Lucas 9:19 - Bayun Tipan sa Aytan Mag-Indi

¹⁹ Nakitbay sila, “Dilag magsabin sika si Juan ya Mamawtismu. Dilag êt taman magsabin sika si propeta Elias. Buy ya kaatag, magsabin gisa ka sa mani propeta sabitun nunan panawun ya kay nanguman nabyay.”

Lucas 9:19 Iomraidhean Croise

Mateo 14:2

Kabay sinabi na sa mani upisyal na, “Siya si Juan ya Mamawtismu ya nanguman nabyay! Kabay mamakadyag yan mamakaupapas!”

Mateo 3:1

Sa panawun abitu, inlumatêng si Juan ya Mamawtismu sa kakyangan sa prubinsyan Judea ya mangaral paradi,

Marcos 6:14

Natandan Gobernador Herodes Antipas ya tungkul kan Jesus, gawan pikatandan ya agyan dakun saantu. Dilag magsabin, “Siya si Juan ya Mamawtismu ya nanguman nabyay. Kabay mamakadyag yan mamakaupapas.”

Marcos 6:15

Nuwa pansabin kaatag, “Sabay siya si propeta Elias.” Dilag êt magsabin, “Gisa ya sa propetay kaparisun propeta sabitun nuna.”

Lucas 9:18

Gisay allu, kaban manalangin si Jesus un kakapad na, nagdani kanay mani tagasunul na. Kabay pinatang na sila, “Sisabêt taku kanu sabin mani tawu?”

Lucas 9:20

Kabay pinatang silan Jesus, “Nuwa kamuyu, sisabêt taku?” Nakitbay si Pedro, “Sabay sika ya Cristuy impangakun Bapan Namalyari.”

Juan 1:21

Namatang silayna êt, “Nu parabaydu, sisabêt ka? Sika nayi si Propeta Elias ya pan-êtêngên yan?” Nakitbay ya, “Alwan siku.” Kabay pinatang layna êt manguman, “Nu parabaydu, sika nayi ya Propetay impangakun Bapan Namalyari ya lumatêng?” Nakitbay si Juan, “Alwa êt.”

Juan 7:40

Malakêy tawuy nakalêngê sa sinabin Jesus buy sinabin dakun umnu kalla, “Sabay siyay Propetay pan-êtêngên tamu!”

Juan 9:17

Kabay pinatang manguman mani Pariseoy manan bulag, “Sabêt ta masabi mu tungkul sa tawuy namaiyul kamu?” Nakitbay ya, “Ya masabi ku, gisa yan propeta.”