1 Samuél 1:3 - NTSHOB NSI

³ Mandum nà lo ke ndo se tusô nko' nèn Silo mba zit ngu'njù lo num nevù mbwe Tshùaben tàndà ntsho, mfà tshule'te yi. Hofni bo Finéas ghafà tshule'te Tshùaben na' mb'a bwe. Bo na' mb'a tse nshum Eli.

1 Samuél 1:3 Iomraidhean Croise

Yobkwi 78:60

A ghua' dù'ntswe z'a mà Silo là, ntàb dù' z'a ke ntswe bwe netèt benntùn nà.

Netume 23:14

O nsi ke jù jùa yoṅ tat num tamngu' lo' ke ghamte lén sàm yi.

Netume 23:17

Njoṅ bon bandum fa nsi ke se' mbwe Tshùaben Tshùaben yoṅ tat num tamngu'!

Netume 34:23

Njoṅ bandum fa nsi ke nèn mbwe Tshùaben Nsi, Nsi Israél yoṅ tse tat num tamngu'.

Lukas 2:41

Tàab mba màab lo ke nèn Yérusalém njoṅ ngu'ngu' fa mum lé' jùa Pasa.

Nebwôgte 16:16

Mba zit mandum no nsi se' mbwe Tshùaben Nsi o yoṅ tse tat tamngu', num dù' ze Tshùaben nsi tsho' là num men njùa li: Jùa bàn ke te ywibte se, jùa ba ngabnjù bo jùa ntàb. Kà mèn se' mbwe Tshùaben ke be ndù a tshùb ju bu i.

Yoshua 18:1

Njoṅ mbumte bon Israél fa tse'te Silo, nte ntàb ntse'te bwe; ngô lo ke bù' tu nsi mbwe bo.

Ghasa'kame 18:31

Bo te neto là tù num yub tu num njoṅ ngelaṅ fa ze ndà Nsi na' nke' Silo là.

Ghasa'kame 21:19

Ndùlala bo tshob ndù: Tshù, be be ngù jùa Silo mba zit ngu'njù lo. Silo b'a bag Bétél z'a tu là, mbe num bag nze z'a be ntumnyam, nke nko' nèn Bétél, Sikém nà. A b'a num bag Lébona z'a ntèn nà.

1 Samuél 1:21

Ndu i Elkana lo' ze tunndà fa, nko' nèn fà jule'te ze tamngu' Tshùaben, mba ndù a zwiagte ze nka'ni a bumte.

1 Samuél 1:9

Ana lo nsi mo' lé'njù ndù bo jù mbèn nu Silo. A lo be ndù ngafà tshule'te, Eli tswe num diaṅ, mbaṅ ndà Tshùaben.

1 Samuél 14:3

Akiya nshum Akitub, mfèt Ikabod nshum Finéas, nshum Eli, ngafà tshule'te Tshùaben Silo, lo ket kum nesag se bo num nket ngelaṅ fa' là. Ngô lo ke lèn ndù Yonatan tum nène.

1 Samuél 2:19

Màab lo ke ntam kummbaṅ yi mba zit ngu'njù lo, mbe se' num jule'te z'a ke mbe mba zit ngu'njù lo là ndo' nse' mfà yi. Ana bo ndu i na' mbèn nke nko' nse'e.

1 Samuél 2:34

Ndùse tsho nshum bàa, Ofni bo Finéas nsi kwù lé'njù ntshù' ntu bàa là, o nsi lèn nenùn nu ze me tshob là.

1 Samuél 3:13

Me lo tshob yi mbe me naṅ ntsha tu tunndà i, num nukebwô tse tu wul i lèn mbe tse nshum ghù là. Nummb'a lo ke to' tshèt yub mba lé'njù ntshù'.

1 Samuél 4:11

Ba Filistia lo' Koṅ Kàn Nsi, tse nshum Eli bàa kwù. A na' mb'a Ofni bo Finéas.

1 Samuél 4:4

Ngô tum benntùn Silo bo nèn nket Koṅ Kàn Tshùaben tàndà ntsho z'a tswe netèt ba kérubim nà. Tse nshum Eli bàa Ofni bo Finéas lo be bwe, boa Koṅ kàn Tshùaben Nsi.