Tite 1:4 - Nyanmien nde Ufle

⁴ O man nh kleh fluwa nga ble o Tite bo a ti n wa sakpa'n, yele ke é nnyon'n Nyanmien kunngba'n su ye é lafio. Man é Si Nyanmien nin é Défue Christ-Jésus be man a nyan yé, ye man o wun dyo o fouun!

NYANMIƐN NDƐ'N 1998

⁴ Ɔ man n ´klɛ fluwa nga blɛ wɔ Tit bɔ a ti ń wa sakpa'n, yɛlɛ kɛ Nyanmiɛn kunngba'n su yɛ e nnyɔn'n e lafi-ɔ. Man e Si Nyanmiɛn nin e Defuɛ Krist-Jésus be man a nyan ye, yɛ man ɔ́ wun jɔ wɔ fɔuun !

Tite 1:4 Iomraidhean Croise

JÉSUS-CHRIST I DYASIN FE'N BO LUC KLELI'N 2:11

Yele ke ndeken David klo lo ba wu Défue kun ba man amun b'o ti Christ (*f1*), o ti é Min.

Jean 4:42

ye bé sé bla'n ke: Nanh nde nga a kannin'n ngunmin ti ye ya lafi i suo, afin ya ti i bobo nuan nun nde, o man é si ke o ti men'n i Ti Défue sakpa.

Rɔmfuɛ Mun 1:12

Se n dyu amun wun lo bo é wla é wun fanngan Nyanmien su bo é lafi'n ti'n, oh yôh n fe dan.

Rɔmfuɛ Mun 1:7

Nh fah fluwa nga ble amun bo an wô Rome lo bo Nyanmien klô amun b'o fle amun ke an katyi i lie mlonmlon'n. Man é Si Nyanmien nin é Min Jésus-Christ bé man an nyan yé, ye man amun wun dyo amun fouun!

2 Korɛntfuɛ Mun 12:18

N sree Tite ke o o amun wun lo ye n séé é niaan'n ke o kô sunmen. ?O déli liké amun sa nun? ?Min nin i é akunndan'n ti'a kun? ?Nanh min adyale kunngba'n su ye o falio?

2 Korɛntfuɛ Mun 2:13

sannge o nin i so'n ngba, ke man tô'a n niaan Tite le'n, n wla a gua'a asé, nan man sre bé atin man o Macédoine.

2 Korɛntfuɛ Mun 4:13

Bé klee Nyanmien Nde'n nun ke: «N lafi Nyanmien su, i ti ye man n kannion.» É kusu, ke é le awlen kunngba so'n bo é fa lafi i su'n, i so'n ti ye é kaan.

2 Korɛntfuɛ Mun 7:6

Sannge Nyanmien b'o tyityi bé bo bé wla bô'n bé wla'n, o man ke Tite bali'n, o wa gua é awlen su nzué.

2 Korɛntfuɛ Mun 8:16

Nyanmien Kpli kwla ô! Afin o man amun nde lô Tite kusu.

2 Korɛntfuɛ Mun 8:23

Tite lie'n, o ti n wiéngu bo é nin i é di dyunman man amun, sannge é niaan ng'o nin bé ko'n bé lie'n, asonun mun ye bé sunmaan béo. Bé man Christ nyan nyrun.

2 Korɛntfuɛ Mun 8:6

O man é sree Tite b'o bôô dyunman so'n bô amun wun lo'n, ke o kô uka amun nan an guagua nennen dile so'n bô.

Galasifuɛ Mun 2:3

Tite b'o ti n sunmanfue'n, o ti Grec ba, sannge ba mienmen ke o wla klen.

Galasifuɛ Mun 3:26

Afin Christ-Jésus bo an lafi i su'n ti, amun kwlaa an ti Nyanmien wa.

Galasifuɛ Mun 3:28

O man o le'a Juif nin Grec, o le'a kanga nin diéwa, o le'a yasua nin bla, afin amun kwlaa an ti kun, swran wunmuan bo amun nin Christ-Jésus amuan katyi'n ti.

Efɛzfuɛ Mun 1:2

Man é Si Nyanmien nin é Min Jésus-Christ bé man an nyan yé, ye man amun wun dyo amun fouun!

Kolɔsfuɛ Mun 1:2

éh kleh fluwa nga ble amun bo an ti Nyanmien swran kpa bo an ti é niaan swran wunmuan bo é nin Christ ti'n ti, bo an wô Colosses lo'n. Man é Si Nyanmien man an nyan yé, ye man amun wun dyo amun fouun!

1 Timote 1:12

N la é Min Christ-Jésus b'o wlaa n fanngan'n i asé, afin m bo laa n satyi i dunman, n klé i yale, n kpe i nzôwa'n, o buu n swran, o fa min wle i dyunman'n nun. Nyanmien si min aunnvue, afin sa wle bo n wunmen'n nin i su bo n lafiman'n ti ye n yôô soo.

2 Timote 1:1

M Paul bo Nyanmien waan Christ-Jésus sunman min'n, nh kleh fluwa nga ble o Timothée bo a ti min awlen su ba'n. Christ-Jésus sunmaan min ke n kan nguan nga Nyanmien waan oh fah man bé nga bé nin Christ ba katyi swran wunmuan'n i nde. Man é Si Nyanmien nin é Min Christ-Jésus bé man a nyan yé, man bé si wo aunnvue, ye man o wun dyo o fouun!

2 Timote 4:10

afin men'n nun ninngé bo Démas klô bé'n bé ti wa wanndi min a o Thessalonique. Crescens kusu wa o Galatie, Tite a o Dalmatie.

Tite 1:3

Ke ble ng'o siéli'n dyuli'n, o yii i nde so'n nglô. É Défue Nyanmien'n ye o fa nde so'n wlaa n sa nun ke n kaan.

Tite 2:13

É yô so nan é minnde tyen kpa nga é wla ô su ke é Nyanmien Kpli'n nin é Défue Christ-Jésus bé wa yi bé wun nglô'n.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

2 Piɛr 1:11

I so'n nun ye é Min Jésus-Christ b'o ti é Défue'n, oh soh amun nun kpa, ye oh fah amun wle i swran ng'o sié bé titi'n bé nuon.

2 Piɛr 2:20

Afin swran nga bé si é Min Jésus-Christ é Défue'n, b'o man bé yatyi sa nga bé yôo bé satyi'n, se bé sa bé sin kô fa sa so'n katyi bé dyunman ékun'n, bé satyile kasien lie'n, oh yôh te tra klikli lie'n.

2 Piɛr 3:18

Ye bo é Min'n b'o ti é Défue'n yô amun'n ti, man bé wun ke amuan yô swran, amun nin i tran, nan amuan sii kpa. Ke o fin nde'n, man bé yi i aye tititi. Mon o yô so!

2 Piɛr 3:2

Anh bu nde nga Nyanmien nuan idyofue'm bé kan kléé amun laa'n, o nin sa nga é Min b'o ti é Défue'n séé ke é yô'n, bo bé nga o sunmaan bé amun sin'n, bé kan kléé amun'n, i akunndan.

1 Jean 5:14

Anh nian sa nga ti ye é wla'n wô Nyanmien su dan'n, é si ke liké kwla nga é sree'n, b'o ti i klun su'n, oh manh é.

Jude 1:3

N swran kpa mun, ke n waan nh kleh ti nyanle bo é nin amun é nyenniin'n i nde ble amun'n, n wuun ke, se n kle amun fluwa nan n wla amun fanngan ke an dyran Christ sulafile nde'n su'n, o ti kpa. Nyanmien man bé kan nde so'n kléé i swran mun kpe kunngba tye.