Mateo 21:5 - Bayun Tipan sa Aytan Mag-Indi

⁵ “Sabin yu sa mani idi sa balayan Zion, ‘Elêwên yu! Palatêng ngay ari yu. Mapagpayêpa ya buy ya pagsakayan na, biserun asnu.’ ”

Mateo 21:5 Iomraidhean Croise

Mateo 11:29

Sunulun yuy mani utus ku buy mag-aral kaw kangku, tagawan mangêd buy nayêpay nakêm ku. Buy makatanam kaw kapaynawan,

Mateo 2:2

Namatang sila, “Saantuy pinianakan sa Arin mani Judio? Impatang yan na ati gawan nakit yan na bêtêwên sa puputakan mamut ya tanda' nu saantu ya in-anak. Kabay naku kay baydi amên ulimênên yan ya.”

Mateo 2:6

‘Sikaw wa mani tawu sa Bethlehem sa lutan Juda, alwan sikaw wa pinakanayêpa sa mani balayan Juda, tagawan maubat kamuyuy gisay mamunu ya magpastul sa mani Israelita.’ ”

Mateo 21:6

Kabay namita yabay ya mani tagasunul na buy sinunul lay in-utus Jesus kalla.

Lucas 24:27

Impaintindin Jesus kallay kaganawan tungkul kana ya nakasulat sa Kasulatan Bapan Namalyari, ubat sa mani impasulat kan Moises angga sa mani insulat mani propeta.

Juan 1:49

Nakitbay si Nathanael, “Manuru, sika yabay ya Anak Bapan Namalyari! Sika ya arin Israel!”

2 Corinto 10:1

Siku si Pablo ya makisabi kamuyu sa kapamilatan pagpayêpa buy mangêd da nakêm kaparisun Cristu. Dilag mani magsabi kamuyun nu manulat taku kamuyu, mamakatibsê nuwa nu kaawyun yuku, mapagpayêpa ku.