Lucas 2:29 - Bayun Tipan sa Aytan Mag-Indi

^29-32 “Panginuun, kay gisa kun maglingkud kamu. Amêsên, naêtêng kinay Mamiligtas ya impangaku mu ya in-il-an mu para sa kaganawan tawu. Sabay ya mam-in sawang sa isip mani alwan Judio, buy siyay mam-in karangalan sa mani Israelita ya pinili mu. Panginuun, kêwên mukina amêsên un dilag kapatêtbêkan, ta natupad day impangaku mu kangku.”

Lucas 2:29 Iomraidhean Croise

Lucas 2:26

Sinabin Ispiritun Bapan Namalyari kanay, “A ka mati anggan a mu makit ta Cristuy impangakun Bapan Namalyari.”

Lucas 2:28

Si Simeon, inampun nay kulaw buy inulimên na si Bapan Namalyari. Sinabi na,

Filipos 1:23

Magmikapakay isip ku sa luwa. Ta pan-isipin kuy labay kina dayin mati ta amên milaku wakina sa lukup Cristu, tagawan ati ya mamangêd.

Pahayag 14:13

Pamakayari, nalêngê kuy tunuy ya ubat sa langit ta magsabi kangkun paradi, “Isulat muy ati. Paubat amêsên, pagpalên na mani tawuy natin manunul sa Panginuun.” Sinabin Ispiritu, “Awya! Pagpalên sila, gawan mipaynawa silayna sa nabyat ta ubra la buy matanggap lay nay gantimpala la sa mani mangangêd da dinyag la.”

Pahayag 6:10

Masnêg lan pansabin, “Panginuun ya Makapangyarian, banal buy tapat, parasaantun kabuyut kay mangêtêng bayu mu parusan buy ablasên ya namati kanyan?”