Matthieu 8:4 - Nyanmien nde Ufle

⁴ Ye Jésus sé i ke: Man sa so'n tran o klun, nanh kan klé swran fi, sannge fo o wun kô klé Nyanmien nyrun dyranfue'n, nan fo o wun asô bôle liké nga Moïse kléli'n fa man, man bé wun ke w'a yô dyuédyué

NYANMIƐN NDƐ'N 1998

⁴ Yɛ Jésus seli i kɛ: «Man sa sɔ'n tran ɔ klun, nán kan kle sran fi, sanngɛ fa ɔ́ wun ko kle Nyanmiɛn nyrun jranfuɛ'n, nan fa ɔ́ wun aso bolɛ like nga Moiz kleli'n fa man, man be wun kɛ w'a yo juejue .»

Matthieu 8:4 Iomraidhean Croise

Matthieu 10:18

Béh fah amun ko bé bo bé sié men'n nin famien'm bé dyasu min ti nan an kan min nde klé bé nin bé bo bé ti'a Juif'n.

Matthieu 16:20

Ye o wle i sonnzonfue'm bé su nun kpa ke, nanh man bé kan klé swran fi ke o ti Christ.

Matthieu 17:9

Ke bé fin ôka'n su lo béh dyrah'n, Jésus wlaa bé su nun kpa ke, nanh man bé kan liké nga bé wunniin'n klé swran fi, lélé sen i b'o katyii Swran'n wa wu wa tyen.

Matthieu 3:15

Jésus séé ke: Yatyi, yô nde lie'n afin o ti i nuan su ke é yô sa kwlaa ng'o ti Nyanmien klun su'n. Ye Jean yôlio.

Matthieu 5:17

Nanh an bu i ke m baa moïse mmla'n nin Nyanmien nuan idyofue'm bé nde'n bé su nunnunle, bé nun yiyile ye m balio.

Matthieu 6:1

Anh nian amun wun ke nanh an yô amun sa kpa bo Nyanmien sule'n ti ye an yô'n, swran'm bé ti. Se an yô so'n, an su nya'an liké fi amun Si b'o ô nyanmien su lo'n i sa nun.

Matthieu 9:30

Ye bé wuun aséo. Jésus wlaa bé su nun kpa ke, nanh man bé kan nde so'n klé swran fi.

Marc 13:9

Anh sasa amun wun, afin bé wa fa amun man dyole difue mun, béh bôh amun Nyanmien sua'm bé nun. Ke o yô nan amuan kan min nde a klé kpenngben nin famien mun'n, min ti béh fah amun ko bé dyasu.

Marc 3:12

Sannge o wla bé su nun kpa ke nanh man bé te i dunman'n nglô.

Marc 5:43

Jésus wlaa bé su nun kpa ke nanh man fi ti sa so'n, ye o sé bé ke bé man talua'n i liké mon o di.

Marc 6:11

Se an dyu lika wié nan ba siké'a amun, bo bé tié'a amun nde'n, ke amunh tuh an bô klo so'n su'n, anh kpukpu amun dya wun ndutré'n gue klo so'n su, mon o yô amun lalôfue.

Marc 7:36

Jésus wlaa bé su nun kpa ke nanh man bé kan nde so'n klé swran fi, sannge ke o wlaa bé su nun so'n, i li bo ye o klé bé ke bé kaan.

Marc 8:30

Jésus wlaa bé su nun kpa ke nanh man bé ken i nde klé swran fi.

Marc 9:9

Ke bé fin ôka'n su lo béh dyrah'n, Jésus wlaa bé su nun kpa ke, nanh man bé kan liké nga bé wunniin'n klé swran fi, lélé san i b'o katyii Swran'n wa wu wa tyen.

JÉSUS-CHRIST I DYASIN FE'N BO LUC KLELI'N 17:14

Ke Jésus wuun bé'n, o sé bé ke: Anh fa amun wun kô klé Nyanmien nyrun dyranfue mun. Ke béh koh'n, kpekuun bé wun a sa.

JÉSUS-CHRIST I DYASIN FE'N BO LUC KLELI'N 21:13

Ke béh yôh amun so'n, o man amunh kwlah kan min nde'n klé bé.

JÉSUS-CHRIST I DYASIN FE'N BO LUC KLELI'N 4:41

Asie usu'm bé kusu bé dyaô swran kpanngban bé su, bé kpan kéklé, bé sé ke: A ti Nyanmien Wa. Sannge o idyoo bé, o sé bé ke, nanh man bé idyo, afin bé si ke o ti Christ (*f1*).

JÉSUS-CHRIST I DYASIN FE'N BO LUC KLELI'N 5:14

Ye o wle i su nun kpa ke, nonh o kan sa so'n klé swran fi, sannge o fe i wun kô klé Nyanmien nyrun dyranfue'n, ye o fe i wun asô bôle liké bo Moïse kléli'n, fa man, man bé wun ke wa yô dyuédyué.

JÉSUS-CHRIST I DYASIN FE'N BO LUC KLELI'N 8:56

Ba'n i si nin i nin bé nuan bôô bé wun, ye Jésus wla bé su nun kpa ke, nanh man bé kan sa so'n klé swran fi.

JÉSUS-CHRIST I DYASIN FE'N BO LUC KLELI'N 9:21

Jésus wlaa bé su nun kpa ke nanh man bé ken i so klé swran fi.

Jean 5:41

N kunnde'a ke swran bô n dunman.

Jean 7:18

Swran ng'o kpe i bobo klun ké liké'n, o kunnde i bobo dunman. Sannge swran ng'o kunnde ke swran ng'o sunmenniin'n nyan dunman'n, o ti swran kpa, sa te kaan sa bo'en i wun.

Jean 8:50

N lie'n, m bobo n kunnde'a n dunman, swran kun ye man n nyan dunmaan, i ye oh kpeh é nuon.