Tite 1:8 - Nyanmien nde Ufle

⁸ Sannge mon o yô swran b'o ti aklunyéfue, b'o klô sa ng'o ti kpa'n, b'o yô sa i nuan su, b'o ti swran kpa, b'o ti Nyanmien lie mlonmlon, b'o si i bobo wun su nian.

NYANMIƐN NDƐ'N 1998

⁸ Sanngɛ man ɔ yo sran b'ɔ ti aklunyefuɛ, b'ɔ klo sa ng'ɔ ti kpa'n, b'ɔ yo sa i nuan su'n, b'ɔ ti sran kpa, b'ɔ ti Nyanmiɛn liɛ mlɔnmlɔn, b'ɔ si i bɔbɔ wun su nian.

Tite 1:8 Iomraidhean Croise

JÉSUS-CHRIST I DYASIN FE'N BO LUC KLELI'N 2:25

Ke oh yôh so'n, bian kun ô Jérusalem, bé flee Siméon. Bian so'n ti swran nanwlefue, o srô Nyanmien kpa. O minnde Israël i wla tyityile'n, ye Nyanmien Wawe'n ye o sié io.

Sa nga bé yôli'n 24:25

Sannge ke Paul su kan nanwle dile'n nin bé wun su nianle'n nin dyole dile b'o wa ba'n bé nde'n, sre kunnin Félix, nan wa sé ke: Nde lie'n ko, se n nyan n tio, tyen ufle n kô fle o.

1 Tɛsalonikfuɛ Mun 2:10

Amun nin Nyanmien an ti é lalôfue ke sa nga é yô man amun bo an lafi Christ su'n, o ti kpa, o ti i nuan su, o man bé kwla satyi'a é wun.

1 Timote 3:2

Sannge i so swran lie'n, mon o yô swran bo bé kwla satyi'e i wun kaan sa, bo i yi ti kun, b'o nien i wun su kpa, b'o si ngwlele, b'o yô sa i nuen su, b'o ti aklunyéfue, b'o si liké klé.

1 Timote 4:12

Ke bo a ti gbanflen kaan'n ti, nanh yô man swran fi yô o finfin, sannge yô sa ng'o ti kpa'n, man bé nga bé lafi Christ su'n bé nian su yô, o idyole nun ô, o nzuen'n nun ô, o swran klôle nun ô, o Nyanmien sulafile nun ô, o nin sa te bo a yôman nin ô.

1 Timote 6:11

Sannge o bo a ti Nyanmien i swran'n, nanh fo o wun wle ninngé so'm bé yôle nun. Mion o nyin yô sa ng'o ti kpa'n, fo o wun mantan Nyanmien, lafi i su, klô Nyanmien nin swran, tro o awlen, yô weteefue.

2 Timote 2:22

Nanh bu liké nga gbanflen kônvi soe'n i akunndan, sannge a nin bé kwlaa nga sa te nu'an bé awlen'n nun bo bé bô fle é Min'n, anh mian amun nyin anh yô sa ng'o ti kpa'n, anh lafi Nyanmien su, anh klô Nyanmien nin swran, ye man amun wla gua asé.

2 Timote 3:3

bé su klô'a swran, bé yô bé saa bé su yatyi tyeman, béh dih abla, bé su si'a bé wun su nian, béh yôh wle, béh kpoh swran kpa mun,

Tite 2:7

Sa'n kwlaa nun o bobo yô sa ng'o ti kpa'n, man bé nian o lie'n su yô. Liké nga a klé'n, kléé kpa, nanh fa yô aôwi.

1 Jean 3:14

É si ke ya nyan é ti wié'n sa nun, ya nyan nguan, yele ke é klô é niaan mun. Swran ng'o klô'a swran'n, wuun o te ô wié'n sa nun.

1 Jean 5:1

Swran kwlaa ng'o lafi su ke Jésus ti Christ'n (*f1*), wuun o ti Nyanmien wa. Swran nga bé klôé'n, bé klôé nin i wa'n.