Matthieu 9:13 - Nyanmien nde Ufle

¹³ Anh wo kô bu nde nga bé kan sé ke: «Bé wun aunnvue sile'n yô n fe tra n sole'n» i akunndan, amunh wunh i wle, afin man ba'a nanwlefue'm bé flele, sannge sa tete yôfue mun ye m baa bé fleleo.

NYANMIƐN NDƐ'N 1998

¹³ An `wɔ ko bu ndɛ ng'ɔ o yɛ'n i akunndan nan amun wun i wlɛ. Ndɛ sɔ'n yɛlɛ kɛ: ‹Afin n klo aunnvuɛ nga be si sran'n tra tɛ nga be yi be man min'n› afin m'an ba-man sran kpa'm be flɛlɛ, sanngɛ sa tɛtɛ yofuɛ mun yɛ m bali be flɛlɛ-ɔ .»

Matthieu 9:13 Iomraidhean Croise

Matthieu 12:3

Sannge Jésus usaa bé ke: ?Ke awé kuun David nin i minnien mun'n, liké ng'o yôli'n, an nian kennge'en lé?

Matthieu 12:5

?Ye ke Nyanmien nyrun dyranfue'm bé satyi sabbat'n titi Nyanmien sua dan'n nun bo bé bu'e i ke bé yô sa te'n, an nian kennge'en mmla'n nun lé?

Matthieu 12:7

Se o ti ke an si nde nga bé kan sé ke: «Bé wun aunnvue sile'n yô n fe tra n sole'n» i bô'n, wuun an bu'a swran nga ba di'a fo'n bé fo.

Matthieu 19:4

O sé bé ke: Ke Nyanmien yih swran'n, o yii yasua nin bla, nan wa sé ke: «I so'n ti ye man yasua kpatyi i si nin i nin, ye o fe i wun menten i yi, ye bé nnyon'n bé katyi swran wunmuan nion.» ?An nian kennge'en lé?

Matthieu 21:42

Jésus usa bé ke: ?Nde nga bé klelii ke: «Yebue nga sua kplanfue'm bé yii blô'n, I ye wa katyi yebue kpa b'o tra sua'n i tyondyo'n i asé'n, I so'n fin é Min Nyanmien ye ke é wuin'n, o bô é nuan'n.» an nian kennge'en lé?

Matthieu 3:2

O sé bé ke: Anh katyi amun nzuen'n, afin Nyanmien i siéle ble'n wa mantan.

Matthieu 3:8

I so'n ti, anh yô sa kpa b'o klé ke amuan katyi amun nzuen'n, ke waka kpa su mma kpa'n sa.

Matthieu 4:17

Ke o fin le'n, Jésus bôô Nyanmien nde kanle'n bô, o sé ke: Anh katyi amun nzuen'n, afin Nyanmien i siéle ble'n wa mantan.

Marc 12:26

?Bé nga bé wuli bé tyenle'n i wun nde lie'n, amuan kannga'an Moïse i fluwa'n b'o kle waka kpuye'n i wun nde'n nun'n i nun lé? O klee ke: «N ti Abraham, nin Isaac, nin Jacob bé Nyanmien.»

Marc 12:33

Ye ke bé klôé kpa, bo bé fa bé wla'n kwlaa gue i su, bo bé akunndan'n kwlaa tren i su, bo bé fa bé wunmien'n kwlaa yô liké ng'o klé ke bé klôé'n, bo bé klô be wiéngu ke bé bobo sa'n, i so'n ti kpa tra te nnen kwlaa nga bé yre'n, nin liké kwlaa nga bé fa man Nyanmien'n.

Marc 2:17

Ke Jésus tii nde nga bé kan'n, o sé bé ke: Nanh swran ng'o ti dyuédyué'n ye o ko ayréfue sion, tukpatyefue te o koo. Man ba'a nanwlefue'm bé flele, sa tete yôfue mun ye m baa bé fleleo.

JÉSUS-CHRIST I DYASIN FE'N BO LUC KLELI'N 10:26

Jésus use i ke: ?Bé klelii se mmla fluwa'n nun? ?Ye ke a kanngan'n, o sé se?

JÉSUS-CHRIST I DYASIN FE'N BO LUC KLELI'N 19:10

afin m bo n katyii Swran'n m baa bé bo bé mlinnin'n bé kunndele o nin bé déle.

JÉSUS-CHRIST I DYASIN FE'N BO LUC KLELI'N 24:47

Ye i dunman nun béh kanh klé nvlénvlé'n kwlaa ke bé katyi bé nzuen'n, nan Nyanmien yatyi sa nga bé yôlii'n tye bé. Béh bôh i kanle'n bô Jérusalem wa.

JÉSUS-CHRIST I DYASIN FE'N BO LUC KLELI'N 5:31

Jésus so su, o sé bé ke: Swran ng'o ti dyuédyué'n o koman ayréfue sin, san tukpatyefue ye o koo.

JÉSUS-CHRIST I DYASIN FE'N BO LUC KLELI'N 5:32

Man baman nanwlefue'm bé flele, sa tete yôfue mun ye m baa bé fleleo, nan bé katyi bé nzuen'n.

Jean 10:34

Jésus sé bé ke: ?Ba kle'e amun mmla'n nun ke Nyanmien sé ke: «An ti ke Nyanmien sa.»?

Sa nga bé yôli'n 11:18

Ke bé tii nde so'n, o man bé too nun, ye bé yi Nyanmien aye, bé sé ke: Se o ti so'n, wuun Nyanmien man bé bo bé ti'a Juif'n bé kusu ba katyi bé nzuen'n nan bé nyan nguan wié.

Sa nga bé yôli'n 2:38

Ye Pierre séé bé ke: Anh katyi amun nzuen'n man bé yô amun kwlakwlakwla amun baptême Jésus-Christ dunman nun, man Nyanmien yatyi sa nga an yôlii'n tye amun, ye o fe i Wawe'n man amun.

Sa nga bé yôli'n 20:21

N kan kléé Juif nin Grec mun ke bé yatyi nyin kéklé yôle'n Nyanmien su nan bé nyin yii, ye bé lafi é Min Jésus su.

Sa nga bé yôli'n 3:19

O man anh katyi amun nzuen'n, ye anh sa amun sin Nyanmien wun, man o yatyi sa nga an yôlii'n tye amun mlonmlonmlon, nan ble ng'o ba lo'n é Min Nyanmien'n o man amun wla gua asé,

Sa nga bé yôli'n 5:31

Nyanmien fe siéé i fama su ke o yô é Atin Kléfue nin é Ti Défue, o man Israël'm bé kwla katyi bé nzuen'n, nan Nyanmien yatyi sa nga bé yôlii'n tye bé.

2 Piɛr 3:9

Liké nga é Min'n sé ke oh yôh'n, o tyuentyue'en i asé ke swran'm bé bu'n sa. Sannge o tre i awlen amun wun, o klô'a ke swran kun sa mlin, o klô ke swran'n kwlaa bé katyi bé nzuen'n.