3 Juan 1:6 - Hen alen Apudyus

⁶ Te inumchahcha ahto hen anchichay nanchag-oh ah faréyyu yag henaphapetcha agé an chàni way cha ma-am-among ahto hen anchi empàilam way layadno an chicha. Wat yachi koma hen cham ekamakaman way manorong hen kaman hichi no mamfiyahicha te yachi chillu hen machayawan Apudyus.

3 Juan 1:6 Iomraidhean Croise

Hen enkaman anchichay 15:29

achiyu issa hen chara ya hen heno way nehnga hen enap-apudyus, ya achiyu agé issa hen anchi naskar way iggay lommayaw hen charana. Ya achiyu agé hòyongon hen faén ahawayu. Ammay no anohanyu way manorad an cha natto. Wat yachi yanggay hen ifagani an chàyu way sosnodni, wat sapay koma ta amma-ammay-ayu amin.”

Hen enkaman anchichay 15:3

Yachi way empaligwat hen anchichay cha omafurot chicha yag enengwacha hen sakopon Fenicia ya Samaria yag chacha haphapetén an chicha hen nanhagongan hen anchichay faén Judio an Apudyus. Wat amchan hen laylayad hen amin anchichay cha omafurot hen nangngarancha an nadchiy chamag.

Hen enkaman anchichay 21:5

Ngém entàénni chillu, te yachiy narpas hen ag-agawni, yag kasen-ani lummigwat. Wat amin hen anchichay ommafurot way uray hen anchichay ahimfafaryancha way hen-ininna, enetnodcha amin chàni anchi penget hen fayfay way iggaw hen papor ah mempaligwatancha an chàni. Yachi yag nampalentomang-ani amin hen tarantag way manluwaru,

eRoma 15:24

Wat hen chà hamham-én, ekat-owén manchag-ohà ahnad Roma hen antoy ayà ad España ta epapastaaw way mansas-aliwa, yag ana-at epaligwat an chàyu way mangentoroy way éméy ad España.

iFilipos 4:14

Ngém saramat paat chillu te chakar hen torongyu hen antoy ligat-o.

eColosas 1:10

Te no yachiyat, kapeletan way iyafiinyu paat ah Apo Jesu Cristu hen antoy atatagguwanyu yag anyu agég enongnong way mangemparaylayad an hiya. Yag no yachi agéat ammaanyu hen chuar way ammay ya matapyatapyan agé hen ma-awatanyu mepanggép an Apudyus.

1 eTesalonica 2:12

Yag empas-épas-émni hen hamhamàyu ya chani agé intugutugun an chàyu way masapor iyafifiintaaw ah Apudyus hen antoy natatagguwantaaw ta ammaantaaw paat hen mangemparaylayad an hiya, te hiya hen namele an chitaaw way mèlam hen mantorayana ya hen machayawana.

Tito 3:13

Ilam ta torongam paat cha Zenas way apogachu an Apolos hen lumigwatancha way mamfiyahi ta wacha koma hen amin way masaporcha.

1 Pedro 2:20

Ngém maid tagu ah machayaw way gapon nanganohana hen napaligatana no tot-oway enammaana hen laweng. Ngém no ammaantaaw hen usto yag cha chitaaw chillu pap-aligatén yag a-annohantaawchi, wat yachi hen mangammayan tot-owa Apudyus an chitaaw.

3 Juan 1:12

Amin way tatagu, wat pahig ammay hen chacha aryén mepanggép an Demetrio. Ya hen manot-owaan hen ka-ammayna, wat hen chana manorachan hen tot-owa. Ya uray chàni, tàchéganni agé hiya, ya innilayu way chàni, tot-owa hen chani aryéaryén.