Juan 9:10 - Bayun Tipan sa Aytan Mag-Indi

¹⁰ Kabay pinatang lay liyaki, “Parasaantu kan nakakit?”

Juan 9:10 Iomraidhean Croise

Marcos 4:27

Pamakayari nan nibulaglag bini, mamabêlêw ya nu yabi buy nu alluy naman, mag-ubra ya. Kabay ya bini ya imbulaglag na, tinumubu buy dinumagul agyan a na tanda nu dakun parasaantu.

Juan 3:9

Namatang si Nicodemo, “Parasaantun malyari ya abitu?”

Juan 6:1

Pamakayarin pesta, nag-udung si Jesus buy mani tagasunul na sa prubinsyan Galilea. Gisay allu, naglipay sila sa lawan Galilea ya pambêgên êt Tiberias.

Juan 9:11

Nakitbay ya, “Ya liyaki ya pambêgên lan Jesus, nanyag yan burak buy impunu nay ati sa mata ku buy sinabi na kangkuy, ‘Maku ka sa pagpaluynan na pambêgên Siloe buy magpulamus ka baydu.’ Kabay naku waku baydu buy nagpulamus. Pamakayari, nakakit takina.”

Juan 9:15

Pinatang nga êt mani Pariseoy manan bulag, “Parasaantu kan nakakit.” Kabay sinabi na, “Pinunwan nan burak ka mata ku. Nagpulamus saku buy pamakayari, nakakit takina.”

Juan 9:21

Nuwa a yan naman tanda nu parasaantu yan makakit amêsên. Buy a yan êt tanda nu sisabêt ta namaiyul kana. Siya tay patangên yu, ta idi yina sa ustuy idad. Makapikitbay yina para sa sarili na.”

Juan 9:26

Kabay pinatang layna êt ta manan bulag, “Sabêt ta dinyag na kamu? Parasaantu nakan pinaiyul?”

Juan 9:9

Sinabin kaatag, “Awya sabay siya yabay.” Nuwa sinabi êt kaatag, “Te! Alwa, kay kalupa nay abitu.” Sinabin bulag, “Sabay sikuy abitu.”

1 Corinto 15:35

Nuwa dilag mamatang, “Parasaantun pabyayên manguman na nangamamati? Sabêt ta kalasin lawini la?”