1 Samuél 10:6 - NTSHOB NSI

⁶ Ywèt Tshùaben nsi tsho num o, bin à bo ke ntshob ntshob ghatshob ntshob Nsi, nummb'o nsi tù' bèn b'a mo' mènghua.

1 Samuél 10:6 Iomraidhean Croise

1 Samuél 10:10

Ngelaṅ bo kum Guibéa, mo' bwoṅ ghatshob ntshob Nsi se' mbumte boa bo. Ywèt Nsi tsho num i, a tshob ntshob ngatshob ntshob Nsi netèt bo.

Nesiaṅe 11:25

Tshùaben swe' ntùm ndot ntshob nu yi. A séb ywèt z'a na' mbe num Mosé là, nso num ba kamkam ṅam sammbàa. Ngelaṅ ze ywèt na' ntsho num bo là, bo tshob ntshob Nsi, ntshob ntsine, ke bèn nèn mbwe.

1 Samuél 16:13

Samuél lo' ndô mfèt, njo' i yi netèt fèt tse. Ywèt tsho num David fe num sen lé'njù là, mba ndù mànjam.

Ghasa'kame 14:6

Ywèt Tshùaben ghom Samson, a ghom ngwayit là mfagt'é mba bo be mfagte nzwe là, ke be ndù sàm ju bu i. A ke soṅ tàab ke màab lo ju z'a ghù là.

Ghasa'kame 3:10

Ywèt Tshùaben tsho num Otniél, a be ngasa'kam ntùm ngô Israél, nto' ntsho. Tshùaben fà Kushan-Rishéataim mfen Mesôpôtamia z'a mfe tu là yi, a lab i ntsho.

Matio 7:22

Ben yàm nsi tshob ntùm sen lé'njù là ndù: Tshùaben, Tshùaben, bag lo ke tshob mba ghatshob ntshob Nsi là num lén so, nta' ywètkebwô num lén so, mbèn ngù mba ba nsà num lén so ké?

Nesiaṅe 11:17

M'a' swe' bwe ntshob nu wù. Me nsi nèn num Ywèt z'a be num o là, nsô metsili bwe, nso num bo, bin à bo nsi tamte ket lèt netshagte benntùn, a ke bèn mba ju neket tù' wù.

Nesiaṅe 11:26

Ben bàa lo tù' ntùm mbàn, lén mo' na' mb'a Eldat, mo' be Medak, ywèt tsho num bo, ndèn mube lo be netèt kam ṅam sammbàa, nda' ndù bo lo ke nèn ntshundà mbumte, mba bo yub tshob ntshob Nsi ntùm mbàn.

Nesiaṅe 11:29

Mosé tshob yi ndù: O tù' bèn nja ntù num yàm tu ké? Njoṅ benntùn fa lo ntù' ghatshob ntshob Nsi, mba Tshùaben so ywèt tse num bo.

1 Samuél 10:9

Ndùse Saulo yoṅ ndo mbaṅ Samuél là, Nsi fà ntù nswe yi. Mba ke lo ze Samuél tshob là bumte sen lé'njù là.

1 Samuél 19:20

Saulo tum benntùn ndù bo nèn ndo' David. Bo tèt mo' mbumte ba ghatshob ntshob Nsi bo nke ntshob ntshob Nsi, Samuél bèn mbe tu num bo. Ywèt Nsi tsho num ben tse Saulo tum nà, mba bo yub tamte num ba ghatshob ntshob Nsi, nto' nke ntshob ntshob Nsi boa bo.

Ghasa'kame 15:14

Ndùs'a kum Léshi là, ba Filistia lo' i à ntùm tshu'te bo tsiaṅte. Là Ywèt Tshùaben ghom i. Mvèt bàa ts'a ke nkinte mbu mi là tswe mba ndeb nzwe z'a kù mbwôg là, ntum mum mbu mi ngwùte nsi.

1 Samuél 11:6

Ndùse Saulo yoṅ nju' tshen tshu là là, Ywèt Nsi yoṅ ntsho num i, yantù i kam à kua' kebwô.