1 Samuél 13:3 - NTSHOB NSI

³ Yonatan zwi tàndà ntsho ba Filistia z'a be Guéba là, ba Filistia ju' yen nu là. Saulo ghù bo tô nta ntùm ngô fa, ntshob ndù: Ba Héber ju' njoṅ yub fa.

1 Samuél 13:3 Iomraidhean Croise

2 Samuél 2:28

Yoab tô nta, ngô fa tsin; bo ke bèn neta' ba Israél, bo ke bèn nema' ntsho netèt bo.

2 Samuél 20:1

Mo' ngatshùagntù lo be bwe lén se Shéba, nshum Bikri mèn Benjamin. A tô nta ntshob ndù: Bag bin David ke mbu bàn, bag bin nshum Isaï ke ntùm sàm nu ntam. Mba we lo bèn ndà i me ba Israél.

2 Samuél 23:14

David na' mb'a ntùm se tusô se bo kut ntsham ntsiag là, mbe ndù ba Filistia ghù ta' dù' Bétléhém.

Esaya 10:29

Bo num nyiaṅ nka, nzi Guéba; Rama nke nyi'te. Guéba Saulo tsho' kù.

Sakaria 14:10

Njoṅ ngô fa nsi tù' tômbo' nelo Guéba nèn nkum Rimmon, bag Yérualém z'a mà ntèn nà; bo nsi bù'te Yérusalém, a tswe num ze dù', neto' nzendà Benjamin nèn nkum dù' mbwe nzendà be là, nèn nkum nzendà ntôgndà, nto' num nesà ba' Hananél nèn nkum dù' ze ntshàb ndu' mfen be là.

Yoshua 18:24

Kefar-Ammonaï, Ofni bo Guéba; njoṅ i fa ntusô ntshob bàa gham boa ntaṅla' mube.

Yoshua 21:17

Ntùm nzwit Benjamin, a be Gabaon bo dù' z'a ghebte là, Guéba bo dù' z'a ghebte là,

Ghasa'kame 3:27

Ndùs'a yoṅ ṅwag là, a tô nta num mbat Efraim. Bon Israél swe' num mbat boa yi. A kwé mbwe, ntsin tu bo.

Ghasa'kame 6:34

Ywèt Tshùaben tsho num Gédéon, a tô nta, ntsiaṅ Abiézer yi ndù a se' ntam njam i.

1 Samuél 10:5

Yen nà nsi be tôg o zin nkum Guibéa-Elohim, dù' ze mo' mbàn bwoṅ soyé ba Filistia be là. O nsi be tsho tusô bumte bin mo' bwoṅ ghatshob ntshob Nsi, tse bo fe mfe mbwe' nke nswe' nse'e, ndù bo tshwèt mbu' loṅe, lammbé, nke ntô mandô, nke mbu' loṅ nse' mbwe bo là. Bo nsi ke tshob ntshob ghatshob ntshob Nsi.

1 Samuél 13:16

Saulo, nshum i Yonatan boa benntùn tse boa bo be là tsinte njam Guibéa z'a be ngô Benjamin nà. A lo be be ndù ba Filistia te mbàn Mikmash.