3 Juan 1:10 - Hen alen Apudyus

¹⁰ Wat no umaliyà, pelet way pafùnagê hen aminay chana enamma-ammaan way annag cha ustan chàni ya chana kapokapoton chàni. Ya kaskasen agé te annag achi cha paghépén hen anchichay sosnod way ommafurot no engwacha ahna. Yag chana agé epawa hen tapena way mangayag an chicha, ya anna agég cha epatpatna way mangemparyaw an chicha ta achicha mìyamong an chàyu.

3 Juan 1:10 Iomraidhean Croise

Lucas 6:22

An-ayu yanggay ammag lomaylayad no agorgoran chàyu hen tatagu ya no achi chàyu ifilang ya no insortuwén chàyu agé ya uray no ekatchéén laweng-ayu, te no yaha hen ma-ammaan an chàyu gapon afurotyu an haén way Pangorowan hen Tatagu,

Juan 9:22

Yaha hen enalen hen anchichay chàcha-arna te émégyatcha hen anchichay anap-apon hen Judio, te chicha, loohcha imfafagga way heno way mangaliyén ah Jesus hen anchi Cristu way empopostan Apudyusat meparyaw way meparyaw hen anchi chacha ma-am-amongan.

Hen enkaman anchichay 1:15

Angkay hen-argawan hen hiyachiy tempo way wacha ménat chi hinggasot ya chuwanporo hen anchichay na-a-among, tommàchég ah Pedro way mantudtuchu

2 eCorinto 13:2

Hen anchi pegwan ummaliyà ahna, winarnengà hen annachay cha fumasor ta etagaycha, te no achicha, sigurachu way anchag machusa hen antoy petlon umaliyà, wat yachin nanwarnengà an chàyu amin. Yag hen antoy kamaichà an chàyu, kasen-o agé warnengan chàyu way achì ségség-angan hen uray heno way cha fumasor.

iGalacia 6:10

Hiyachi, sosnod, hen kawad-antaaw hen antoy lota, antaaw ammag epapate way mangamma hen ammay hen aminay tatagu, kaskasen hen anchichay ifataaw way cha omafurot.

1 Timoteo 5:13

Ya ah awni agé yag anchag epaengha way manlenglengaleng hen chacha am-ammaan way anchag cha i mantarotaronton ah kafaréfaréy. Ya achi yanggay anggaychi, te awniyat yag epaenghacha agé way cha i mankapokapot ya cha i manchangchangar ya cha i manaphapet hen anchi maid fiyangcha.

2 Juan 1:10

Wat hiyachi, no wachay umale an chàyu way sabsafali hen chana itudtuchu, achiyu cha paghépén hiya, ya achiayu amin cha mì-ib-ifun an hiya.

2 Juan 1:12

Chuar koma hen ifagà an hea, ngém naligat no an esorat amin. Wat hen ekat-o, umaliyà koma ahna way i mangila an chàyu ta ammay hen mantatagépfarantaaw way mahaghaggang ta mamapnektaaw amin.

3 Juan 1:3

Anà ammag laylayad hen ummaliyan hen anchichay tapen hen sosnodtaaw way cha omafurot te henaphapetcha way cham epapate way mangchén hen anchi katot-owaan mepanggép an Apudyus way cham torachén.

3 Juan 1:5

Ammag ammay paat hen cham ekamkaman way sonod, te cham mangiliyén hen anchichay sosnodtaaw way cha omafurot way tàén maid innilam an chichéén cham chillu torongan.