Matthieu 6:9 - Nyanmien nde Ufle

⁹ I so'n ti, amun lie'n anh sé ke: É Si bo a ô nyanmien su lo'n man é bô o dunman fe,

NYANMIƐN NDƐ'N 1998

⁹ I sɔ'n ti'n, amun liɛ'n, an `se kɛ: E si bɔ a o nyanmiɛn su lɔ'n, man sran'm be wun i wlɛ kɛ wɔ ngunmin yɛ a ti Nyanmiɛn nin-ɔn,

Matthieu 6:9 Iomraidhean Croise

Matthieu 10:29

?Be yô'a ndrôfia nnyon ate bablu kun? Sannge o nin i so'n ngba, se amun Si a kpli'an su'n, bé nun kun sa toman.

Matthieu 23:9

Nanh an fle swran ti blé fi amun si, afin amun Si'n ti kunngba tye, i ye o ô nyanmien su lo nion.

Matthieu 26:29

Nh kanh klé amun ke, ke o fin nde'n n su no'an raisin (*f12*) nzué nga kun, lélé san tyen nga min nin amun éh nonh ufle n Si i men'n nun lo'n.

Matthieu 26:42

O yatyi bé oli ékun, o sé i Si ke: N Si, se o ti'a bo nyrennen wié nga tô fuan min'n, man n wun nyrennen so'n. Sa nga a klô ke ah yôh'n, yô.

Matthieu 5:16

I kunngba nion, anh yô ke kannin sa swran'm bé nyrun, man bé wun amun nyôlie kpa'n nan bé manman amun Si b'o ô nyanmien su lo'n.

Matthieu 5:48

I so'n ti, anh yô swran kpa ke amun Si b'o ô nyanmien su lo'n ti kpa'n sa.

Matthieu 6:14

Se an yatyi sa nga swran'm bé yô amun'n tye bé'n, amun Si b'o ô nyanmien su lo'n, i kusu oh yatyih amun lie'n tye amun

Matthieu 6:6

Sannge o lie'n, ke a nin Nyanmien amunh kôkôh yale'n, wlu o sua ba'n nun lo nyin anuan'n nan a nin o Si b'o ô nvialie nun'n, amuan idyo, ye o Si b'o wun nvialie nun sa'n, o wa yô o mô.

Matthieu 7:11

Se amun bo an ti te'n, an fa liké kpa tye amun mma mun'n, wuun amun Si b'o ô nyanmien su lo'n i kusu oh fah liké kpa man bé nga bé sre i'n kpe blu.

JÉSUS-CHRIST I DYASIN FE'N BO LUC KLELI'N 15:18

M ma dyaô ko n si sin, nan nh séh i ke:

JÉSUS-CHRIST I DYASIN FE'N BO LUC KLELI'N 15:21

Ba'n séé i si ke: Baba, man yô te nyanmien'n bô, ye man yô o te. Ke bé sé ke n ti o wa'n, o nin i so fataman kun.

JÉSUS-CHRIST I DYASIN FE'N BO LUC KLELI'N 2:14

Man Nyanmien manmale'n te nyanmien su lo, Ye man swran bo Nyanmien klun dyo bé wun asie'n su wa'n, bé wun dyo bé.

Jean 20:17

Ye Jésus sé i ke: Nanh kan min, afin n nian fu'a n Si wun lo ka. Sannge ko n niaan'm bé sin kô sé bé ke, nh fuh ko min nin amun é Si'n b'o ti min nin amun é Nyanmien'n i wun lo.

Rɔmfuɛ Mun 1:7

Nh fah fluwa nga ble amun bo an wô Rome lo bo Nyanmien klô amun b'o fle amun ke an katyi i lie mlonmlon'n. Man é Si Nyanmien nin é Min Jésus-Christ bé man an nyan yé, ye man amun wun dyo amun fouun!

Rɔmfuɛ Mun 8:15

Afin Nyanmien i Wawe'n b'o fa mannin amun'n, i lie'n o fa'a amun katyi'a kanga, o wla'a amun sre, sannge o fa amun katyi ke Nyanmien klun ba sa. I so'n ti, é kwla kpan fle Nyanmien ke: Baba!

Galasifuɛ Mun 1:1

M Paul, Jésus-Christ nin é Si Nyanmien b'o tyenniin'n bé sunmaan min. N sunmanle so'n fi'an swran, ye nanh swran fi ye o sié n soo.

Galasifuɛ Mun 4:6

Nyanmien wa bo an ti'n ti, o sunmeen i Wa'n i Wawe'n ke o wa tran é awlen'n nun, o kpan fle Nyanmien ke: Baba!

1 Timote 6:16

I kunngba tye ye o wumaan, o tran lika b'o kpadya nyannyannyan bo swran fi kwla mentenmen'n nun. Swran fi nian wu'en lé, ye bé kwla wunmen. Man bé menmen ye bé si ke o ti kwlafue tititi. Mon o yô so.

1 Piɛr 1:17

An fle Nyanmien b'o nia'an swran nyrun ye o di dyole'n, sannge nde sin ye o dyran di dyole'n, amun Si. I so'n ti, ke an te ô asie'n su wa'n, anh yô sa ng'o klé ke amun nyin yii'n.

Sa nglô yile 4:11

É Min Nyanmien, ke bé yi o aye, bé manman o, bé sé ke a ti kpli'n, o ti i su, afin wo ye a yii liké'n kwlaaa, a klô ke ah yih bé ti ye a yii béo, ye o ti ye bé ô leo.

Sa nglô yile 5:12

Bé kpan kéklé, bé sé ke: Ke Nyanmien man Bua Gbanflen bo bé kunniin'n o kwla, b'o men anyanbéun, b'o man o si ngwlele, b'o men wunmien, bo bé yeyee, bé yi i aye, bé menmen'n, i kwlaa so'n ti i su.