mba we lo, o bèn ndèn ntù njoṅ benntùn fa.

ṄWA'NI YOB 31:6

mb'a bwô ndù Nsi fi' àm ntùm nkilô nenùne, mbèn ndèn ndù à yen àm me b'a mèn netsine!

Yobkwi 147:5

Tshùaben be b'a mèn ndùb, ndù a ta neshu, zenu i ke' ghù ndù i.

Yobkwi 17:10

Bo fùn ntù tshobe, bo ghù ntshob ka'te ntshu bo.

Yobkwi 31:18

Tshùaben, kà bam ndù tuswe ko àm ngelaṅ me tsiaṅ o là. A bwô ndù tuswe ko ghatshùagntù. A bwô ndù bo swe' nèn ngô fe ben à ntshu mi'i.

Yobkwi 44:21

A lo mbe ndù bag lagte lén Nsi yag, ntshag mbu mag mo' nsi ghua,

Yobkwi 75:5

Me lo tshob ben tse bo be ngamte wut tshob là ndù: Kà bin neghamte wut tsine! Ntshob ghatshùagntù ndù: Kà bin bù' tu zin nsi!

Yobkwi 94:4

Bo tshwèt ntshobe, bo be ndo' ka'te ntshob yi. Njoṅ benntùn fa bo be ngù nukebwô là tshwèt nyàmte wut yub.

Tànkùt 16:2

Njoṅ manze mènntùn fa b'a tse nelàn num miag mi, là Tshùaben bèn mfi' ba ntù.

Tànkùt 24:12

A b'o tshob ndù: Yen mbe bag lo ke lèn tshage! Mèn z'a be mfi' ntù mèn ndèn nà ke' ju' ké? Mèn z'a num ndôte ntù o là, tu wul i lèn ndùlala, a nsi ghù mba num we lo à mba mfa' mi be yi là.

Tànkùt 8:13

Nebwôg Tshùaben b'a ngakeban nukebwô. Ka'te bo ko'tewut b'a manze nukebwô, ntshu kebwô b'a tshu tse me num mbàn i neshu là.

Esaya 26:7

Manze mèn netsin b'a ndaṅndaṅ; wù z'o b'a mèn netsin nà, tsiagte ntshagnze mèn netsine.

Esaya 37:23

We z'o tut'é, ntshabt'é à? O tshag nz'o tù à num we? O bù' miag mu tù num Mèn Nelàn Israél.

Yérémia 17:10

Me Tshùaben, me be ntswe' ntun ntù mèn, ndèn bam se, ngù mba we lo à mba nzin mi lo' mbe yi là, ndaṅndaṅ mba mfa' mi lo' mbe yi là.

Ezékia 35:13

Bin lo tsin tsham kebwô num àm, ntshob ntshob kebwô nzenze num àm. Me lo ju' njoṅ i fa.

Daniel 4:37

Ndonni me Nébukanetsar, me tshwèt nyàmte, nke ndabte, nke ngamte mfen kamànyam. Njoṅ mfa' mi fa mba njoṅ tse manze fa b'a netsine. A ghù nekôg ben tse bo be nzin mum ko'tewut là ma' nsi.

Daniel 5:27

Bo fi' o num kilô, njen ndù o fùage.

Malashi 3:13

Tshùaben tshob ndù: Ntshob mi bin be ntshob num àm nà ta neshu, là bin nke ntshob ndù: A ke ze bag tshob num o à?

Héber 4:12

Nummbe ntshob Nsi b'a ntùn, mba neta, nke ntshùag ntshùa njoṅ ṅwi njam bàa fa, nke ntsho tà nkum ntùm ntù mba ywèle, ntùm nga mba nzit vôge, nke ntsho'te ntenu mba nkwatenu ntù.

Yoshua 22:22

Nsi Nganeta Ntshùate, Tshùaben Nsi Nganeta Ntshùate z'a be Tshùaben nà lène, mba Israél nsi lène. A be ze bag ta tu, ke bam neju' ntshu Tshùaben nà, a faṅ nà, ke ywimte yag sènni.

Apokalipse 2:23

Me nsi zwite bon tse ntùm vù; njoṅ ntse'te benkristô fa nsi lèn ndù a b'a me bèn nke njen tun ba zwe' mba tun ba ntù, me nsi fà mba we lo netèt bin be ndaṅndaṅ num mfa' mine.

Ghasa'kame 9:38

Zébul zwi tse, ntshob ndù: Kà nta'nku mi a na' nke ntshob mbe Abimélék b'a ke kà be nke mfa' yi di ke l'à? Tshù ngô z'o na' nke ngwag là. Tshù ngelaṅ nenèn ma' yub ntsho li.

1 Samuél 16:7

Tshùaben tshob Samuél ndù: Kà lôt'a ntshù mi bo mb'a sag là, nummbe me ke' lo' i. Tshùaben ke' be yen à mba mènntùn num njen ze là; mènntùn ke njen à z'a bwô num miag là, là Tshùaben nke ndôt'a ntù mèn.