Matthieu 7:15 - Nyanmien nde Ufle

¹⁵ Anh sasa amun wun bé nga bé ton bé wun suen ke bé ti Nyanmien nuan idyofue'n bé lika. Bé fa bua kplô wla bé wun, bé ba amun wun, sannge bé ti gbôklô bé satyi nnen mun.

NYANMIƐN NDƐ'N 1998

¹⁵ «An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

Matthieu 7:15 Iomraidhean Croise

Matthieu 10:17

Anh sasa amun wun swran'm bé lika, afin bé wa fa amun ko dyole difue'm bé dyasu, béh bôh amun nin ngblé bé Nyanmien sua'm bé nun.

Matthieu 16:11

?Ke n kan kléé amun ke an nian amun wun Pharisifue nin Sadducéfue'm bé kpaun ayré'n i lika'n, o yô se ti ye amuan wu'en i wle ke, nanh kpaun nde ye n kan kléé amuon?

Matthieu 16:6

Jésus sé bé ke: Anh nian amun wun kpa Pharisifue nin Sadducéfue'm bé kpaun ayré'n i lika.

Matthieu 24:11

Swran kpanngban bo bé ton bé wun suen ke bé ti Nyanmien nuan idyofue'n, bé wa dyaô laka swran kpanngban.

Matthieu 7:14

Sannge anuan nin atin nga bé sin nun bé nyan nguan'n bé ti kaan, ye bé nga bé kunnde bé wuin'n, ba sonman.

JÉSUS-CHRIST I DYASIN FE'N BO LUC KLELI'N 12:15

I sin o sé bé ke: Anh nian amun wun kpa kônvi kpli yôle'n i lika, afin man swran nyen i wun, o nyen i wun see… nanh ninngé so mun ye bé men i nguaan.

JÉSUS-CHRIST I DYASIN FE'N BO LUC KLELI'N 6:26

Ke swran'n kwlaa béh bôh amun dunman kpa'n, an yakô, afin ke bé nannan'm bé bôô bé bo bé ton bé wun suen ke bé ti Nyanmien nuan idyofue'n, bé dunman soo!

Jean 10:12

Sannge bua sunianfue'n b'o ti'a bua tafue, bo bua'm bé ti'e i lie'n, ke o wun ke gbôklô'n su ba'n, o katyi b éwanndi. Gbôklô'n wa wlu bé nun, kpekuun ba bô a sanndi.

Sa nga bé yôli'n 13:40

I so'n ti, anh sasa amun wun, nanh man sa nga bé kleli i nde Nyanmien nuan idyofue'm bé fluwa'n nun'n o to amun su, bé klee ke:

Sa nga bé yôli'n 13:6

Ke bé kpee men so'n bo nzué sin yie'n, bo bé dyuu Paphos'n, bé tôô atre yifue kun bo bé flee Bar-Jésus'n lo. O ti Juif, o ton i wun suen ke o ti Nyanmien nuan idofue.

Galasifuɛ Mun 2:4

San bé nga bé ton bé wun suen ke bé ti é niaan'n, bé ye bé klô ke o yô soo. Bé wluu é nun blelelele ke béh kplah é nian é ti bo é bo é nin Christ-Jésus ya katyi swran wunmuan'n ya nyen'n ti, nan béh fah é wla kanga'n nun.

Efɛzfuɛ Mun 4:14

Ke o kô yô so'n, é ti'a ba kaan kun bo é fa atô nde kwlaa nga swran'm bé gble'n ti bé ken ke bé fa lakalaka swran mun'n su, b'o man é ko wa ko wa ke mméli bo aunngban'n fe ko wa ko wa'n sa.

Efɛzfuɛ Mun 5:6

Nanh man swran fi fa nde ngben wié laka amun, afin sa so'm bé ti ye Nyanmien i ya'n o wa dyaô bé bo bé nyin yimen'n bé su nion.

Filipfuɛ Mun 3:2

Anh sasa amun wun bé bo bé ti ke alua sa, bo bé yô sa tete, bo bé wla klen bé kplô'n su ngben'n bé lika.

Kolɔsfuɛ Mun 2:8

Anh sasa amun wun, nanh man swran fi fe i sa ng'o si'n nin sa ngben wié fa laka amun, o nyan amun. Sa so'm bé fin lalafue'm bé nzuen'n, nin ninngé nga é nannan'm bé klé'n, bé fi'an Christ.

2 Timote 3:13

Sannge swran nga bé klun yô wi bo bé ti gblefue'n, bé sa te nga bé yô'n i te'n oh trah laa lie'n, béh lakah swran mun ye béh lakah bé bobo bé wun.

2 Timote 4:3

Afin tyen wié swran'm bé su fa'a nde nanwle'n su kun, béh yôh sa ng'o yô bé bobo bé fe'n, ye béh kunndeh swran kpanngban kpa ke bé klé bé liké ng'o yô bé fe'n.

2 Piɛr 3:17

Sannge amun bo an ti n swran kpa, bo an si so laa'n, anh nian amun wun, nan amuan su'a swran tete bo bé yô sa b'o ti'e i su'n bé su, nan amun ta a kpoman.

1 Jean 4:1

N swran kpa mun, nanh an lafi bé nga bé sé ke bé idyo Nyanmien Wawe'n nuan'n, bé ngba su, anh sa bé nian, se bé idyo Nyanmien nuan sakpa ô, annze se liké wié ye bé idyo i nuan ô. Afin bé nga bé ton bé wun suen ke bé ti Nyanmien nuan idyofue'n, bé kpanngban kpa ba ba men'n nun.

Jude 1:4

Afin swran wié mun bo bé srô'a Nyanmien'n ba'a wlu é nun blelele. Bé fa yé nga Nyanmien yôô bé'n kata bé nyin yô sa tete'n kwlaa, bé bu'a Jésus-Christ bo i kunngba ye o ti é Min'n nin é Liké Kléfue'n i liké fi. Swran so'm bé fo bule nde'n bé kle siéé le lalaa.

Sa nglô yile 16:13

N wuun liké tete nsan, bé fin dragon'n (*f46*) nin nnen'n nin swran ng'o ton i wun suen ke o ti Nyanmien nuan idyofue'n bé nuan nun fitéli, bé ti ke kle sa.

Sa nglô yile 17:6

N wuun bla so'n, Nyanmien i swran nin bé nga bé lafi Jésus su ti bé kuun bé'n bé mmôdya'n wa bô bla so'n ke nzan sa. Ke n wunniin'n, o bô n nuan dan kpa.

Sa nglô yile 19:20

Bé traa nnen'n, nin swran ng'o ton i wun suen ke o ti Nyanmien nuan idyofue b'o yii atre nnen'n i nyrun'n. I atre so'n ye o fa laka bé bo nnen'n i nzolie'n wô bé wun'n, nin bé nga bé kôtô nnen'n i wunsu bo bé yôli'n i bô nion. Bé traa bé nnyon'n bé gua bé sin dan bo soufre (*f26*) ô nun, b'o dyué'n nun.

Sa nglô yile 20:10

Bé tôô mmusu'm bé si Satan b'o lakalaka bé'n yii sin dan nin soufre (*f26*), bo nnen dan'n nin swran ng'o ton i wun suen ke o ti Nyanmien nuan idyofue'n bé ô lo'n, nun. Béh wunh bé nyrun wia nun nin kongue tititi.