Lucas 7:29 - Bayun Tipan sa Aytan Mag-Indi

²⁹ Sên nalêngên mani tawu buy maningil buwis ya pangaral Jesus, sinabi la, “Ustuy pan-ipadyag Bapan Namalyari.” Sinabi lay abiin gawan nagpabawtismu sila kan Juan.

Lucas 7:29 Iomraidhean Croise

Mateo 5:46

Nu kay ya mani mangidu kamuyuy pan-idun yu, ayin kaw matanggap pa gantimpalay ubat kan Bapan Namalyari. Ta abiin êt ta pandaygên mani maningil buwis ya makasalanan.

Lucas 20:6

Nuwa nu sabin tamuy ‘sa tawu’, batwan kitamun mani tawu, gawan maniwala silan propetan Bapan Namalyari si Juan.”

Lucas 3:12

Dilag êt mani maningil buwis ya inlumatêng amên magpabawtismu. Pinatang laya, “Manuru, sabêt ta sêpat yan daygên?”

Lucas 7:28

Sinabi pun êt Jesus, “Pansabin ku kamuyuy ayin tawuy in-anak ya igit pun kan Juan. Nuwa nu sisabêt man na pinakanayêpa sa mani tawuy pag-arian Bapan Namalyari, igit yapun kan Juan.”

Lucas 7:35

Nuwa paraman baydu, mapagpapêtgan na pêtêg ga kabiyasnan Bapan Namalyari sa mani tawuy manunul sa pan-ituru yan.”

Mani Dyag 18:25

Naturwanan ninan aral tungkul sa Panginuun. Buun nakêm yan mangaral buy ustuy pan-ituru na tungkul kan Jesus. Nuwa ya kay tanda na, kay abituy bawtismu ya in-aral Juan.

Mani Dyag 19:3

Namatang si Pablo kalla, “Sa sabêt kaw binawtismuwan?” Nakitbay sila, “Binawtismuwan kay ayun sa inturun Juan.”

Roma 10:3

Ta a la tanda nu parasaantun ituwad Bapan Namalyarin matinêk ka gisay tawu buy nanyag silayna man sarili lan paralan. Kabay a la sinunul la paralan Bapan Namalyari amên ituwad silan matinêk.

Pahayag 15:3

Pan-ikanta lay kantan Moises ya lingkud Bapan Namalyari ya sabay êt ta kantan Biserun Tupa, “Bapan Namalyari ya makapangyarian sa kaganawan, taganan mamakaupapas ya diyag mu! Ari kan kaganawan bansa. Kapêtêgan buy matinêk ka paralan mu.

Pahayag 16:5

Nalêngê kuy sinabin ang-el la mamaala sa lanêm, “Makatuynungan kay Panginuun. Sikay Namalyari sabitun nuna pun buy kay sika êt ta Namalyari angga amêsên. Makatuynungan ka gawan matinêk ka pangatul mu sa mani tawun ati.