Lucas 7:38 - Bayun Tipan sa Aytan Mag-Indi

³⁸ Amêsên, sên idi ya bayduy babayi, nagdani ya sa kabukutan Jesus sa danin bitis na. Nanangis ya baydu angga sa napitakan luwa nay bitis Jesus. Kabay pinunis nan sabut nay ati, dinêp nay bitis buy pakanawa nan binulugan pabangi.

Lucas 7:38 Iomraidhean Croise

Mateo 5:4

Pinagpalay mani tawuy sadyay lungkut, tagawan samungun silan Bapan Namalyari.

Lucas 22:62

Kabay nagsalwang si Pedro buy sadyay tangis na.

Lucas 6:21

Pinagpala kaw wa mani layangên amêsên, tagawan mabsuy kaw. Pinagpala kaw wa mani manangis amêsên, tagawan mangkayli kaw.

Lucas 7:37

Sa balayan abitu, dilag gisay babayi ya pikatandan ya asê mangêd da pangababayi. Sên natandan nay mangan si Jesus sa balin Simon, naku ya baydun gêgtan na makamal la pabangi ya idi sa mangêd da pamyanan ya diyag sa batun alabastru.

Lucas 7:39

Si Simon na nanagyat kan Jesus, sên nakitan nay dinyag babayi, nasabi na sa sarili na, “Nu pêtêg propetay tawun ati, tanda na dayi ya asê mangêd da pangababayin nakadukpa kana.”

Juan 11:2

Si Maria, sabay ya namibulug pabangi sa bitis Panginuun buy pamakayari, pinunisan nan sabut na. Amêsên, dilag sakit si Lazaro.

Santiago 4:9

Buun bêkê kaw magsisi sa mani kasalanan yu un dilag panangis. Ya pagsaya yu, sagilyan yun pagmalun buy ya pangkayli yu, sagilyan yun panangis.