Bìoball air-loidhne

Duilleag-dhachaigh
Bìoball air-loidhne
Nả ꞌviạk ꞌchí ꞌchọ pên ók 5:12

Nả ꞌviạk ꞌchí ꞌchọ pên ók 5:12 - Tai Dam

¹² Sau khắp khék sương nháư khửn#ꞌva: ꞌDo ꞌnọi chuốp khả ꞌlẹo ꞌnặn Sôm đáng đảy phép ꞌquiến Đảy ꞌnéo đi quí ꞌpéng ꞌMí ꞌhụ ꞌmí lắc Đảy phép ꞌhéng kheng cả ꞌhung nả ꞌmá ta ꞌchư siêng ꞌhung ꞌhướng Sôm đáng đảy sỏng ꞌnhó.

Faic an caibideil Dèan lethbhreac

dol air ais ⬆

Nả ꞌviạk ꞌchí ꞌchọ pên ók 5:12
19 Iomraidhean Croise

ꞌMặt‑ꞌthai 28:18

Chảu ꞌGiê‑ꞌsu chắng ꞌmá sắng sau#ꞌva, “ꞌQuiến phép ꞌtếng mết nẳng ꞌmướng ꞌphạ ꞌmướng ꞌlum Chảu Pua ꞌPhạ ꞌcọ dao hảư ꞌháu#ꞌlẹo.

Faic an caibideil

Dô‑ꞌhăn 1:29

ꞌMá ꞌmự lăng, ꞌtan Dô‑ꞌhăn hên Chảu ꞌGiê‑ꞌsu ꞌmá#ꞌhọt, ꞌdiến bók ꞌpứng ꞌcốn dú hẳn ꞌhụ#ꞌva, “Bớng#ꞌí, phủ ꞌnị lo pên ꞌsướng tô ꞌdo ꞌnọi Chảu Pua ꞌPhạ sống ꞌmá tháy au báp ꞌsội ꞌcốn ꞌmướng#ꞌlum.

Faic an caibideil

Dô‑ꞌhăn 17:2

ꞌCọ pên ꞌsướng Chảu ꞌPo đảy dao phép ꞌquiến hảư ꞌLụk đu ꞌcốn ꞌtếng#lai, ꞌpưa ꞌLụk ꞌchí au ꞌchua ꞌlới ꞌlới hảư ꞌpứng phủ Chảu ꞌPo dao hảư ꞌLụk#ꞌnặn.

Faic an caibideil

2 Cô‑ꞌlin‑ꞌthô 8:9

ꞌPi ꞌnọng ꞌhụ chắc công ꞌphún ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu#ꞌlẹo, ꞌTan chảu hák ꞌhăng ꞌmí báu#ꞌcợn#săng, ꞌcọ ꞌnhắng ꞌchịu ꞌmá pên ꞌcốn ꞌcặt khó ꞌpưa ꞌpi#ꞌnọng. ꞌTan chảu dón ꞌlống pên ꞌcốn ꞌcặt khó ꞌsướng ꞌnặn ꞌpưa hảư ꞌpi ꞌnọng đảy ꞌnéo đi quí#ꞌpéng.

Faic an caibideil

1 Ti‑ꞌmô‑ꞌthiêu 1:17

So cáo ꞌquám vảy ꞌháu Chảu Pua ꞌPhạ pên pua báu#sút báu#ꞌtún, mẳn ꞌdứn ꞌlới#ꞌlới, ta ꞌháu báu hên ꞌTan#đảy, Chảu Pua ꞌPhạ phủ#điêu. Nả ta ꞌhung ꞌhướng so hảư pên khong ꞌTan chảu ꞌmứa nả ꞌlới#ꞌlới, ꞌa‑ꞌmen.

Faic an caibideil

Nả ꞌviạk ꞌchí ꞌchọ pên ók 1:6

ꞌlẹo ꞌcọ ꞌdệt hảư ꞌsúm ꞌháu pên dên ꞌpay cuông ꞌhôm ꞌngáu ꞌTan#chảu, hảư pên mo vảy ꞌháu ꞌviạk Chảu Pua ꞌPhạ Phủ pên ꞌPo ꞌTan#chảu. Phép nháư ꞌhung ꞌhướng so hảư pên khong Chảu ꞌGiê‑ꞌsu ꞌKha‑ꞌlịt ꞌmứa nả ꞌlới#ꞌlới, ꞌa‑ꞌmen.

Faic an caibideil

Nả ꞌviạk ꞌchí ꞌchọ pên ók 13:8

ꞌChu ꞌcốn ꞌmướng ꞌlum ꞌchí ꞌlạy vảy ꞌháu tô sắt ꞌhại#ꞌnặn. ꞌMí ꞌto ꞌpứng ꞌcốn ꞌmí ꞌchư đảy tẻm ꞌvạy té có sảng phén đin ꞌmướng ꞌlum nẳng ꞌpặp sổ ꞌmí ꞌchua ꞌlới#ꞌlới, ꞌmen ꞌpặp sổ khong ꞌDo ꞌnọi Chảu Pua ꞌPhạ phủ chuốp khả#ꞌlẹo, ꞌpứng ꞌcốn ꞌnặn chắng ꞌchí báu#ꞌlạy tô sắt#ꞌhại.

Faic an caibideil

Nả ꞌviạk ꞌchí ꞌchọ pên ók 15:3

Sau au căn khắp ꞌvái pú ꞌMô‑ꞌsê phủ ꞌkhớng nả ꞌviạk Chảu Pua ꞌPhạ ꞌnặn kéng ꞌvái ꞌDo ꞌnọi Chảu Pua ꞌPhạ lỏ#ꞌva: ꞌChiếng Chảu Pua ꞌPhạ pên Chảu Chom ꞌmí phép nháư ꞌquiến luông ꞌsứa mết ꞌViạk ꞌTan sảng nháư luông lả ꞌngám ꞌTan pên pua téng đa ꞌchu ꞌphắn ꞌcốn ꞌLuống ꞌtáng ꞌTan pên đi ꞌmí ꞌmen.

Faic an caibideil

Nả ꞌviạk ꞌchí ꞌchọ pên ók 19:1

Lăng ꞌpứng nả ꞌviạk ꞌnặn khỏi đảy ꞌnghín sương#ꞌnắn, ꞌsướng sương ế lai ꞌcốn dú cá ꞌmướng ꞌphạ khék khửn#ꞌva: ꞌA‑ꞌlê‑ꞌlu‑da ꞌViạk khói sia báp ꞌsội ꞌChư siêng ꞌhung ꞌhướng Phép nháư ꞌquiến luông Pên khong Chảu Pua ꞌPhạ Chảu Chom ꞌsúm ꞌháu.

Faic an caibideil

Nả ꞌviạk ꞌchí ꞌchọ pên ók 4:11

ꞌChiếng Chảu Pua ꞌPhạ phủ pên Chảu Chom ꞌTan chảu sôm đáng đảy ꞌhung ꞌhướng ꞌMí ꞌhung nả ꞌmí ta ꞌtếng#cá phép ꞌhéng kheng cả ꞌDọn ꞌva ꞌTan chảu sảng téng ꞌchu sính ꞌchu ꞌnéo chắng ꞌmí#ók, hảư ꞌmí ꞌchua ꞌlới dú ꞌtoi ꞌluống chaư ꞌTan#chảu.

Faic an caibideil

Nả ꞌviạk ꞌchí ꞌchọ pên ók 5:13

ꞌLẹo khỏi đảy ꞌnghín sương ꞌchu ꞌnéo Chảu Pua ꞌPhạ sảng téng#ꞌnặn, báu#ꞌva cá ꞌmướng#ꞌphạ, ꞌtếng#đin, cỏng#đin, ꞌnặm#bể, ꞌchu sính ꞌchu ꞌnéo dú hẳn khắp#ꞌva: ꞌQuám sỏng ꞌnhó ꞌhung nả ꞌmá ta ꞌchư siêng ꞌhung ꞌhướng phép nháư ꞌquiến ꞌluông So hảư pên khong ꞌTan phủ ꞌnăng ꞌtến ꞌtếng ꞌDo ꞌnọi ꞌmứa nả ꞌlới ꞌlới.

Faic an caibideil

Nả ꞌviạk ꞌchí ꞌchọ pên ók 5:6

Khỏi ꞌcọ ꞌlé hên ꞌDo ꞌnọi tô#ꞌnưng dưn dú cang ꞌchơng ꞌtến#luông, sí tô sắt ꞌmí ꞌlới dú kéng mốt thảu#ké. ꞌDo ꞌnọi Chảu Pua ꞌPhạ ꞌnặn bớng ꞌsướng chuốp#khả. ꞌDo ꞌnọi ꞌmí chết#khau, ꞌmí chết#ta, ꞌnặn lỏ#ꞌmen chết khuôn ꞌtếng#cá mết Chảu Pua ꞌPhạ đảy sống ꞌlống ꞌmá ꞌtua phén đin ꞌmướng#ꞌlum.

Faic an caibideil

Nả ꞌviạk ꞌchí ꞌchọ pên ók 5:8

ꞌMưa khắm au#ꞌlẹo, sí tô sắt ꞌmí ꞌlới dú ꞌtếng#cá ꞌsáo sí thảu ké ꞌnặn ꞌdiến au căn múp ꞌlống ꞌlạy tó nả ꞌDo#ꞌnọi. Mỏi ꞌcốn phaư ꞌcọ khắm khẳng tính#ꞌnưng kéng thuổi ꞌcắm ꞌmí hương hom têm#dú, ꞌnặn lỏ ꞌmen ꞌquám dên ꞌpay đé so Chảu Pua#ꞌPhạ.

Faic an caibideil

Nả ꞌviạk ꞌchí ꞌchọ pên ók 5:9

Sau đảy au căn khắp ꞌvái máư sỏng ꞌnhó ꞌDo ꞌnọi#ꞌva: ꞌTan chảu sôm đáng au baư sư ꞌhắm đảy ꞌTếng kít khay ꞌpứng dáu ꞌmắn#ók ꞌPưa ꞌva ꞌTan chảu chuốp khả tai ꞌDọn ꞌlượt lay ók chắng tháy au ꞌcốn ꞌtếng#cá Mết ꞌchu ꞌhọ#ꞌháng, ꞌchu ꞌnéo pák#ꞌvạu, ꞌchu ꞌchựa#sai, ꞌchu ꞌphắn#ꞌcốn, ꞌmá pên dên ꞌpay Chảu Pua#ꞌPhạ.

Faic an caibideil

Nả ꞌviạk ꞌchí ꞌchọ pên ók 6:1

ꞌLẹo khỏi đảy hên ꞌDo ꞌnọi Chảu Pua ꞌPhạ kít dáu thứ#ꞌnưng cuông chết#dáu. ꞌChớ ꞌnặn khỏi đảy ꞌnghín tô#ꞌnưng cuông sí tô sắt ꞌmí ꞌlới dú ꞌnặn pák sương ꞌhéng ꞌcơ ꞌphạ phẻ#ꞌva, “ꞌMá#ꞌí.”

Faic an caibideil

Nả ꞌviạk ꞌchí ꞌchọ pên ók 7:12

“ꞌA‑ꞌmen. ꞌViạk sỏng ꞌnhó, ꞌchư siêng ꞌhung#ꞌhướng, ꞌmí ꞌhụ ꞌmí#lắc, ꞌquám đảy#ꞌdọn, ꞌhung nả ꞌmá#ta, phép nháư ꞌquiến#luông, phép ꞌhéng kheng#cả, so hảư pên khong Chảu Pua ꞌPhạ Chảu Chom ꞌsúm ꞌháu ꞌmứa nả ꞌlới#ꞌlới, ꞌa‑ꞌmen.”

Faic an caibideil

Lean sinn:

Ceanglaichean taic

Sanasan

Sanasan