1 Samuél 2:2 - NTSHOB NSI

² Sàm mèn nelàn ke bwe mba Tshùaben nà! Mo' Nsi ke bwe mba yi là. Mo' gholoṅ ke bwe mba Nsi yag là.

1 Samuél 2:2 Iomraidhean Croise

2 Samuél 22:3

Nsi b'a sàm gholoṅ dù' me num mfon ndàlem bwe là. A b'a yàm tshètntsho, mbe neta z'a num njôg àm nà. A b'a ngatshètt'àm, mbe ngatshu' àm. Ngayôg àm, o num ntshètt'àm num nu nefètte lem.

2 Samuél 22:32

Nummbe mo' Nsi ke bwe k'a ke nda' Tshùaben. Mo' gholoṅ ke bwe k'a ke nda' Nsi yag.

2 Samuél 7:22

Tshùaben Nsi, mi' o zi neshu! Tshù, sàm mèn ke bwe z'a fut'o là, mo' Nsi ke bwe mba wù là. Bag yé't'a num tshu tse ntoṅ mag ju' là kà mbame.

1 Fenfen 8:23

O! Tshùaben Nsi Israél! Mo' Nsi ke bwe z'a fut'o là, ke mfe tù mfe kamànyam, ke mànsi num nsitsha' lo. O be ntshùb kàn bo kondèn o num ghafa' tsho tse bo be nzin mbwe o njoṅ ngô ntù yub fa là.

Yobkwi 111:9

A lo tum netshu' ze nzwit mèn; a lo kite kàn se matmat, lén se b'a se nelàne, se nekuni.

Yobkwi 18:2

A tshob ndù: O Tshùaben, me num nkô o, o b'a yàm neta.

Yobkwi 18:31

Tse manze Nsi bwô neshu, ntshob Tshùaben b'a mi nenùne. Tshùaben b'a tshètntsho njoṅ benntùn fa tse bo be njab ntù num i là.

Yobkwi 71:19

O Nsi, nunetsin o be nèn tà nkum mfe kamànyam. O lo ghù tshu ndùbndùb bumte. O Nsi, we z'a be ndaṅndaṅ mba wù à?

Yobkwi 71:3

Be gholoṅ se be me tshètte wul àm bwe là, dù' ze be me nke ntum ntsin bwe njoṅ ndù là! O lo tshob ndù o a' yôg àm. Nummb'o b'a sàm gholoṅ mba yàm ndàlem.

Yobkwi 73:25

We ze be me ghù mfe kamànyam k'a ke nda' wù à? Me ke' kô sàm ju num nsitsha'a, k'a ke nda' wù.

Yobkwi 86:8

Sàm nsi ke bwe z'a be ndaṅndaṅ mba wù là me Tshùaben. Sàm ju ke bwe z'a fute mfa' mu là.

Yobkwi 89:6

O Tshùaben, kamànyam be ngamte mfa' mu mi nekuni! Ngamte nenùn o ntùm mbumte ben nelàne.

Yobkwi 89:8

Nsi b'a ngafétwut ntùm mbumte ben nelàne. Nsi b'a mèn nekuni num ben tse bo diaṅ i mbum nà.

Yobkwi 99:3

Bo be nyàmte lén so se ndùb mba tonkèl i: A b'a nelàne.

Yobkwi 99:5

Bin ghamte Tshùaben Nsi be, ngwù nsi mbwe ko'nku mi. A b'a Nelàne.

Yobkwi 99:9

Bin ghamte Tshùaben Nsi yag, ngwù nsi mbwe mbal i ze nelàne! Nummbe Tshùaben Nsi yag b'a nelàne.

Netume 15:11

Tshùaben, we z'a be mba wù, netèt ba nsi à? We z'a be mba wù, mbe mèn nelàn à? O be nkuni nenyàmt'o, O bèn nke ngù nsà.

Esaya 40:18

Bin ke ndiag fi' Nsi à num zit ju à? Bin nsi tshob mb'a b'a njoṅ zit ju nekom à?

Esaya 44:6

Tshùaben, mfen Israél, ngatshu' i, Tshùaben tàndà ntsho tshob ndù: Me b'a mbwe i mbèn mbe njam i, Mo' nsi ke' bèn mbe bwe k'a ke nda' me.

Esaya 44:8

Kà bin bwôg, kà tu zin tshu'. Me lo ke yà ntshob bin, me lo ke yà soṅ zin tà mbwe ké? Bin b'a tshàm ghakwénta. Mo' nsi ke' bèn mbe mba me là. Mo' gholoṅ bèn mbe bwe k'a ke nda' me ké?

Esaya 57:15

Nummbe Mèn z'a tà mfe tù là tshob nu. Yi ze dù'ntswe i be matmat, lén se be se nelàn nà tshob ndù: Me ke ntswe à ntùm Nelàn àm, ntùm dù'ntswe z'a tà mfe tù là. Là, me num ntomte ngayennge' z'a be ntùm ntobni là. Me num nse' mfùag ywèt tshàm num ben nebétni, mbù'te fènntù ben nebole.

Esaya 6:3

Bo nke ntshag nze yub tù, mo' nke ntshob mo' ndù: Nelàne! Nelàne! Nelàne b'a Tshùaben tàndà ntsho, nkuni mi dun num njoṅ nsitsha' fa.

Yérémia 10:6

Tshùaben, sàm mènntùn z'a be mba wù là ke' be. O b'a ndùb, lén so tshùa njam neta o mbe se ndùb.

Lévitiko 11:44

Tshù, me b'a Tshùaben Nsi zin. Bin lànte wut tsin ntù' ben nelàne, nummbe tu wul àm b'a nelàne; a ke' bwô bin sagte wut tsin num tshen nyàm nà bo num nsoṅ bam sob nsi là.

Lévitiko 11:45

Nummbe me b'a Tshùaben z'a na' ngù bin ko' ngô Egipto, ndù me be Nsi zin, bin be nelàn nà. Tshù, tu wul àm b'a nelàne.

Lévitiko 19:2

Tshob njoṅ mbumte bon Israél fa ndù: Bin be nelàne, nummbe Tshùaben Nsi zin b'a nelàne.

Roma 15:4

Nummbe njoṅ i fa tse bo kite tà fe mbwe là, bo na' nkit'a num netswite be, ndùlala ndù be ghù nenywinte njam nefènte mba njam nefite ntù z'a fe ṅwa'ni Nsi là.

Roma 4:8

Mènfen b'a mèn ze Tshùaben ke' siaṅte nukebwô i là.

Nebwôgte 3:24

Tshùaben Nsi, o lo to' nela'te mb'o zi là bo bu o ze neta ngafa' o; nummbe sàm nsi ke bwe kamànyam ke num nsitsha' lo z'a ku'ni nefi't'o num mfa' mo mi ndùbndùb là.

Nebwôgte 32:20

A tshob ndù: M'a' lem yub se àm, njen yàm mb'a nsi miagte yi num bo là. Nummbe bo b'a ta' nzwit kebwô, mbe bon tse bo be nta tu là.

Nebwôgte 32:39

Bin lèn ndonni ndù me bèn mbe Nsi, ndù mo' nsi ke tse mbaṅ àm. Me num mfà yôg, mbèn nzwi mèn, nke nkag mfaṅ mbèn ntshwinte, sàm mèn ke ku'ni nekwé ju bu àm.

Nebwôgte 32:4

Tshùaben b'a gholoṅ sàm; mfa' mi bwô neshu, nummbe njoṅ tse manze fa b'a tse ntùn, a b'a Nsi nenùne, mfànnu ke tse num i, a b'a mèn netsine, mbe mèn ndaṅndaṅ.

Nebwôgte 4:35

Wù Israél, bo lo lo' o ngù nkwénta tshen tshu là yi, ndùlala ndù o lèn mbe Tshùaben b'a Nsi, ndù mo' ke' bèn mbe bwe.

Nebwôgte 4:39

Ndùlala lèn sènni mbèn ntshùb ntù o ndù Tshùaben b'a Nsi mfe kamànyam mba num nsitsha'a, ndù mo' ke' bèn mbe bwe.

1 Pétro 1:16

mba bo kite ndù: Bin nsi be ben nelàne, nummbe me b'a mèn nelàne.