1 Samuél 10:1 - NTSHOB NSI

¹ Samuél lo' ndô mfèt naṅ num tu Saulo, ntat'é ntshob ndù: Tshùaben yo' o, ngù mfen yi num ze nzwit mèn Israél, z'a b'a ntsi' mi là.

1 Samuél 10:1 Iomraidhean Croise

2 Samuél 1:14

David tshob yi ndù: Numk'o lo mbe ke bwôg neyab bu num mèn ze Tshùaben yo' i là, kà nzwi i tsho à ?

2 Samuél 19:39

Mfen tshob ndù: Mb'a bwô bag Kimham dule. Me nsi ghù mba ke lo z'a bwô o là yi; mba ke lo z'o lon me là, me nsi fà wù.

2 Samuél 20:19

Sag tusô b'a se ndùb, mbe s'a tswe ntùm mbétni ntùm ngô Israél là. O ke ndiag nesat'é à numke? Numk'o nke mbagte ju z'a be ze Tshùaben n'à?

2 Samuél 5:2

A lo be mba tà mbwembwe, ndùse Saulo be mfen be là, o na' mbèn nke ntshagte Israél mbèn ndo' i mbèn yi njam. Tshùaben lo tshob wù ndù o nsi béb ze nzwit mèn Israél, be mfen ba Israél.

1 Fenfen 1:34

Tsadok ngale'te Nsi bo Natan ngatshob ntshob Nsi nsi yo' i fen bwe num ngô Israél. Bin nsi tô nta tshob ndù: Mfen Salomon te ku i num nenàfi!

1 Fenfen 19:18

Là, me nsi faṅ benntùn ntsha' sammbàa Israél, tshen ben nà lo ke te ntunkekwi' mub nsi mbwe Baal, ntshu yub ke ghamt'é.

2 Fenfen 20:5

Bèn njam mbaṅ Ezékia mfen yàm nzwit mèn ntshob yi ndù me Tshùaben Nsi tàab David ju' le'te z'a le't'àm yi là, mbèn njen ntsenyà mi a fètte là. Ndùlala me nsi yat'é, a be kum lé'njù tat a ko' nèn ndà Tshùaben.

2 Fenfen 9:1

Elisa, ngatshob ntshob Nsi, tsiaṅ mo' nshum ba ghatshob ntshob Nsi ntshob yi ndù: Taṅ kob tun o, ndo' yen ndô mfèt li nèn Ramot z'a b'a dù' tsha' Galad là.

2 Fenfen 9:12

Bo bùnte ndù: Tatte, tshù mba bag bùnte là! Yéhu tshob ndù: A tshob bon ntshob me, ntshob ndù: Tshù ju ze Tshùaben tshob li: Me yo' o mfen Israél.

Yobkwi 135:4

Nummbe Tshùaben lo tsho' Yakob, ntsho' Israél ndù a tù' ze ju.

Yobkwi 2:12

bin tate nku mi, mbwôg ndù k'a ya ntù, ndù kà bin bi num zin manze. nummb'a tù' mén nda'nda' yantù i kame. Mènfen b'a mèn z'a be njab ntù i num i là.

Yobkwi 78:71

a lo' i njam njùmbwe tse bon ke nyô yub là. Num neghù ndù a ke ntshagte Yakob; ze nzwit mèn, mba Israél z'a be ntsi' mi là.

Netume 30:23

A bwô ndù o ghù ba mfèt nelamte mi a b'a mbwe tse là kilô mire ntôge, kilô kinamo ntat, kilô kub tù nelamte ntat.

Yérémia 10:16

Là, mèn z'a be mi ntsi' Yakob là ke' b'a ndùlala. A b'a yi na' mbèn nabte njoṅ tshu fa. Israél b'a kua' ze nzwit mèn. Lén se b'a Tshùaben tàndà ntsho.

Ezékia 16:13

Bo lo lo' gol bo silba nkwi o yi, ma' nzwe mebwô num o, nzwe silik bo nzwe ze bo vèn nà. Jujù o na' mb'a bàn ngefele, ṅwa'a, bo mfèt. O lo ke mbwô nèn a be mbwe, mbwô tsho kua' mbwô fen.

ṄWA'NI OSÉ 13:2

Ndonni bo tshwèt ngù nukebwô nèn yi mbwe, nke ndo' tùn se bo ton nà nabte mfuni ju yi, nabte neto mba bo kwate là; njoṅ i fa b'a fa' ghave. Bo be ntshob num bo ndù: A bwô ndù ben tse bo num mfà tshule'te là nyô nge' ba mfô.

Mfa' Ghantum 13:21

Yen ngelaṅ nà bo to' nebètte mfen, Nsi fà Saulo mén Kis ntùm tunndà Benjamin bo, a tô yub ngu'njù ṅam nkuà.

Nebwôgte 32:9

nummbe ze kam Tshùaben b'a ze ze nzwit mèn; nzwit Yakob b'a mi ntsi' mi a lo' là.

1 Tésalônikà 5:26

Bin tsha'te njoṅ fètfèt fa ntùm nenyô nge' ze nelàne.

Héber 2:10

Yi ze njoṅ tshu fa fe à yi, ze njoṅ tshu fa b'a num i là, lo kô nesoṅte bon yàm ntùm nkuni, njen ndù a bwô mfen yôg sob bwô miagte, ndùlala a yen nge' kà mbwô miagte.

Apokalipse 5:8

Ngelaṅ z'a kwé ṅwa'ni là, tshu ntùn mba ywèn benntùn ntshob kuà ṅam mbàa vù mbwe mén njùmbwe, ndù mba zit lo tshùb loṅe, mba ntu' gol ts'a dun labinda là, tshen ni b'a le'te Nsi ben nelàne;

1 Samuél 12:3

Tshù me li! Bin tshob nu num àm mbwe Tshùaben mba mbwe mèn a yo' i là, a be ze bin yen kebwô num àm nà. We ze me na' nkwé nyàmna' i ke kekwèn i à? We ze me na' ma'ni i à? We ze me lo' ntutntut ntsho i yi à? We ze me na' nkwé nda' yi kà nkabt'é à? Ng'é tum me ba' ju ze me kwé yi là.

1 Samuél 13:14

Ndonni yu nufen ke nsi ghubte. Tshùaben tsho' mo' mèn ze ntù i kô là. A lo' i ngù mfen yi num ze nzwit mèn, nummb'o ke' ju' ntshu Tshùaben num tshu ts'a tshob wù là.

1 Samuél 15:1

Samuél tshob Saulo ndù: A b'a me ze Tshùaben na' ntum àm ndù me yo' o fen num ze nzwit mèn Israél là. Ndonni ju' ju ze Tshùaben tshob là.

1 Samuél 15:17

Samuél tshob ndù: Ndùs'o na' nke' a mônke' num miag mu là, o lo ke tù' mfen njoṅ tse nzwit Israél fa ké? Tshùaben lo ke yo' o ngù mfen ba Israél yi ké?

1 Samuél 16:1

Tshùaben tshob Samuél ndù: O nsi làn num Saulo tà kum a ndùke? Me lo kwé fen Israél yi. Ghù mo' ndô mfèt bàm o. M'a' tum o Bétléhém la' mo' mandum lén se Isaï, nummbe me fon mo' ta' nshum i, a tum mèn ze ntù àm kô nelo' i ngù mfen yi là.

1 Samuél 16:13

Samuél lo' ndô mfèt, njo' i yi netèt fèt tse. Ywèt tsho num David fe num sen lé'njù là, mba ndù mànjam.

1 Samuél 2:10

Ghakeban Tshùaben nsi vètte; a nsi tsin mfe kamànyam tshag se fambaṅ num bo. Tshùaben nsi tsho'te kam ntôgnjù. A nsi fà ngù' ze mfen, bù'te ze neta mèn z'a yo' là.

1 Samuél 24:6

Yen nà be tôg ntù David tam neshu mb'a ghù ndùlala; nkeb tôg kummbaṅ Saulo là.

1 Samuél 26:11

Nga àm, a bwô ndù Tshùaben béb àm ndù kà me yab bu àm num mèn ze Tshùaben yo' i là! Lo' nda' kô s'a tu kun i là bo ntu' ntse be nèn tse be.

1 Samuél 26:9

Là David tshob Abishai ndù: Kà zwi i! Nummbe mèn ke bwe z'a b'a yab bu num mèn ze Tshùaben yo' i tà ke ket ndon nà.

1 Samuél 8:19

Ngô gha neju' ntshu Samuél ntshob ndù: Nga, bag kô ta' mfen.

1 Samuél 8:9

Ndùlala ju' ntshu yube; là bem yub kua' mebwô, nsoṅ yub mba mfen z'a nsi tô yub nsi lo' ma'ni yub yi là.

1 Samuél 9:16

A tshag mbe ndamnjù num yen nyam ni, me tum mo' mènntùn wù, a tum à ntùm ngô Benjamin. O nsi yo' i, ghù mfen yàm nzwit mèn Israél yi. A nsi tshu' yàm nzwit bu ba Filistia; nummbe me te lag num yàm nzwit mèn, nkua' mi ko' ntam toṅ àm.

1 Samuél 9:27

Ndùse bo kum tôg tusô là, Samuél tshob Saulo ndù: Tshob ngafa' o ndù a tshùa mbwe be. Ngafa' nèn mbwe bo. Samuél tshob Saulo ndù: Tsin ndonni me tshob ntshob mi Nsi tshob ndù me tshob wù là.